रविवार, 15 नोव्हेंबर 2026
कॉलिंग, मेसेजिंग आणि इतर विविध कामांसाठी आपण आपल्या स्मार्टफोनचा वापर करत असतो. आपल्या स्मार्टफोनमध्ये वैयक्तिक माहिती, बँक डिटेल्स आणि इतर बराच डेटा स्टोअर केलेला असतो. अशा परिस्थितीत जर आपण योग्य काळजी घेतली नाही तर आपल्या सामान्य चुकीमुळे स्मार्टफोनमधील डेटा लीक होऊ शकतो. अनेक स्मार्टफोन यूजर्सकडून केली जाणारी सर्वात सामान्य चूक म्हणजेच बाहेर जाताना स्मार्टफोनचा वायफाय ऑन ठेवणं. स्मार्टफोनचा वाय-फाय चालू राहणं ही अतिशय सामान्य गोष्ट वाटत असली तरी यामुळे अनेक धोके निर्माण होऊ शकतात. याबाबत आता जाणून घेऊया. (फोटो सौजन्य: Pinterest)
सावधान! घराबाहेर पडताना स्मार्टफोनचा Wi-Fi ऑन ठेवताय? एक चूक अन् लीक होऊ शकतो वैयक्तिक डेटा
स्मार्टफोनचा वाय-फाय चालू राहिल्यास डिव्हाईस सतत आजूबाजूचे नेटवर्क्स शोधू लागतो. अशा परिस्थितीत कॅफे, एअरपोर्ट, रेल्वे स्टेशन आणि शॉपिंग मॉलला तुमचा वायफाय आपोआप कनेक्ट केला जाऊ शकतो. मात्र या ठिकाणी उपलब्ध असणाऱ्या अनेक वाय-फाय नेटवर्कची सुविधा कमकुवत असते, ज्यामुळे तुमची सुरक्षा धोक्यात येऊ शकते.
सायबर गुन्हेगार लोकांची फसवणूक करण्यासाठी नकली वाय-फाय हॉटस्पॉट तयार करतात. असे वाय-फाय हॉटस्पॉट सहसा एअरपोर्ट किंवा हॉटेलमध्ये मोफत उपलब्ध असतात. जर तुमचा स्मार्टफोन अशा वाय-फाय हॉटस्पॉटला कनेक्ट झाला तर तुमची माहिती सायबर गुन्हेगारांपर्यंत पोहोचू शकते.
बाहेर जाताना स्मार्टफोनचा वाय-फाय ऑन असल्यास डिव्हाईस सतत नेटवर्कच्या शोधात असते. ज्यामुळे बॅटरी लवकर संपू शकते.
घराबाहेर पडताना नेहमी स्मार्टफोनचा वाय-फाय बंद करा, ज्यामुळे डिव्हाईस चुकीच्या नेटवर्कला कनेक्ट केले जाणार नाही.
तसेच सार्वजनिक वाय-फायवर कोणतेही व्यवहार करणं, किंवा हा वाय-फाय कनेक्ट केल्यानंतर कोणतीही वैयक्तिक माहिती शेअर करणं टाळा. यामुळे तुम्ही सायबर गुन्हेगारांपासून सुरक्षित राहू शकता.
