छातीमधील कफ कमी होत नाहीये? मग तुपासोबत करा ‘या’ मसाल्याचे सेवन, क्षणार्धात मिळेल आराम

छातीमध्ये कफ सुकल्यानंतर सतत छातीमध्ये दुखणे, घुरघुर आवाज येणे इत्यादी अनेक समस्या उद्भवू लागतात. या सर्व समस्यांपासून आराम मिळवण्यासाठी तूप आणि लवंगचे एकत्र सेवन करावे. जाणून घ्या शरीराला होणारे फायदे.

हिवाळ्यामध्ये वातावरणात सतत काहींना काही बदल होत असतात. वातावरणात होणाऱ्या बदलांचा परिणाम आरोग्यावर लगेच दिसून येतो. सर्दी, खोकला, ताप इत्यादी साथीचे आजार वाढू लागल्यानंतर शरीराची रोगप्रतिकारशक्ती कमी होऊन जाते. सर्दी खोकल्याची समस्या वाढू लागल्यानंतर काहीवेळा डॉक्टरांच्या गोळ्या औषधांनी सुद्धा आराम मिळत नाही. अशावेळी घरगुती उपाय करून आराम मिळवण्याचा प्रयत्न करावा. घरगुती उपाय शरीरासाठी अधिक प्रभावी आहे. छातीमध्ये जमा झालेल्या कफामुळे छातीत दुखू लागल्यास स्वयंपाक घरातील मसाल्याचा वापर करा. लवंगचा चहा किंवा पाणी बनवून प्याल्यास छातीमध्ये जमा झालेला कफ मोकळा होऊन, छातीमधील दुखण्यापासून आराम मिळेल.(फोटो सौजन्य – iStock)

आतड्यांमधील घाण स्वच्छ करण्यासाठी सकाळी उठल्यानंतर उपाशी पोटी करा ‘या’ रसाचे सेवन

See more

लवंगमध्ये अनेक औषधी गुणधर्म आढळून येतात. या मसाल्याचा वापर प्रामुख्याने पुलाव किंवा तिखट पदार्थ बनवताना केला जातो. चवीला तिखट असलेली लवंग आरोग्यासाठी अतिशय प्रभावी आणि फायदेशीर आहे. लवंगचे नुसतेच सेवन न करता तुम्ही तुपासोबत लवंग खाल्यास सर्दी, खोकला कमी होऊन आराम मिळेल. लवंगामध्ये अँटी-बॅक्टेरियल आणि अँटी-इंफ्लेमेटरी गुणधर्म आढळून येतात, ज्यामुळे शरीराची कमी झालेली रोगप्रतिकारशक्ती सुधारण्यास मदत होते. चला तर जाणून घेऊया लवंग आणि तुपाचे एकत्र सेवन केल्यामुळे आरोग्याला होणारे फायदे.

खोकल्यासाठी लवंगचा वापर कसा करावा:

सर्दी किंवा खोकला वाढू लागल्यानंतर तूप गरम करून त्यात लवंग गरम करून खा. यामुळे छातीमध्ये जमा झालेला कफ कमी होऊन छातीच्या दुखण्यापासून आराम मिळेल. तूप खाणे आरोग्यासाठी अतिशय फायदेशीर आहे. हिवाळ्यामध्ये तुपात शिजवलेला लवंग खाल्यामुळे आरोग्यासंबंधित समस्यांपासून आराम मिळतो. तुपात शिजवलेला किंवा भाजलेला लवंग आरोग्यासाठी अतिशय फायदेशीर आहे.

लवंगचे सेवन करावे:

सर्दी, खोकला आणि आरोग्यासंबंधित समस्यांपासून आराम मिळवण्यासाठी तूप आणि लवंगचे सेवन करावे. यासाठी तूप गरम करून त्यात 5 ते 6 लवंग भाजून घ्या. त्यानंतर थंड करून तुम्ही लवंगाचे सेवन करू शकता. यामध्ये युजेनॉल नावाचा घटक आढळून येतो. ज्यामुळे छातीत जमा झालेला कफ पातळ होऊन बाहेर पडून जातो. याशिवाय तुम्ही लवंग तेलाचा सुद्धा वापरू करू शकता. लवंग तेलाचा वास घेतल्यामुळे छातीमध्ये जमा झालेला कफ मोकळा होतो.

रक्तवाहिन्यांमध्ये चिटकून राहिलेले खराब कोलेस्ट्रॉल काढून टाकण्यासाठी प्रभावी ठरेल लसूणची एक पाकळी, ‘या’ पद्धतीने करा सेवन

See more

तूप खाण्याचे फायदे:

सकाळी उठल्यानंतर उपाशी पोटी नियमित एक चमचा तुपाचे सेवन केल्यामुळे पचनक्रिया सुधारण्यास मदत होते. याशिवाय साथीच्या आजारांमुळे शरीराची कमी झालेली रोगप्रतिकारशक्ती वाढते. त्वचेवर आलेले मुरूम, फोड, सुरकुत्या दूर करण्यासाठी नियमित तुपाचे सेवन करावे. रोजच्या आहारात एक चमचा तूप खाल्यामुळे शरीर हायड्रेट राहते आणि आरोग्यासंबंधित समस्या दूर होतात.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.