तुमच्या रोजच्या जेवणात वापरले जाणारे Cooking Oil बनावट तर नाही ना? अशाप्रकारे ओळखा योग्य ऑइल

सध्या स्वयंपाकाच्या तेलात भेसळीची अनेक प्रकरणे समोर येत आहेत. अशा स्थितीत खाद्यतेलातील भेसळ अनेकदा आपल्या आरोग्यासाठी घातक ठरू शकते. त्यामुळे कॅन्सर, लिव्हर डॅमेजसारख्या समस्या उद्भवू शकतात.

आपण सगळेच आपल्या आरोग्यासाठी खूप कॉन्शियस असतो. अनेक जण तर जिमपासून ते डाएटपर्यंत सगळ्या गोष्टी करताना दिसतात. परंतु, हल्ली मार्केटमध्ये भेसळयुक्त पदार्थ सर्रास विकले जातात, ज्यामुळे नागरिकांचे आरोग्य धोक्यात येऊ शकते. अनेकदा आपण आपल्या रोजच्या जेवणात वापरल्या जाणाऱ्या गोष्टींमध्ये देखील भेसळ असू शकते.

लॉकडाऊनच्या काळात पूर्णपणे निरोगी राहणे हे एक आव्हान बनले आहे. दूध असो, भाजीपाला असो, फळे असोत किंवा तेल असो, प्रत्येक गोष्टीत सर्रासपणे होत असलेल्या भेसळीमुळे प्रत्येक व्यक्तीची प्रतिकारशक्ती कमी होत चालली आहे. अशा परिस्थितीत, घरामध्ये असलेले तेले यापासून वंचित नाहीत. आपण दररोज प्रयत्न करतो की बाहेरून काहीही खाऊ नये, सर्व अन्नपदार्थ पौष्टिक असावेत. पण हे सर्व करताना आपण आपल्या कुकिंग ऑइलकडे लक्ष देत नाही ही एक मोठी चूक ठरू शकते.

प्रेमाची निशाणी आहे ‘Love Bite’, मात्र बेतू शकते जीवावर, कसे ते घ्या जाणून

बाजारात बिनदिक्कतपणे विकले जाणारे रिफाइंड पदार्थ आपण वापरात असतो अनेकदा आपल्याला वाटते की आपण खूप पौष्टिक अन्न खाल्ले आहे परंतु असे नसते. ऑइल भेसळीमुळे तेलाचा दर्जा खराब झाला आहे. खाद्यतेलातील भेसळ प्रत्येक घरात सहज शिरली असून प्रत्येकाच्या आरोग्याला हानी पोहोचवत आहे.

हे ऑइल एडल्ट्रेशन काय असते?

खाद्यतेलामध्ये अस्वच्छ आणि हानिकारक स्वस्त तेल आणि इतर हानिकारक पदार्थ मिसळले जातात, जेणेकरून ग्राहकांना गोंधळात टाकून त्यांच्याकडून जास्तीत जास्त नफा कमावता येतो. त्याचे कर्करोग, अर्धांगवायू, यकृत खराब होणे, ऍलर्जी, कार्डियाक अरेस्ट यांसारखे अनेक दुष्परिणाम आहेत.

ऑइल एडल्ट्रेशन कसे केले जाते?

मोहरीचे तेल अर्जिमोन तेलात मिसळून विकले जाते, ज्याच्या सेवनाने पित्ताशयाचा कर्करोग, अगदी अंधत्व देखील होऊ शकते. संशोधनानुसार, अशी अनेक तंत्रे विकसित केली गेली आहेत ज्याद्वारे स्पेक्ट्रोस्कोपिक टेक्निक, शास्त्रीय रासायनिक पद्धत, स्पेक्ट्रोफोटोमेट्रिक विश्लेषण, एफटीआयआर स्पेक्ट्रोस्कोपी इत्यादीसारख्या तेल भेसळ शोधता येते. पण घरी बसून तेलातील भेसळ कशी ओळखायची हे सर्वसामान्यांना कळणे अत्यंत आवश्यक आहे. FSSAI नुसार, काही मानके दिली आहेत ज्याद्वारे तेल भेसळ ओळखता येते. तेलातील भेसळ कशी ओळखायची ते जाणून घेऊया.

पॅकेजिंग चेक करा

म्पर प्रूफ सील खरेदी करा. तुटलेली किंवा सैल पॅकेजिंग असलेली तेलाची बाटली भेसळ दर्शवते. यामुळे तुमच्या आरोग्यावर वाईट परिणाम होऊ शकते.

किंमतीकडे नका पाहू

स्वस्त दरात मोठ्या प्रमाणात तेल उपलब्ध असल्याने तेल खरेदी करताना किंमतीकडे लक्ष देऊ नका. स्वस्त किंमतीत मिळणारे कुकिंग ऑइल आरोग्याचे नुकसान करू शकते.

पहा आणि टेस्टिंग करा

तेल पूर्णपणे स्वच्छ आणि सर्वत्र समान रंगाचे आहे का, हे चेक करा. जर रंग बदलला असेल किंवा तेलामध्ये कोणत्याही प्रकारची घाण किंवा फेस दिसला तर ते तेलाची भेसळ दर्शवते.

सुगंध

स्वच्छ तेलाचा सुगंध स्पष्टपणे ओळखता येते. तेलाच्या भेसळीमुळे कोणताही उग्र किंवा वाईट वास येऊ शकतो.