Soup Recipe: हिवाळ्यात वाढलेले वजन नियंत्रणात ठेवण्यासाठी घरी बनवा गरमागरम हिरव्या मुगाचे सूप, शरीराला मिळेल भरपूर ऊर्जा

Soup Recipe: थंडीच्या दिवसांमध्ये शरीरातील ऊबदारपणा कायम टिकवून ठेवण्यासाठी आहारात गरमागरम सूपचे सेवन करावे. सूप प्यायल्यामुळे आरोग्य सुधारण्यास मदत होते आणि शरीराला फायदे सुद्धा होतात.

Soup Recipe: राज्यासह संपूर्ण देशभरात सगळीकडे थंड वारे वाहू लागले आहेत. थंडीच्या दिवसांमध्ये वातावरणात सतत काहींना काही बदल होत असतात. वातावरणात होणाऱ्या बदलांमुळे शरीराची रोगप्रतिकारशक्ती कमकुवत होऊन जाते आणि आरोग्य बिघडते. शरीरातील उबदारपणा टिकवून ठेवण्यासाठी वेगवेगळ्या पदार्थांचे सेवन केले जाते. थंडीच्या दिवसांमध्ये मोठ्या प्रमाणावर सूप प्यायले जाते. टोमॅटो, पालक आणि इतर मिक्स भाज्यांचा वापर करून सूप बनवले जाते. पण आज आम्ही तुम्हाला हिरव्या मुगाचे सूप बनवण्याची सोपी रेसिपी सांगणार आहोत. या पद्धतीने बनवलेले सूप चवीसोबतच शरीरासाठी सुद्धा खूप जास्त फायदेशीर आहे. यामुळे थंडीच्या दिवसांमध्ये हाडांना आणि शरीराला आवश्यक पोषण मिळते. सकाळच्या नाश्त्यात किंवा संध्याकाळच्या छोट्या भुकेसाठी हिरव्या मुगाचे सूप पिणे फायदेशीर ठरते. चला तर जाणून घेऊया रेसिपी.(फोटो सौजन्य – istock)

Rava Chilla: नाश्त्यात काहीतरी हेल्दी अन् टेस्टी हवंय? फक्त १५ मिनिटांत बनवा कुरकुरीत रव्याचा चिला; रेसिपी नोट करा

साहित्य:

• भिजवलेले मूग
• पाणी
• तूप
• कांदा
• आलं
• लसूण
• काळीमिरी पावडर
• हळद
• मीठ
• लिंबाचा रस
• कोथिंबीर
• जिरं

Long vs Round Red Chilli: लांब आणि गोल लाल मिरकाही लांब मिरच्या मध्यम तिखट असतात, तर काही जाती अधिक तिखट असू शकतात.ची दिसायला सारख

कृती:

• हिरव्या मुगाचं सूप बनवण्यासाठी सर्वप्रथम, हिरवे मूग स्वच्छ धुवून पाण्यात भिजत ठेवा. भिजवलेले मूग कुकरच्या भांड्यात घेऊन त्यात पाणी आणि चवीनुसार मीठ घालून कुकरच्या ४ ते ५ शिट्या काढा.
• कढईमध्ये तूप गरम करून त्यात जिरं, बारीक चिरलेला कांदा, किसलेले आले आणि ठेचलेला लसूण घालून लालसर होईपर्यंत भाजा. यामुळे पदार्थांचा कच्चेपणा कमी होईल.
• त्यानंतर त्यात काळीमिरी पावडर, हळद आणि शिजवलेले मूग घालून व्यवस्थित मिक्स करा. आवश्यकता वाटल्यास मीठ टाकावे.
• त्यानंतर मॅशरच्या मदतीने सर्व साहित्य व्यवस्थित मिक्स करून घ्या. यामुळे सूपला क्रिमी टेस्ट येईल आणि पदार्थाची चव मस्त लागेल.
• आवश्यकता वाटल्यास सूपमध्ये पाणी टाकून मिक्स करा. सूपला ५ मिनिटं उकळी आल्यानंतर गॅस बंद करून वरून बारीक चिरून घेतलेली कोथिंबीर घाला.
• तयार आहे सोप्या पद्धतीमध्ये बनवलेले गरमागरम हिरव्या मुगाचे सूप.