केसगळती थांबवण्यासाठी पैसे खर्च करण्याची गरज नाही, अशाप्रकारे घरीच तयार करा ‘आवळ्याचं तेल’; एकदाच बनवा आणि 2 महिने वापरा

Aamla Oil : आवळ्यातील औषधी गुणधर्म केसांना आतून पोषण देते ज्यामुळे केसगळती थांबून केसांचे आरोग्य सुधारण्यास मदत होते. तुम्ही घरच्या घरी आवळ्याचे नैसर्गिक तेल तयार करू शकता ज्यासाठी फक्त दोन साहित्यांची आवश्यकता लागेल.

• आवळा केसांच्या आरोग्यासाठी फार फायदेशीर मानला जातो.
• यातील पोषक घटक केसांना आतून पोषण मिळवून देते.
• तुम्ही घरीच सोप्या पद्धतीने आवळ्याचे तेल तयार करू शकता.

वाढते प्रदूषण, चुकीचा आहार यामुळे आपल्या केसांचे आरोग्य खराब होत असते. मग पुरुष असो वा महिला केसांच्या समस्या सर्वांनाच उद्भवतात. हिवाळ्यात तर केसांच्या समस्या दुपटीने वाढतात. केसगळती ही एक सामान्य समस्या असली तरी त्यावर वेळीच उपाययोजना करणे फार महत्त्वाचे ठरते, अन्यथा ही समस्या आणखी वाढू शकते. केस विंचारताना जर फणीवर २५ ते ३० केस तुटलेले दिसत असतील तर ते सामान्य असू शकते पण यांची संख्या जर अधिक असेल तर तुम्ही याकडे गंभीरतेने लक्ष द्यायला हवे.

आतड्यांमध्ये चिकटलेला विषारी मल झटक्यात बाहेर पडून जाईल बाहेर! रोज सकाळी नियमित खा ‘ही’ फळे, पोट होईल स्वच्छ

केसगळती रोखण्यासाठी लोक अनेकदा वेगवेगळ्या प्रकारचे शॅम्पू आणि कंडिशनरचा वापर करतात. पण बऱ्याचदा या प्रोडक्टमध्ये विविध रसायने वापरल्याचे आढळते ज्यामुळे आपली केस आणखी डॅमेज होऊ शकतात. यामुळे दिर्घकाळ केसांना नुकसान पोहचू शकते. जर तुम्हाला केसगळती रोखायची असेल तर तुम्ही आजच आवळ्याच्या तेलाचा वापर करु शकता. आवळ्यातील नैसर्गिक गुणधर्म केसांना मुळापासून मजबूत बनवायला आणि केसगळती रोखायला मदत करते. इंस्टाग्रामवर @ssmilehyatt या अकाऊंटवर आवळ्याचे तेल घरी कसे तयार करायचे याची एक सोपी पद्धत शेअर करण्यात आली आहे.

तेल बनवण्यासाठी लागणारे आवश्यतक साहित्य

• आवळा
• नारळ तेल

तेल बनवण्याची पद्धत

• आवळ्याचे तेल घरच्या घरी तयार करण्यासाठी सर्वप्रथम आवळा पाण्याने स्वच्छ धुवून घ्या.
• आता आवळ्याचे बारीक तुकडे करा.
• आवळ्याचे तुकडे आणि नारळाचे तेल मिक्सरच्या भांड्यात घाला आणि काहीवेळ फिरवून मिक्सरमध्ये याची पेस्ट तयार करा.
• तयार पेस्ट आता एका पॅनमध्ये टाकून मंद आचेवर शिजवून घ्या.
• जेव्हा ही पेस्ट छान जळेल आणि यातून संपूर्ण तेल वेगळं होईल तेव्हा गॅस बंद करा.
• तेलाला चांगल थंड होऊ द्या आणि काही तासानंतर एका फडक्यात बांधून हे तेल गाळून घ्या.
• तायर तेल एका बाटलीत भरा आणि हवं तेव्हा केसांवर या तेलाने मसाज करा.
• आठवड्यातून २ ते ३ वेळा किंवा केस धुण्यापूर्वी २ तास आधी हे तेल केसांना लावा.
• तुम्ही हे तेल १ ते २ महिने टिकवून ठेवू शकता.

तरुण वयात केस पांढरे झाले असतील तर आवळ्याचा वापर करून घरीच बनवा नॅचरल हेअर डाय, केस होतील काळेभोर सुंदर

आवळ्याचे फायदे

• आवळ्याचे सेवन आतड्यांना आतून साफ करते, हे पचनाच्या समस्यांनाही दूर करण्यास मदत करते.
• आवळा केसांच्या समस्येसाठी गुणकारी आहे.
• आवळा त्वचेला पोषण देते, ज्यामुळे त्वचा स्वच्छ आणि चमकदार राहते.
• आवळा यकृताला डिटाॅक्स करण्याचे काम करतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.