दसऱ्यानिमित्त घरी आलेल्या पाहुण्यांसाठी झटपट बनवा चवदार सफरचंदाची खीर, नोट करून घ्या रेसिपी

दसऱ्याच्या दिवशी घरात अनेक गोड पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये सफरचंद खीर बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल.

नवरात्रीच्या नऊ दिवसांमध्ये सगळीकडे एक वेगळाच आनंद आणि उत्साह असतो. सणाच्या दिवशी गोड पदार्थ बनवले जातात. उपवासाच्या नऊ दिवसांमध्ये घरात अनेक वेगवेगळे पदार्थ बनवले जातात. कधी शेवयांची खीर तर कधी बदाम हलवा बनवला जातो. नवरात्रीचे नऊ दिवस देवीच्या मनोभावे पूजा केल्यानंतर दहाव्या दिवशी दसरा साजरा केला जातो. दसऱ्याच्या दिवशी घरात सोन्याची पूजा केली जाते. तसेच देवाच्या नैवेद्यासाठी अनेक वेगवेगळे पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये सफरचंद खीर बनवण्याची सोपी रेसिपी सांगणार आहोत. लहान मुलांपासून अगदी मोठ्यांपर्यंत सगळ्यांचं सफरचंद खायला खूप जास्त आवडते. सफरचंदामध्ये जीवनसत्त्वे, अँटिऑक्सिडंट्स आणि फायबर मोठ्या प्रमाणावर आढळून येते. त्यामुळे अतिशय कमी साहित्यामध्ये तुम्ही सफरचंद खीर बनवू शकता. चला तर जाणून घेऊया सफरचंद खीर बनवण्याची सोपी रेसिपी.(फोटो सौजन्य: Pinterest)

संध्याकाळच्या नाश्त्यात टेस्टी पदार्थ खायचा असेल तर सोप्या पद्धतीमध्ये बनवा Cheese Corn Sandwich, नोट करून घ्या झटपट होणारी रेसिपी

साहित्य:

• सफरचंद
• दूध
• तूप
• सुका मेवा
• वेलची पावडर
• केशर
• गुलाब पाकळ्या

सकाळच्या नाश्त्यासाठी १० मिनिटांमध्ये झटपट बनवा चमचमीत Potato Bites, चहा- कॉफीसोबत लागेल सुंदर

कृती:

• सफरचंद खीर बनवण्यासाठी सर्वप्रथम, कढईमध्ये दूध गरम करण्यासाठी ठेवा. दुधाला व्यवस्थित उकळी आल्यानंतर चमच्याने सतत दूध ढवळत राहा. यामुळे काढायला दूध अजिबात चिटकणार नाही.
• सफरचंद स्वच्छ धुवून साल काढून किसून घ्या. त्यानंतर त्यात आवश्यकतेनुसार साखर घालून मिक्स करा.
• दुधाचा रंग हळूहळू बदलण्यास सुरुवात होईल. त्यानंतर त्यात केशर काड्या टाकून व्यवस्थित मिक्स करून घ्या.
• नंतर त्यात वेलची पावडर आणि तुपात भाजून घेतलेला सुका मेवा टाकून मिक्स करा आणि तयार केलेली सफरचंद पेस्ट टाकून पुन्हा एकदा चमच्याने सतत ढवळत राहा.
• दुधाला एक उकळी आल्यानंतर गॅस बंद करून खीर खाण्यासाठी सर्व्ह करा. तयार आहे सोप्या पद्धतीमध्ये बनवलेली सफरचंद खीर.