१० मिनिटांमध्ये झटपट बनवा कोकणातील पारंपरिक पदार्थ काकडी पोहे, पचनक्रिया राहील कायमच निरोगी

नेहमीच कांदापोहे खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही सोप्या पद्धतीमध्ये काकडी पोहे बनवू शकता. हा पदार्थ कोकणात प्रामुख्याने बनवला जातो.

सकाळच्या नाश्त्यात नेहमीच काय बनवावं? असा प्रश्न सर्वच गृहिणींना पडतो. नाश्त्यात कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अनेक घरांमध्ये अजूनही सकाळच्या नाश्त्यात चहा आणि पोहे खाल्ले जातात. कारण घाईगडबडीमध्ये नाश्त्यात काय हे सुचत नाही. सकाळच्या नाश्त्यात कायमच हेल्दी आणि टेस्टी पदार्थांचे सेवन करावे. पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. याशिवाय शरीरातील थकवा कमी होण्यास मदत होते. कोकणात बनवले जाणारे पारंपरिक पदार्थ जगभरात सगळीकडे प्रसिद्ध आहे. ओल खोबर आणि घरातील पारंपरिक पदार्थांचा वापर करून अनेक नवनवीन पदार्थ बनवले जातात. म्हणूनच आज आम्ही तुम्हाला कोकणातील पारंपरिक पद्धतीमध्ये काकडी पोहे बनवण्याची सोपी रेसिपी सांगणार आहोत. काकडी खाल्यामुळे पोटात वाढलेली उष्णता कमी होते आणि पचनक्रिया सुधारते. याशिवाय पोहे पचनासाठी अतिशय हलके असतात. चला तर जाणून घेऊया काकडी पोहे बनवण्याची सोपी रेसिपी.(फोटो सौजन्य – pinterest)

Raksha Bandhan 2025 : सणानिमित्त घरी बनवा राजस्थानची फेमस मिठाई ‘घेवर’, फार सोपी आहे रेसिपी

साहित्य:

• काकडी
• पोहे
• ओल खोबर
• मीठ
• चणा डाळ
• उडीद डाळ
• शेंगदाणे
• हिरवी मिरची
• कढीपत्ता
• लाल सुक्या मिरच्या

साबुदाणे खाऊन कंटाळा आला आहे? मग सोप्या पद्धतीमध्ये बनवा उपवास भाजणीचे थालीपीठ, नोट करून घ्या पदार्थ

कृती:

• काकडी पोहे बनवण्यासाठी स्वच्छ करून घेतलेले पोहे पाण्याने धुवून काहीवेळ पाण्यात भिजत ठेवा. त्यानंतर लगेच पोह्यांमधील पाणी काढून चाळणीमध्ये ठेवा.
• कढईमध्ये तेल गरम करून त्यात चण्याची डाळ, पांढर्‍या उडदाची डाळ, हिंग, शेंगदाणे आणि मुगाची डाळ घालून व्यवस्थित लाल होईपर्यंत भाजा.
• त्यानंतर त्यात बारीक चिरलेल्या लाल सुक्या मिरच्या, हिरव्या मिरच्या आणि कढीपत्त्याची पाने घालून मिक्स करा.
• तयार केलेल्या फोडणीमध्ये पोहे टाकून व्यवस्थित मिक्स करून घ्या. नंतर त्यात किसलेली काकडी, ओल्या खोबऱ्याचा किस आणि आवडीनुसार साखर टाकून मिक्स करा.
• तयार आहेत सोप्या पद्धतीमध्ये बनवलेली काकडी पोहे. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल.