हिवाळ्यात शरीर उबदार ठेवण्यासाठी घरी सोप्या पद्धतीमध्ये बनवा खजूर बर्फी, चव लागेल अप्रतिम

थंडीच्या दिवसांमध्ये शरीरातील उष्णता टिकवून ठेवण्यासाठी खजूर बर्फी नक्की बनवून पहा. खजूर आरोग्यासाठी अतिशय पौष्टिक आहे. यामुळे शरीरात कॅल्शियम वाढण्यास मदत होते. जाणून घेऊया खजूर बर्फी बनवण्याची सोपी रेसिपी.

हिवाळ्यामध्ये शरीराची उष्णता टिकवून ठेवण्यासाठी अनेक वेगवेगळ्या पदार्थांचे सेवन केले जाते. उष्ण पदार्थ खाल्यामुळे आरोग्याला फायदे होतात. थंडी चालू झाली की अनेक घरांमध्ये खजूर खाल्ले जातात. खजूर खाल्यामुळे शरीराला पोषण मिळते आणि शरीरातील उष्णता कायम टिकून राहते. पण अनेकांना खजूर खायला आवडत नाही. अशावेळी तुम्ही मुलांसह मोठ्यांना खजूर बर्फी बनवून खाण्यास देऊ शकता. खजूरचे सेवन केल्यामुळे शरीराला ऊर्जा मिळते आणि शरीराची रोगप्रतिकारशक्ती सुधारण्यास मदत होते. कारण थंडीच्या दिवसांमध्ये साथीचे आजार वाढल्यानंतर शरीराचिउ रोगप्रतिकारशक्ती कमी होऊन जाते. कमी झालेली रोगप्रतिकारशक्ती वाढवण्यासाठी खजूर आणि इतर उष्ण पदार्थांचे सेवन करावे. चला तर जाणून घेऊया खजूर बर्फी बनवण्याची सोपी रेसिपी. (फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• खजूर
• दूध
• तूप
• सुका मेवा
• वेलची पावडर
• खोबऱ्याचा किस

नवनवीन रेसिपीसाठी इथे किल्क करा

कृती:

• खजूर बर्फी बनवण्यासाठी सर्वप्रथम, खजूरचे दोन भाग करून त्यातील बी काढून घ्या.
• त्यानंतर खजूर मिक्सरच्या भांड्यात टाकून बारीक वाटून घ्या. नंतर खजूरमध्ये थोडस दूध टाकून पेस्ट तयार करा.
• कढईमध्ये तूप गरम करून त्यात तयार केलेली खजूर पेस्ट घालून व्यवस्थित मिक्स करा.
• खजूरची पेस्ट मंद आचेवर ठेवून सतत ढवळत राहा. अन्यथा खजूर पेस्ट कढईला चिटकून जाईल.
• पेस्ट घट्ट झाल्यानंतर त्यात बारीक चिरलेला काजू, बदाम आणि वेलची पावडर टाकून मिक्स करून घ्या.
• नंतर त्यात सगळ्यात शेवटी खोबऱ्याचा किस टाकून मिक्स करून घ्या.
• तयार केलेले मिश्रण तूप लावलेल्या ताटावर पसरवून थंड झाल्यानंतर सुरीच्या सहाय्याने तुम्हाला हवे त्या आकाराचे तुकडे करून घ्या.
• तयार आहे सोप्या पद्धतीमध्ये बनवलेली खजूर बर्फी.