रामाच्या नैवेद्यासाठी १० मिनिटांमध्ये झटपट बनवा दुधी भोपळ्याचा चविष्ट हलवा, नोट करून घ्या रेसिपी

नेहमी नेहमी तेच गोड पदार्थ खाऊन कंटाळा आल्यास तुम्ही सोप्या पद्धतीमध्ये दुधीचा हलवा बनवू शकता. दुधीचा हलवा बनवण्यासाठी जास्त वेळ लागत नाही. रामनवमीच्या दुधीचा हलवा बनवल्यास सगळेच आवडीने खातील.

संपूर्ण देशभरात मोठ्या आनंद आणि उत्साहात रामनवमी साजरी केली जाते. रामाची विधिवत पूजा करून वेगवेगळ्या गोड पदार्थांचा नैवद्य रामाला अर्पण केला जातो.देशभरात रामनवमीच्या दिवशी एक वेगळाच जल्लोष आणि उत्साह असतो. सणावाराच्या दिवसांमध्ये नेहमी नेहमी काय गोड पदार्थ बनवावे असे अनेक प्रश्न महिलांना सतत पडतात. गुलाबजाम, श्रीखंड किंवा खीर खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही सोप्या पद्धतीमध्ये दुधी भोपळ्याचा हलवा बनवू शकता. याआधी तुम्ही गाजराचा हलवा खाल्लाच असेल. दुधी भोपळ्याचा हलवा बनवण्यासाठी जास्त वेळ लागत नाही. कमीत कमी साहित्यामध्ये दुधीचा हलवा तयार होतो. जाणून घ्या दुधी भोपळ्याचा हलवा बनवण्याची सोपी रेसिपी. (फोटो सौजन्य – iStock)

केळी खायला आवडत नाहीत? मग सोप्या पद्धतीमध्ये केळ्यांपासून बनवा तिखट गोड कोशिंबीर, चव लागेल सुंदर

साहित्य:

• किसून घेतलेला भोपळा
• साखर
• दूध
• वेलची पावडर
• काजू बदामाचे तुकडे
• तूप

संध्याकाळच्या नाश्त्यात चटपटीत पदार्थ खायचा आहे, मग सोप्या पद्धतीमध्ये बनवा पौष्टिक मखाणा चाट

कृती:

• दुधी भोपळ्याचा हलवा बनवण्यासाठी सर्वप्रथम, कढईमध्ये तूप गरम करून त्यात किसून घेतलेला दुधी टाकून भाजून घ्या.
• दुधी भोपळ्यातील पाणी पूर्णपणे आटून गेल्यानंतर दूधीला तूप सुटू लागले. दुधी व्यवस्थित मऊ होईपर्यंत शिजवून घ्या.
• दुधी शिजल्यानंतर त्यात आवश्यकतेनुसार दूध घालून पुन्हा एकदा व्यवस्थित मिक्स करून शिजवा.
• दुधी शिजल्यानंतर चवीनुसार साखर आणि वेलची पावडर टाकून मिक्स करा. दुधीचा हलवा घट्ट होण्यास सुरुवात होईल.
• सगळ्यात शेवटी त्यात काजू, बदामाचे तुकडे टाकून मिक्स करा. तयार आहे सोप्या पद्धतीमध्ये बनवलेले दुधी भोपळ्याचा चविष्ट हलवा.