महाशिवरात्रीसाठी सोप्या पद्धतीमध्ये बनवा चटकदार फराळी मिसळ, उपवासाच्यादिवशी होईल खास बेत

महाशिवरात्रीच्या दिवशी दुपारच्या जेवणात किंवा नाश्त्यासाठी तुम्ही फराळी मिसळ बनवू शकता. फराळी चवीला अतिशय सुंदर लागते. तुम्ही बनवलेला हा पदार्थ घरातील लहान मुलांपासून मोठ्यांपर्यंत सगळ्यांना नक्कीच आवडेल.

महाशिवरात्रीच्या दिवशी महिला आणि पुरुष उपवास करतात. या दिवशी भगवान शंकराची पूजा करून शंकराला नैवेद्य अर्पण केला जातो. याशिवाय अनेक गोडाचे पदार्थ बनवले जातात. उपवास म्हंटल की सर्वच घरांमध्ये प्रामुख्याने साबुदाणा खिचडी हा पदार्थ बनवला जातो. पण उपाशी पोटी साबुदाण्याच्या खिचडीचे सेवन केल्यामुळे शरीरात पित्त तयार होते. ज्यामुळे पोट बिघडणे, डोकं दुखणे इत्यादी अनेक समस्या उद्भवू लागतात. त्यामुळे आज आम्ही तुम्हाला उपवासाच्या दिवशी फराळी मिसळ बनवण्याची सोपी रेसिपी सांगणार आहोत. फराळी मिसळ चवीला अतिशय सुंदर लागते. तुम्ही बनवलेली फराळी मिसळ घरातील सगळ्यांच नक्की आवडेल. सगळ्यांचं उपवासाच्या दिवशी किंवा इतर वेळी चटपटीत पदार्थ खाण्याची इच्छा होते. फराळी मिसळ तुम्ही घरी आलेल्या पाहुण्यांसाठी सुद्धा बनवू शकता. चला तर जाणून घेऊया फराळी मिसळ बनवण्याची सोपी रेसिपी.(फोटो सौजन्य – iStock)

उपवासात फराळाची चव वाढवण्यासाठी सोप्या पद्धतीमध्ये बनवा पौष्टिक शेंगदाण्याची आमटी, झटपट तयार होईल पदार्थ

साहित्य:

• शेंगदाणे
• हिरवी मिरची
• तूप
• मीठ
• साबुदाणे
• बटाट्याची भाजी
• दही
• फराळी चिवडा
• दाण्यांची आमटी
• काकडी
• डाळिंब
• द्राक्ष
• जिरं

Mahashivratri: यंदाच्या वर्षी महाशिवरात्रीच्या उपवासात बनवा चविष्ट पौष्टिक वरीची इडली, पचनास आहे हलकी

कृती:

• फराळी मिसळ बनवण्यासाठी सर्वप्रथम, जिऱ्याची फोडणी देऊन साबुदाण्याची खिचडी बनवून घ्या. यामध्ये तुम्ही बटाटा सुद्धा घालू शकता.
• उकडून घेतलेल्या शेंगदाण्याचा वापर करून दाण्यांची आमटी बनवून घ्या. आमटी बनवताना त्यात हिरवी मिरची जास्त प्रमाणात घालू नये.
• उकडवून घेतलेल्या बटाट्यानं फोडणी देऊन भाजी तयार करा. सर्व पदार्थ बनवून झाल्यानंतर काहीसे थंड करून घ्या.
• मोठ्या बाऊलमध्ये साबुदाणा खिचडी घेऊन त्यावर बटाट्याची भाजी आणि दाण्यांची आमटी टाकून घ्या.
• वरून गोड दही, फराळी चिवडा, भाजलेले दाणे आणि ओले खोबरे घाला. नंतर त्यावर बारीक चिकलेली काकडी, डाळींबाचे दाणे किंवा द्राक्षाचे काप घालून सर्व्ह करा.
• तयार आहे सोप्या पद्धतीमध्ये बनवलेली फराळी मिसळ.