Mahashivratri: यंदाच्या वर्षी महाशिवरात्रीच्या उपवासात बनवा चविष्ट पौष्टिक वरीची इडली, पचनास आहे हलकी

उपवासाच्या दिवशी अनेक घरांमध्ये साबुदाण्याची खिचडी बनवली जाते. पण नेहमी नेहमी तेच खाऊन कंटाळा आल्यास तुम्ही वरीची इडली बनवू शकता. वरीची इडली पौष्टिक आणि पचनास हलकी आहे. जाणून घ्या इडली बनवण्याची रेसिपी.

महाशिवरात्रीच्या उपवासात बनवा चविष्ट पौष्टिक वरीची इडली

Follow Us:

Follow Us:

उपवासाच्या दिवशी नाश्त्यात किंवा दुपारच्या वेळी खाण्यासाठी नेमकं काय बनवावं? हे सुचत नाही. उपवास म्हंटल की सगळ्यात आधी साबुदाण्याची खिचडी किंवा बटाट्याची भाजी बनवली जाते. उपाशी पोटी साबुदाण्याची खिचडी खाल्यास पचनासंबंधित समस्या उद्भवण्याची शक्यता असते. त्यामुळे साबुदाण्याच्या खिचडीचे उपाशी पोटी सेवन करू नये. साबुदाणे खाताना त्यासोबत नेहमीच दह्याचे सेवन करावे. मात्र नेहमी नेहमी तेच पदार्थ खाऊन कंटाळा आल्यानंतर काहींना काही नवीन खाण्याची इच्छा होते. अशावेळी तुम्ही सोप्या पद्धतीचे वरीची इडली बनवू शकता. वरीचा भात पचनास अतिशय हलका असतो. तसेच तुम्ही वरीच्या भातासोबत दही किंवा शेंगदाण्याची आमटी बनवून खाऊ शकता. चला तर जाणून घेऊया व्रिचिं इडली बनवण्याची सोपी रेसिपी.(फोटो सौजन्य – iStock)

Mahashivratri 2025: महाशिवरात्रीच्या उपवासात दिवसभर शरीरातील ऊर्जा टिकून राहण्यासाठी बनवा सुकामेवा सॅलड

साहित्य:

• वरीचे तांदूळ
• साबुदाणे
• मीठ
• दही
• खाण्याचा सोडा
• तेल

उपवासात फराळाची चव वाढवण्यासाठी सोप्या पद्धतीमध्ये बनवा पौष्टिक शेंगदाण्याची आमटी, झटपट तयार होईल पदार्थ

कृती:

• वरीची इडली बनवण्यासाठी सर्वप्रथम, वरीचे तांदूळ आणि साबुदाणे स्वच्छ साफ करून घ्या.
• त्यानंतर मिक्सरच्या भांड्यात टाकून दोन्ही पदार्थ वेगवेगळे व्यवस्थित बारीक करा. पावडर तयार करा.
• मोठ्या बाऊलमध्ये तयार करून घेतलेली वरीची पावडर घेऊन त्यात दही टाकून मिक्स करून घ्या.
• मिक्स करून झाल्यानंतर त्यात आवश्यकतेनुसार पाणी घालून मिक्स करा.
• नंतर त्यात चवीनुसार मीठ आणि खाण्याचा सोडा टाकून बॅटर व्यवस्थित मिक्स करून घ्या. तयार करून घेतलेले मिश्रण 10 मिनिटं तसेच ठेवा.
• इडलीच्या भांड्याला तेल लावून त्यात तयार करून घेतलेले इडलीचे बॅटर टाकून इडली वाफवण्यासाठी ठेवा.
• 10 मिनिटं ठेवून इडली व्यवस्थित शिजल्यानंतर गॅस बंद करून इडली थंड होण्यासाठी ठेवा.
• तयार आहे सोप्या पद्धतीमध्ये बनवलेले वरीची इडली. हा पदार्थ तुम्ही शेंगदाण्याच्या चटणीसोबत खाऊ शकता.

Web Title: How to make fasting idli at home mahashivratri special recipe fasting food

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com