नवरात्रीच्या उपवासात सकाळच्या नाश्त्यासाठी बनवा हेल्दी टेस्टी स्मूदी, वाचा सोपी रेसिपी

उपवासाच्या दिवसांमध्ये साबुदाणा खिचडी, वडे, बटाट्याची भाजी, रताळे इत्यादी पदार्थ खाल्ले जातात. पण हे पदार्थ रिकाम्या पोटी खाल्यामुळे काहीवेळा अपचन किंवा असिडिटी होण्याची शक्यता असते. त्यामुळे उपवासाच्या दिवसांमध्ये पचनास हलके आणि रोग्याला पौष्टिक ठरतील अशा पदार्थांचे सेवन करावे. काहींना उपवासाच्या दिवशी तेलकट पदार्थ खाण्याची सवय असते.

नवरात्रीच्या उपवासात सकाळच्या नाश्त्यासाठी बनवा हेल्दी टेस्टी स्मूदी

Follow Us:

Follow Us:

नवरात्री उत्सवाला राज्यभरात सगळीकडे सुरुवात झाली आहे. आज नवरात्री उत्सवाचा चौथा दिवस आहे. या दिवसांमध्ये अनेक महिला पुरुष उपवास करतात. उपवासाच्या दिवसांमध्ये साबुदाणा खिचडी, वडे, बटाट्याची भाजी, रताळे इत्यादी पदार्थ खाल्ले जातात. पण हे पदार्थ रिकाम्या पोटी खाल्यामुळे काहीवेळा अपचन किंवा असिडिटी होण्याची शक्यता असते. त्यामुळे उपवासाच्या दिवसांमध्ये पचनास हलके आणि रोग्याला पौष्टिक ठरतील अशा पदार्थांचे सेवन करावे. काहींना उपवासाच्या दिवशी तेलकट पदार्थ खाण्याची सवय असते. पण उपवास केल्यानंतर हलके फुलके पदार्थ खावेत. नवरात्रीच्या दिवसांमध्ये शरीराला ऊर्जा मिळण्यासाठी ताक, दूध, दही इत्यादी पदार्थांचे सेवन करावे. त्यामुळे आज आम्ही तुम्हाला उपवासाच्या दिवसांमध्ये नाश्त्यासाठी हेल्दी टेस्टी स्मूदी कशी बनवावी, याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

साहित्य:

• थंड दूध
• काजू बदाम
• वेलची पावडर
• मखणा
• केळ
• खजूर
• बर्फाचे खडे
• ड्रायफ्रूट्सचे तुकडे
• सुकलेल्या गुलाबाच्या पाकळ्या

हे देखील वाचा: रोज सकाळी 2 भिजवलेले खजूर खा, फायदेच फायदे

कृती:

• उपवासाची स्मूदी बनवण्यासाठी सर्वप्रथम, तुपात मखणा भाजून घ्या. मखणा उपवासाच्या दिवसांमध्ये किंवा इतर वेळी तुम्ही स्नॅक्स म्हणून खाऊ शकता.
• त्यानंतर मिक्सरच्या भांड्यात केळ्याचे काप, मखाणे, काजू बदामाचे काप, बिया काढून घेतलेले खजूर, वेलची पावडर, बर्फाचे खडे आणि थंड दूध टाकून मिक्सरमधून फिरवून घ्या.
• सर्व मिश्रण व्यवस्थित ब्लेंड झाल्यानंतर स्मूदी तयार होईल. त्यानंतर तयार केलेली स्मूदी मिक्सरच्या भांड्यात काढून घ्या.
• स्मूदी सर्व्ह करताना ग्लास एक ते दोन बर्फाचे खडे टाकून वरून स्मूदी ओता.
• सजावटीसाठी गुलाबाच्या पाकळ्या आणि काजू बदामाचे तुकडे टाकून सर्व्ह करा.

Web Title: How to make fasting smoothie at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com