एकाच भाजीत मिश्र भाज्यांचा संगम! हिवाळ्यात जरूर बनवून खा गुजराती स्टाईल ‘उंधियो’; रेसिपी नोट करा

Undhiyo Recipe : तारक मेहता का उल्टा चष्मा मालिकेत तुम्ही दया बेनला गुजरातची फेमस डिश उंधियो बनवताना अनेकदा पाहिलं असेल. मिश्र भाज्यांपासून तयार होणारी ही डिश हिवाळ्यातील एक लोकप्रिय डिश आहे.

(फोटो सौजन्य – Pinterest)

Follow Us:

Follow Us:

• गुजराती पदार्थांमध्ये उंधियोची लोकप्रियता फार
• अनेक भाज्यांपासून उंधियो ही डिश तयार केली जाते
• रेसिपी थोडी वेळखाऊ असली तरी याची चव मनाला भिडणारी आहे

थंडीत भाज्यांना नाकारून कसं चालेल, राजस्थानी स्टाईलची ‘बेसन पालक भाजी’ खाल तर बोटंच चाटत रहाल

साहित्य

मिश्र भाज्या

• बटाटे – 2 मध्यम
• रताळे – 1 मध्यम
• सुरण – 150 ग्रॅम
• लहान वांगी – 4
• तुरीच्या किंवा वलोरी शेंगा – 1 कप
• लसूण पेस्ट – 1 टेबलस्पून
• हिरवी मिरची – 3
• कोथिंबीर – 1 कप बारीक चिरलेली

• खवलेले नारळ – अर्धा कप
• तिळ – 2 टेबलस्पून
• धणे–जिरे पूड – 2 टेबलस्पून
• लाल तिखट – 1 टेबलस्पून
• हळद – अर्धा टीस्पून
• साखर – 1 टीस्पून (ऐच्छिक)
• मीठ – चवीनुसार
• लिंबाचा रस – 1 टेबलस्पून

• मेथीची पानं – 1 कप
• बेसन – 1 कप
• लाल तिखट – 1 टीस्पून
• हळद – चिमूटभर
• मीठ – चवीनुसार
• तेल – 1 टेबलस्पून
• तळण्यासाठी/वाफवण्यासाठी थोडे अतिरिक्त तेल
• शिजवण्यासाठी तेल – 4 ते 5 टेबलस्पून

कृती

• यासाठी सर्वप्रथम सर्व भाज्या धुऊन मध्यम आकारात कापून बाजूला ठेवा. मेथीची पानं, बेसन, तिखट, हळद, मीठ आणि तेल एकत्र करून घट्ट गोळा बांधा आणि छोटे लाडू तयार करा.
• हे लाडू हलक्या तेलात तळून घ्या किंवा वाफवूनही करू शकता. कोथिंबीर, हिरव्या मिरच्या, लसूण पेस्ट, खोबरे, तिळ, तिखट, धणे–जिरे पूड, हळद, मीठ आणि साखर एकत्र करून मसाला तयार करा.
• या मसाल्यात सर्व भाज्या चांगल्या मिक्स करून घ्या.
• कढईत तेल गरम करून प्रथम शेंगा आणि कठीण भाज्या टाकून मंद आचेवर झाकून शिजू द्या. नंतर वांगी, बटाटे आणि रताळे घाला.
• आता वरून मुठिया टाका आणि पुन्हा झाकण ठेवून कमी आचेवर शिजू द्या. मधूनमधून भाजी हलक्या हाताने ढवळा, पण भाज्या तुटणार नाहीत याची काळजी घ्या.
• सर्व भाज्या नरम झाल्यावर गॅस बंद करा. शेवटी लिंबाचा रस आणि ताजी कोथिंबीर घाला.
• उंधियू गरम पुरी, फुलका किंवा जिरा राइससोबत अत्यंत चविष्ट लागतो. हिवाळ्यात हा पदार्थ शरीराला उब देतो.

Web Title: How to make gujrati style undhiyo at home perfect dish for winters recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com