थंडीत भाज्यांना नाकारून कसं चालेल, राजस्थानी स्टाईलची ‘बेसन पालक भाजी’ खाल तर बोटंच चाटत रहाल

Besan Palak Bhaji Recipe : रंग, चव आणि सुगंधाने भरलेले राजस्थानी जेवण देशभर प्रसिद्ध आहे. तुम्हाला पालेभाजी खायला आवडत नसेल तर ही भाजी एकदा तुम्ही नक्कीच चाखायला हवी.

(फोटो सौजन्य – Youtube)

Follow Us:

Follow Us:

• घरी बनवा राजस्थानी जेवणाचा बेत
• बेसन-पालकची ही भाजी चवीला फार चमचमीत लागते
• भाजीची ही रेसिपी रात्रीच्या जेवणाला परफेक्ट डिश आहे

Soup Recipe : हा 1 सूप पिताच एका महिन्यात कमी होईल 10 किलो वजन! जाणून घ्या रेसिपी 

पालकात असलेले आयर्न, कॅल्शियम, व्हिटॅमिन A, C आणि फायबर शरीराला पोषण देतात, तर बेसन भाजीला दाटपणा, चव आणि खास राजस्थानी टच देतो. यात खासपणे वापरण्यात येणारे लाल तिखट, गरम मसाला, सुकी मेथी आणि गोड-तिखट चवींचं संतुलन ही भाजी खूप चविष्ट बनवते. सामान्य पालक भाजीपेक्षा ही भाजी अधिक सुगंधी, मसालेदार आणि रोटीसोबत जबरदस्त लागते. तुम्ही ही भाजी रोजच्या जेवणात, लंचमध्ये किंवा सोपी-स्ट्रॉंग चव हवी असताना कधीही बनवू शकता.

साहित्य

• 2 कप बारीक चिरलेला पालक
• ½ कप बेसन
• 2 टेबलस्पून तेल
• 1 टीस्पून जिरे
• 1 टीस्पून राई
• 1 चिमूट हिंग
• 1 मध्यम कांदा (बारीक चिरलेला)
• 1 टीस्पून लसूण पेस्ट
• 1 टीस्पून आले पेस्ट
• 2 हिरव्या मिरच्या बारीक चिरून
• 1 टीस्पून हळद
• 1½ टीस्पून लाल तिखट
• 1 टीस्पून धणे पूड
• ½ टीस्पून गरम मसाला
• 1 टीस्पून सुकी मेथी (कसूरी मेथी)
• चवीनुसार मीठ
• 1 ते 1½ कप पाणी

कृती

• यासाठी सर्वप्रथम पालकाची पाने धुवून कापून घ्या.
• दुसरीकडे एका मिक्सरच्या भांड्यात टोमॅटो, आलं, हिरवी मिरची एकत्र करून पेस्ट तयार करा.
• आता एका वाडग्यात चिरलेली पालक, हळद, मसाला, मीठ, तयार पेस्ट आणि बेसन टाकून सर्व साहित्य एकजीव करून घ्या.
• आता एका तव्यावर तेल गरम करून यात तयार पिठ पसरवून खमंग असा चिला तयार करून घ्या.
• तयार चिल्याचे आता रोल करून बारीक तुकडे तयार करून घ्या.
• गॅसवर दुसरी कढई ठेवून त्यात चिरलेला कांदा परतून घ्या.
• आता त्यात लसूण पेस्ट, आले पेस्ट आणि हिरव्या मिरच्या घाला. मिश्रण सुगंधी होईपर्यंत 1 मिनिट परता.
• यानंतर हळद, लाल तिखट, धणेपूड आणि मीठ घाला. मसाले जळू नयेत म्हणून थोडेसे पाणी टाकून 30 सेकंद परता.
• शेवटी यात चवीनुसार मीठ आणि पालकाच्या चिल्याचे तुकडे घाला आणि गॅस बंद करा.
• गरम गरम राजस्थानी स्टाईल बेसन पालक भाजी गरम चपाती, बाजरीच्या भाकरी किंवा ज्वारीच्या भाकऱ्यांसोबत अप्रतिम लागते.

Web Title: Make tasty rajasthani style besan palak subji at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com