सोमवार होईल खास! सकाळच्या नाश्त्यासाठी झटपट बनवा हराभरा कबाब, वाचा सोपी रेसिपी

कमीत कमी वेळात झटपट हरभरा कबाब तयार होतात. ओले हरभरे थंडीच्या दिवसांमध्ये बाजारात मोठ्या प्रमाणावर उपलब्ध असतात. ओले हरभरे खाल्यामुळे शरीराला आवश्यक घटक मिळतात.

आठवड्यातील सात दिवस रोज सकाळच्या नाश्त्यासाठी नेमकं काय बनवावं? हा प्रश्न सर्वच महिलांना पडतो. घरात कांदापोहे, उपमा, शिरा किंवा इडली डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही हेल्दी आणि पौष्टिक हरभरा कबाब बनवू शकता. हरभरा कबाब बनवण्यासाठी जास्त वेळ लागत नाही. कमीत कमी वेळात झटपट हरभरा कबाब तयार होतात. ओले हरभरे थंडीच्या दिवसांमध्ये बाजारात मोठ्या प्रमाणावर उपलब्ध असतात. ओले हरभरे खाल्यामुळे शरीराला आवश्यक घटक मिळतात. तसेच सकाळच्या वेळी नाश्त्यामध्ये हरभरे कबाब खाल्यास पोटही दीर्घकाळ भरलेली राहील आणि लवकर भूक लागणार नाही. सकाळच्या वेळी पोटभर नाश्ता करणे ही आरोग्यदायी सवय आहे. त्यामुळे सकाळी घरातून कामानिमित्त बाहेर पडताना पोटभर नाश्ता करूनच बाहेर जावे. चला तर जाणून घेऊया हरभरा कबाब बनवण्याची सोपी रेसिपी.

नवनवीन रेसिपीसाठी इथे क्लिक करा

साहित्य:

• हरभरे
• पालक
• हिरवी मिरची
• मीठ
• काजू
• बटाटा
• लाल तिखट
• हळद
• आलं लसूण पेस्ट
• पनीर
• चाट मसाला
• गरम मसाला
• कसुरी मेथी
• ब्रेड क्रम्प्स
• कॉर्न फ्लोअर

नवनवीन रेसिपीसाठी इथे क्लिक करा

कृती:

• हरभरा कबाब बनवण्यासाठी सर्वप्रथम, हरभरे आणि पालक शिजण्यासाठी टोपात ठेवा. दोन्ही भाज्या व्यवस्थित शिजल्यानंतर त्यातील पाणी काढून टाका.
• भाज्या मिक्सरमधून बारीक करून घ्या. त्यानंतर मोठ्या बाऊलमध्ये बारीक करून घेतलेल्या भाज्या, मॅश केलेला बटाटा, पनीर टाकून व्यवस्थित कुसकरून घ्या.
• त्यानंतर कढईमध्ये तेल गरम करण्यासाठी ठेवा. गरम तेलात आलं-लसूण पेस्ट, जीरं, गाजर, हिरवी मिरची, मीठ घालून व्यवस्थित मिक्स करा.
• त्यानंतर त्यात तयार केलेले सर्व मिश्रण टाकून व्यवस्थित मिक्स करून घ्या. नंतर त्यात पुदीना, लाल तिखट आणि सर्व मसाले घालून व्यवस्थित मिक्स करा.
• तयार केलेले सारण थंड झाल्यानंतर त्याच्या तुम्हाला हव्या त्या आकाराच्या टिक्की बनवून ब्रेड क्रम्समध्ये घोळून कढईमधील गरम तेलात तळून घ्या.
• तयार आहेत सोप्या पद्धतीमध्ये बनवलेले हरभरा कबाब.हे कबाब तुम्ही सॉस किंवा चटणीसोबत खाऊ शकता.