तोंडाची खराब झालेली चव सुधारण्यासाठी झटपट बनवा आंबटगोड कोकम चटणी, पित्त होईल कमी

रात्रीच्या जेवणात नेहमीच काय भाजी बनवावी? असे अनेक प्रश्न महिलांना पडतात. अशावेळी सोप्या पद्धतीमध्ये तुम्ही कोकम चटणी बनवू शकता. आंबटगोड चवीची कोकम चटणी सगळ्यांचं खूप जास्त आवडेल.

दिवसभर काम करून थकल्यानंतर रात्रीच्या जेवणात प्रत्येकालच पोटभर आणि चविष्ट पदार्थ खाण्यास हवे असतात. डाळ, भात, भाजी आणि भाकरीसोबत जेवणात तोंडी लावण्यासाठी काहींना काही गोड किंवा तिखट पदार्थ खाण्याची सगळ्यांचं इच्छा होते. जेवणात नेहमीच खीर किंवा अतिगोड पदार्थ खाणे आरोग्यासाठी चांगले नाही. या पदार्थांच्या सेवनामुळे मधुमेह किंवा आरोग्यासंबंधित आजार वाढण्याची जास्त शक्यता असते. अशावेळी तुम्ही जेवणात तोंडी लावण्यासाठी आमसुलाची चटणी बनवू शकता. आमसुलांना कोकम सुद्धा म्हंटले जाते. मासे, सोलकढी किंवा पदार्थाचा उग्र वास घालवण्यासाठी कोकमचा वापर केला जातो. कोकम खाल्यामुळे शरीरात वाढलेली ऍसिडिटी किंवा पित्त कमी होते. वारंवार पचनाच्या समस्या उद्भवत असतील तर नियमित कोकम सरबत प्यावे. यामुळे पित्त कमी होईल आणि शरीराला अनेक फायदे होतील.चला तर जाणून घेऊया कोकम चटणी बनवण्याची सोपी रेसिपी.(फोटो सौजन्य – pintrest)

Shravan 2025:उपवासाच्या दिवशी सकाळच्या नाश्त्यात झटपट बनवा खमंग मऊ उपवासाचा पराठा, उद्भवणार नाही पित्ताचा त्रास

साहित्य:

• कोकम
• मीठ
• साखर
• खोबर
• हिरवी मिरची
• आलं
• हिंग
• कोथिंबीर
• कढीपत्ता
• तेल

टिफिन रेसिपी! पराठ्याला द्या टेस्टी टच, नाश्त्यासाठी झटपट बनवा चिली गार्लिक पराठा; लहान मुलेही होतील खुश

कृती:

• कोकम चटणी बनवण्यासाठी सर्वप्रथम, ओल्या नारळाच्या आतील खोबर किसून घ्या. त्यासोबतच कोथिंबीर सुद्धा बारीक चिरा.
• मिक्सरच्या भांड्यात किसून घेतलेलं खोबर, कोथिंबीर, हिरवी मिरची, जिरं आणि आल्याचा बारीक तुकडा टाकून वाटून घ्या. चटणी बारीक करताना त्यात जास्त पाणी टाकू नये.
• त्यानंतर त्यात साखर, आमसुल, चवीनुसार मीठ आणि लसूण पाकळ्या टाकून पुन्हा एकदा बारीक वाटून घ्या.
• फोडणीच्या वाटीमध्ये तेल गरम करून त्यात कढीपत्त्याची पाने, हिंग घालून गरम करा आणि तयार केलेल्या चटणीमध्ये फोडणी टाकून मिक्स करा.
• सगळ्यात शेवटी वरून बारीक चिरलेली कोथिंबीर टाकून चटणी सर्व्ह करा. तयार आहे सोप्या पद्धतीमध्ये बनवलेली कोकम चटणी.