मराठवाडा स्पेशल रेसिपी! डब्यासाठी झटपट बनवा चविष्ट कुरडई भाजी, पारंपरिक पदार्थाने वाढेल जेवणाची चव

आज आम्ही तुम्हाला स्पेशल कुरडई भाजी बनवण्याची सोपी रेसिपी सांगणार आहोत. हा पदार्थ चवीला काहीसा तिखट असतो. याशिवाय मराठवाड्यातील पारंपरिक पदार्थांपैकी एक आहे. जाणून घ्या कुरडई भाजी बनवण्याची सोपी रेसिपी.

राज्याच्या वेगवेगळ्या गावांमध्ये अनेक कायमच पारंपरिक पदार्थ बनवले जातात. पारंपरिक पदार्थांची चव अतिशय सुरेख असते. कोकण, विदर्भ, मराठवाडा इत्यादी भागांमध्ये अनेक नवनवीन पदार्थ बनवले जातात. महाराष्ट्राच्या कानाकोपऱ्यात सगळीकडेच कुरड्यांची भाजी किंवा चुऱ्याची भाजी बनवली जाते. उन्हाळा ऋतूला सुरुवात झाल्यानंतर घरात वाळवणाचे पदार्थ मोठ्या प्रमाणावर बनवले जातात. हे पदार्थ वर्षभर व्यवस्थित टिकून राहतात. मराठवाड्यातील लोकांना तिखट चवीचे पदार्थ खायला खूप जास्त आवडतात. म्हणूनच आज आम्ही तुम्हाला सोप्या पद्धतीमध्ये कुरड्यांची चविष्ट आणि तिखट भाजी बनवण्याची सोपी रेसिपी सांगणार आहोत. हा पदार्थ लहान मुलांपासून अगदी मोठ्यांपर्यंत सगळ्यांचं आवडतो. गरमागरम भाकरी किंवा चपातीसोबत तुम्ही कुरड्यांची चविष्ट भाजी खाऊ शकता. याशिवाय घाईगडबडीच्या वेळी डब्यासाठी काय भाजी बनवावी बऱ्याचदा सुचत नाही. अशावेळी कुरड्यांची भाजी झटपट तयार होते. चला तर जाणून घेऊया कुरड्यांची भाजी बनवण्याची सोपी रेसिपी.(फोटो सौजन्य – istock)

दिवसाची सुरुवात होईल आनंदाने! सकाळच्या धावपळीमध्ये नाश्त्यासाठी बनवा चविष्ट दही सँडविच, नोट करून घ्या रेसिपी

साहित्य:

• कुरडईचा चुरा
• कांदा
• टोमॅटो
• हिरवी मिरची
• लसूण
• आलं
• मीठ
• मोहरी
• हिंग
• तेल
• कोथिंबीर
• मीठ
• कढीपत्ता

थंडीच्या दिवसांमध्ये अस्सल गावरान पद्धतीमध्ये बनवा कुळीथाचा झुणका, कंबर- हाडांच्या दुखण्यांवर रामबाण उपाय

कृती:

• कुरडईची भाजी बनवण्यासाठी सर्वप्रथम, टोपात पाणी गरम करून त्यात कुरडईचा चुरा भिजत घाला. १५ मिनिटं ठेवल्यानंतर कुरडई पाण्यातून काढून घ्या.
• कढईमध्ये तेल गरम करून त्यात मोहरी, जिरं आणि कढीपत्त्याचे पाने घाला. नंतर त्यात हिंग घालून मिक्स करा.
• त्यानंतर त्यात बारीक चिरलेला कांदा आणि टोमॅटो घालून व्यवस्थित मिक्स करा. कांदा शिजण्यासाठी त्यात चवीनुसार मीठ घालून मिक्स करा.
• कांदा टोमॅटो व्यवस्थित शिजल्यानंतर त्यात हळद आणि आलं लसूण पेस्ट घालून व्यवस्थित मिक्स करा.
  त्यानंतर त्यात भिजवलेल्या कुरडया घालून व्यवस्थित मिक्स करा. एक वाफ आल्यानंतर वरून बारीक चिरलेली कोथिंबीर घालून
• व्यवस्थित मिक्स करा.
• तयार आहे सोप्या पद्धतीमध्ये बनवलेली कुरडईची भाजी. हा पदार्थ मराठवाड्यात प्रामुख्याने बनवला जातो.