१० मिनिटांमध्ये ताज्या लिंबांपासून बनवा आरोग्यदायी असणारे चटपटीत लिंबू क्रश लोणचं, नोट करा रेसिपी

आज आम्ही तुम्हाला सोप्या पद्धतीमध्ये लिंबू क्रश लोणचं बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. जाणून घ्या रेसिपी.

हिवाळ्यात बाजारामध्ये अनेक वेगवेगळ्या भाज्या आणि फळे उपलब्ध असतात. हंगामी भाज्या आणि फळांचे सेवन केल्यामुळे शरीराला भरमसाट फायदे होतात. त्यातील रोजच्या आहारात नियमित वापरला जाणारा पदार्थ म्हणजे लिंबू. लिंबाचा वापर अनेक वेगवेगळ्या गोष्टींसाठी केला जातो. यामध्ये असलेले घटक शरीरासाठी अतिशय प्रभावी ठरतात. लिंबामध्ये असलेले पाचक पचनक्रिया निरोगी ठेवण्यासाठी मदत करते. याशिवाय यामध्ये विटामिन सी आणि इतर आवश्यक घरात आढळून येतात. थंडीच्या दिवसांमध्ये शरीराची कमकुवत झालेली रोगप्रतिकारशक्ती सुधारण्यासाठी लिंबाचे सेवन करावे. वाढलेले वजन कमी करण्यासाठी सकाळी उठल्यानंतर उपाशी पोटी लिंबाच्या रसाचे सेवन करावे. लिंबाच्या रसासोबतच लिंबाच्या सालीमध्ये सुद्धा भरपूर पोषण असते. आज आम्ही तुम्हाला सोप्या पद्धतीमध्ये लिंबाचा वापर करून चटपटीत लिंबू क्रश लोणचं बनवण्याची सोपी रेसिपी सांगणार आहोत. हा क्रश महिनाभर व्यवस्थित टिकून राहते. चला तर जाणून घेऊया लिंबू क्रश बनवण्याची सोपी रेसिपी.(फोटो सौजन्य – pinterest)

खोबऱ्याची चटणी खाऊन कंटाळा आला असेल तर झटपट बनवा चमचमीत कांद्याची चटणी, नोट करा रेसिपी

साहित्य:

• लिंबू
• लाल तिखट
• लाल तिखट
• मीठ
• लोणचं मसाला
• तेल
• मोहरी
• हिंग
• वाटीभर साखर

सकाळच्या नाश्त्यासाठी १० मिनिटांमध्ये बनवा लहान मुलांच्या आवडीची Lemon Coriander Maggi, नोट करा रेसिपी

कृती:

• लिंबाचा क्रश बनवण्यासाठी सर्वप्रथम, लिंब स्वच्छ धुवून घ्या. त्यानंतर लिंबाचे बारीक तुकडे करून घ्या.
• मिक्सरच्या भांड्यात बारीक चिरून घेतलेल्या लिंबाची जाडसर पेस्ट बनवून घ्या. क्रश तयार करताना लिंबाच्या मिश्रण अजिबात बी राहणार नाही याची काळजी घ्यावी.
• लिंब बारीक करताना त्यात चवीनुसार मीठ, लाल तिखट, साखर घालून वाटून घ्या. यामुळे सर्व मिश्रण एकसारखे वाटले जाईल.
• त्यानंतर फोडणीच्या वाटीमध्ये तेल गरम करून त्यात मोहरी आणि हिंग घालून फोडणी भाजा. तयार केलेली फोडणी लिंबाच्या मिश्रणावर ओतून व्यवस्थित मिक्स करा.
• तयार आहे सोप्या पद्धतीमध्ये बनवलेला चटपटीत लिंबाचा क्रश.