सतत डाळभात खाऊन कंटाळा आहे का? मग झटपट बनवा पारंपरिक मसाले भात

सर्वच घरांमध्ये दुपारच्या आणि संध्याकाळच्या जेवणात भात बनवला जातो. भात खाल्ल्याशिवाय पोटच भरत नाही. पण सतत तोच पांढरा भात खाऊन कंटाळा आला असेल तर एक वाटी तांदळाचा वापर करून मसाले भात नक्की बनवून पाहा. लग्न समारंभ आणि इतर कार्यक्रमांमध्ये अनेक ठिकाणी अजूनही मसाला भात बनवण्याची पद्धत आहे.त्यामुळे आज आम्ही तुम्हाला सोप्या पद्धतीमध्ये मसाले भात बनवण्याची रेसिपी सांगणार आहोत. हा भात नक्की बनवून पाहा.

श्रावण महिना सुरु झाल्यानंतर अनेकांच्या घरी मासे, चिकन, अंडी इत्यादी पदार्थ बनवले जात नाहीत. अशावेळी घरात फक्त भाज्या, पालेभाज्या आणि शाहाकारी जेवण बनवले जाते. रोज रोज काय भाजी बनवावी? डाळ कोणती बनवावी? असा प्रश्न सर्वच महिलांना पडतो. रोज रोज डाळ किंवा तिखट वरण खाऊन कंटाळा आल्यानंतर काहींना काही चमचमीत आणि नवीन पदार्थ खाण्याची इच्छा होते. सर्वच घरांमध्ये दुपारच्या आणि संध्याकाळच्या जेवणात भात बनवला जातो. भात खाल्ल्याशिवाय पोटच भरत नाही. पण सतत तोच पांढरा भात खाऊन कंटाळा आला असेल तर एक वाटी तांदळाचा वापर करून मसाले भात नक्की बनवून पाहा. लग्न समारंभ आणि इतर कार्यक्रमांमध्ये अनेक ठिकाणी अजूनही मसाला भात बनवण्याची पद्धत आहे. पूर्वीच्या काळापासून चालत आलेली पद्धत अजूनही जपली जात आहे. चला तर पाहुयात मसाले भात बनवण्याची सोपी पद्धत.(फोटो सौजन्य-istock)

साहित्य:

• तांदूळ
• मोहरी
• जिरं
• लवंग
• दालचिनी
• हिरवी मिरची पेस्ट
• हिरवे मटार
• तोंडली
• काजू
• लाल तिखट
• गरम मसाला
• हळद
• हिंग
• गोडा मसाला
• ओलं खोबरं
• कोथिंबीर
• पाणी
• मीठ

हे देखील वाचा: १० मिनिटांमध्ये बनवा जाळीदार खमंग ढोकळा, मुलांच्या डब्यासाठी उत्तम पदार्थ

कृती:

• मसाले भात बनवण्यासाठी सर्वप्रथम कुकरमध्ये तेल टाकून तेल गरम होण्यासाठी ठेवा. तेल गरम झाल्याशिवाय त्यात कोणतेही पदार्थ टाकू नये.
• गरम तेलात मोहरी, जिरं, तमालपत्र, लवंग, दालचिनी, आले लसूण हिरवी मिरची पेस्ट टाकून झाल्यानंतर फोडणी व्यवस्थित मिक्स करून घ्या.
• फोडणी भाजल्यानंतर त्यात हिरवे मटार, तोंडली, एक वाटी काजू घालून मिक्स करा. मंद आचेवर भाज्यांना एक वाफ येण्यासाठी ठेवा.
• भाज्यांना वाफ आल्यानंतर त्यात धणे पूड, गरम मसाला, लाल तिखट, हळद, हिंग आणि गोडा मसाला घालून पुन्हा एकदा व्यवस्थित मिक्स करून घ्या.
• भाज्यांचे मिश्रण अर्धवट शिजल्यानंतर त्यात मीठ, एक वाटी तांदूळ आणि ओल खोबरं टाकून मिक्स करा. तांदळानुसार त्यात पाणी घालून कुकरचे झाकण लावून घ्या.
• कुकरच्या 3 शिट्ट्या झाल्यानंतर गॅस बंद करून कुकर थंड होण्यासाठी ठेवा. तयार आहे पारंपरिक पद्धतीने बनवलेला मसाला भात.