Diwali 2026: दिवाळी स्पेशल रेसिपी! कोकणातील पारंपरिक पद्धतीने वाटीभर तांदळाच्या पिठापासून बनवा चविष्ट बोरं

Diwali 2026: कोकणातील प्रत्येक घरात दिवाळी सणाला तांदळाच्या पिठाची बोरं बनवली जातात. हा पदार्थ कमीत कमी साहित्यात झटपट तयार होतो आणि चव सुद्धा मस्त लागते. चला तर जाणून घेऊया रेसिपी.

Diwali 2026: दिवाळी सणाला वसुबारसपासून सुरुवात होते. सण उत्सवाच्या दिवसांमध्ये सगळीकडे आनंद आणि उत्साहाचे वातावरण असते. प्रत्येक घरात फराळाचे विविध पदार्थ बनवले जातात. चकली, शेव, चिवडा, लाडू आणि अनारसे, करंजी यासोबतच पारंपरिक पदार्थ सुद्धा बनवले जातात. कोकणातील प्रत्येक घरात दिवाळीला तांदळाच्या पिठाची बोरं आवर्जून बनवली जातात. तांदळाचे पीठ आणि गुळाचा वापर करून बनवलेला चविष्ट आणि शरीरासाठी हेल्दी असलेला पदार्थ सगळ्यांचं खूप जास्त आवडतो. कमीत कमी साहित्यात झटपट तयार होणारे पदार्थ बनवायला सगळ्यांचं खूप जास्त आवडतात. त्यामुळे बोरं तुम्ही बनवू शकता. सणवारांच्या दिवसांमध्ये पारंपरिक पदार्थ फार कमी घरांमध्ये बनवले जातात. त्यामुळे कमी वेळात तयारी होणारी बोरं तुम्ही बनवू शकता. चला तर जाणून घेऊया रेसिपी.(फोटो सौजन्य – pinterest)

Banana Sheera: पिकलेली खायला अजिबात आवडत नाही, मग ५ मिनिटांमध्ये झटपट बनवा केळीचा मऊ स्वादिष्ट शिरा, नोट करा रेसिपी

साहित्य:

• पांढरे तीळ
• तांदळाचे पीठ
• ओल्या खोबऱ्याचा किस
• वेलची पावडर
• जायफळ पावडर
• मीठ
• तेल

Diwali 2026: दिवाळीनिमित्त भाजणीशिवाय बनवा इन्स्टंट तयार होणारी कुरकुरीत बटर चकली, नोट करून घ्या रेसिपी

कृती:

• तांदळाची बोरं बनवण्यासाठी सर्वप्रथम, कढईमध्ये पांढरे तीळ मंद आचेवर लालसर होईपर्यंत भाजा. त्यानंतर त्याच कढईमध्ये ओल्या खोबऱ्याचा किस भाजा.
• खोबऱ्यामधील पाणी पूर्णपणे आटून गेल्यास पदार्थ खराब होणार नाही. त्यानंतर पॅनमध्ये गूळ आणि पाणी एकत्र करून उकळी येण्यासाठी ठेवा.
• गूळ पूर्णपणे विरघळल्यानंतर गॅस बंद करा. ताटात तांदळाचे पीठ, वेलची पावडर, जायफळ पावडर, भाजलेल्या खोबऱ्याचा किस, चवीनुसार मीठ, गरम तेलाचे मोहन घालून चमच्याने सर्व साहित्य व्यवस्थित मिक्स करा. त्यानंतर त्यात गुळाचे मिश्रण घालून सर्व साहित्य एकत्र करून पीठ व्यवस्थित मळून घ्या.
• त्यानंतर पिठाचे छोटे छोटे गोळे करून घ्या आणि कढईमधील गरम तेलात मंद आचेवर तळण्यासाठी सोडा. दोन्ही बाजूने बोरं व्यवस्थित भाजून घ्या.
• तयार आहेत कोकणातील पारंपरिक पद्धतीने बनवलेली तांदळाची बोरं. बोरं पूर्णपणे थंड झाल्यानंतरच डब्यात भरून ठेवावी.