मोहब्बतचा नाही यावेळी घरी बनवा ‘नफरतचा शरबत’, बनवा आणि चव एकदा चाखून तर बघा

Nafrat Ka Sharbat Recipe : उन्हाळ्यात काहीतरी वेगळं ट्राय करा, घरी बनवा दिल्लीचा फेमस स्ट्रीट फूड 'नफरतचा शरबत'. घाबरुन जाऊ नका, हे एक सामान्य ड्रींक आहे जे सफरचंद आणि दुधापासून तयार केले जाते.

• दिल्लीतील जामा मशिदीच्या खाऊ गल्ल्यांमध्ये नफरतचा शरबत फार लोकप्रिय आहे.
• सफरचंद आणि दुधापासून या पेयाला तयार केले जाते.
• उन्हाळ्याच्या दिवसांत तुम्ही घरीच हे ड्रिंक तयार करून पिऊ शकता.

रमजानचा पवित्र महिना सुरू झाला की घराघरांत आणि बाजारपेठांमध्ये विविध थंडगार पेयांची रेलचेल दिसून येते. या दिवसांत प्रेम, आपुलकी आणि एकत्रितपणाची भावना अधिक दृढ होते. अशाच खास पेयांपैकी एक म्हणजे “मोहब्बतचा शरबत”, जो ताज्या टरबूज, दूध आणि गुलाब सिरपच्या मिश्रणातून तयार केला जातो. विशेषतः जामा मस्जिद परिसरात हा शरबत खूप प्रसिद्ध आहे आणि दूरदूरहून लोक याचा आस्वाद घेण्यासाठी येतात.

Summer Special : उष्ण वातावरण वाढत चाललंय… घरी बनवा थंड आणि चटकदार ‘मसाला ताक’

पण याच गल्ल्यांमध्ये एक वेगळ्याच नावाचा आणि तितकाच चविष्ट ड्रिंक मिळतो ज्याचे नाव आहे “नफरतचा शरबत”. नाव जरी वेगळं आणि थोडं विचित्र वाटलं तरी त्याची चव मात्र अतिशय गोड, ताजेतवाने करणारी आणि मोहब्बतच्या शरबतलाही टक्कर देणारी आहे. यंदा तुम्ही काहीतरी हटके आणि मजेदार ट्राय करायचा विचार करत असाल, तर हा नफरतचा शरबत घरी नक्की बनवून पाहा. चला याची रेसिपी जाणून घेऊया.

साहित्य

• २ कप थंड दूध
• १ कप पिकलेला खरबूज (मॅश केलेला)
• २ ते ३ मोठे चमचे गुलाब सिरप
• १ ते २ मोठे चमचे साखर (चवीनुसार)
• १/२ छोटा चमचा वेलची पूड
• १ ते २ मोठे चमचे भिजवलेले सब्जा (तुळशी) बिया
• बर्फाचे तुकडे
• चिरलेले ड्रायफ्रूट्स (बदाम, पिस्ता)

विकतंच कशाला? आता घरीच बनवा लहान मुलांच्या आवडीची ‘स्निकर्स चॉकलेट’, रेसिपी आहे फार सोपी

कृती

• सर्वप्रथम पिकलेल्या खरबूजाचा गर चांगला मॅश करा किंवा हलक्या हाताने ब्लेंड करून स्मूद पल्प तयार करा.
• एका मोठ्या भांड्यात थंड दूध घ्या आणि त्यात साखर घालून नीट विरघळवा.
• आता या दुधात तयार केलेला खरबूजाचा पल्प घालून व्यवस्थित मिसळा, जेणेकरून दोन्हींची चव एकजीव होईल.
• त्यानंतर गुलाब सिरप आणि वेलची पूड घालून हलक्या हाताने मिक्स करा. यामुळे शरबताला छान सुगंध आणि आकर्षक रंग येईल.
• भिजवलेले सब्जा बिया घालून पुन्हा हलक्या हाताने ढवळा.
• आता बर्फाचे तुकडे घाला किंवा काही वेळ फ्रिजमध्ये ठेवून शरबत अधिक थंड करा.
• सर्व्ह करताना ग्लासमध्ये ओता, वरून ड्रायफ्रूट्स घाला आणि आवडीनुसार थोडा गुलाब सिरप टाकून सजवा.
• अशा प्रकारे तयार होणारा नफरतचा शरबत चवीला अतिशय खास आणि ताजेतवाने करणारा आहे. एकदा बनवून पाहिल्यावर तुम्हीही याच्या प्रेमात पडाल.