कडक उन्हाळ्यात लहान मुलांसाठी झटपट बनवा संत्र्याचे थंडगार आईस्क्रीम, बाजारातील चव विसरूनच जाल

उन्हाळ्याच्या दिवसांमध्ये लहान मुलं आईस्क्रीम खाण्याचा सल्ला देतात. अशावेळी तुम्ही सोप्या पद्धतीमध्ये संत्र्याचे आईस्क्रीम बनवू शकता. चला तर जाणून घेऊया संत्र्याचे आईस्क्रीम बनवण्याची सोपी रेसिपी.

उन्हाळा ऋतूला सुरुवात झाल्यानंतर लहान मुलांपासून अगदी मोठ्यांपर्यंत सगळ्यांचं आईस्क्रीम खाण्याची इच्छा होते. या दिवसांमध्ये थंड पदार्थ, कोल्ड्रिंक, नारळपाणी, आईस्क्रीम इत्यादी थंड पदार्थांचे भरपूर सेवन केले जाते. मात्र नेहमी नेहमी बाहेरून विकत आणलेले पदार्थ खाण्यापेक्षा घरी बनवलेल्या पदार्थांचे सेवन करावे. बाजारात विकत मिळणारे आईस्क्रीम तयार करताना हानिकारक रंगाचा किंवा दूषित पाण्याचा वापर केला जातो. चुकीच्या पदार्थांचे सेवन केल्यामुळे शरीराची पचनक्रिया बिघडण्याची शक्यता असते. म्हणूनच आज आम्ही तुम्हाला संत्र्याचा वापर करून थंडगार आईस्क्रीम बनवण्याची सोपी कृती सांगणार आहोत. या पद्धतीने बनवलले आईस्क्रीम चवीला अतिशय सुंदर लागेल याशिवाय घरातील लहान मुलंसुद्धा नक्कीच आवडेल.(फोटो सौजन्य – iStock)

जेवणाच्या ताटात तोंडी लावण्यासाठी सोप्या पद्धतीमध्ये बनवा शेवग्याच्या पानांची चटणी, भाकरीसोबत लागेल मस्त

साहित्य:

• क्रीम
• कंडेन्स मिल्क
• संत्र्याची रस
• संत्र्याची साल
• व्हॅनिला इसेन्स
• चिमूटभर मीठ

जगन्नाथपुरीच्या मंदिरात प्रसाद म्हणून दिले जाते पौष्टिक पेय, चवीसह आरोग्यासाठी ठरेल गुणकारी

कृती:

• संत्र्याचे आईस्क्रीम बनवण्यासाठी सर्वप्रथम, मोठ्या वाटीमध्ये थंड केलेले क्रीम, कंडेन्स्ड मिल्क, संत्र्याचा रस आणि संत्र्याची किसलेली साल टाकून मिक्स करून घ्या.
• मिक्स करून झाल्यानंतर त्यात चवीनुसार मीठ आणि व्हॅनिला इसेन्स टाकून मिक्स करून घ्या.
• तयार केलेले मिश्रण इलेक्ट्रिक मिक्सरमध्ये ओतून चार ते पाच मिनिटं व्यवस्थित फेटून घ्या. मिक्सरच्या भांड्यात आईस्क्रीम व्यवस्थित फेट्ले जाते.
• त्यानंतर तयार करून घेतलेले मिश्रण काचेच्या बंद डब्यात ओतून व्यवस्थित सेट करून घ्या. काचेचा डबा फ्रिजमध्ये ६ ते ७ तासांसाठी तसाच ठेवा.
• ७ तासांनी आईस्क्रीम बाहेर काढल्यानंतर २ ते ३ मिनिटं डबा बाहेर काढून ठेवा. तयार आहे सोप्या पद्धतीमध्ये बनवलेले संत्र्याचे थंडगार आईस्क्रीम.