जेवणाच्या ताटात तोंडी लावण्यासाठी सोप्या पद्धतीमध्ये बनवा शेवग्याच्या पानांची चटणी, भाकरीसोबत लागेल मस्त

शेवग्याची पाने आरोग्यासाठी अतिशय पौष्टिक आहेत. या भाजीच्या सेवनामुळे मधुमेह आणि कोलेस्ट्रॉल नियमित राहतो. आज आम्ही तुम्हाला शेवग्याच्या पानांची चटणी बनवण्याची सोपी रेसिपी सांगणार आहोत.

जेवणाच्या ताटात तोंडी लावण्यासाठी सोप्या पद्धतीमध्ये बनवा शेवग्याच्या पानांची चटणी

Follow Us:

Follow Us:

दैनंदिन आहारात शेवग्याच्या भाजीचे सेवन करावे. या भाजीमध्ये असलेले गुणधर्म हाडांच्या आरोग्यासाठी अतिशय गुणकारी आहे. याशिवाय शेवग्याची पाने, फुले, शेंगा, देठ इत्यादी सर्वच गोष्टी शरीरासाठी आवश्यक आहेत.पौष्टिकतेने समृद्ध असलेली शेवग्याची पाने आरोग्य सुधारण्यासाठी मदत करतात. मात्र आपल्यातील अनेकांना शेवग्याच्या पानांची भाजी खायला आवडत नाही. चवीला कडू असलेली भाजी हाडांसाठी आवश्यक आहे. म्हणूनच आज आम्ही तुम्हाला शेवग्याच्या पानांची चटणी बनवण्याची सोपी रेसिपी सांगणार आहोत. शेवग्याच्या पानाची चटणी भाकरी, चपाती किंवा इतर कोणत्याही पदार्थासोबत तुम्ही खाऊ शकता. मधुमेह किंवा कोलेस्ट्रॉलसारख्या गंभीर आजाराने त्रस्त असलेल्या लोकांनी आहारात शेवग्याच्या पानांची चटणी खावी. यामुळे रक्तातील साखर नियंत्रणात राहील.(फोटो सौजन्य – iStock)

रात्रीच्या जेवणात सोप्या पद्धतीमध्ये झटपट बनवा टोमॅटोचा आंबटगोड सार, भातासोबत करा चविष्ट बेत

साहित्य:

• शेवग्याची पाने
• तेल
• शेंगदाणे
• चणा डाळ
• उडीद डाळ
• हिंग
• जिरं
• धणे
• सुक्या लाल मिरच्या
• कढीपत्ता
• मीठ
• आमचूर पावडर

कृती:

• शेवग्याच्या पानांची चटणी बनवण्यासाठी सर्वप्रथम, शेवग्याची पाने स्वच्छ करून पाण्याने स्वच्छ धुवून कॉटनच्या कपड्यावर सुकण्यासाठी ठेवा.
• पॅन गरम करून त्यात तेल टाका. तेलामध्ये शेंगदाणे, पिवळी चणा डाळ, पांढरी उडीद डाळ, चिमूटभर हिंग, लाल सुक्या मिरच्या आणि जिरं धणे घालून व्यवस्थित भाजून घ्या.
• त्यानंतर त्यात कढीपत्त्याची पाने आणि शेवग्याची पाने टाकून कुरकुरीत भाजून घ्या.
• मिक्सरच्या भांड्यात भाजून घेतलेले सर्व पदार्थ, शेवग्याची पाने, कढीपत्ता, चवीनुसार मीठ टाकून बारीक वाटून घ्या.
• त्यानंतर त्यात आमचूर पावडर टाकून मिक्स करा. मिक्सरमधून चटणी बारीक केल्यानंतर बंद डब्यात भरून ठेवा.
• तयार आहे सोप्या पद्धतीमध्ये बनवलेली शेगव्याच्या पानांची चटणी.

Web Title: How to make moringa leaves chutney at home healthy food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com