Ganesh Chaturthi: लाडक्या बाप्पाच्या प्रसादासाठी १० मिनिटांमध्ये बनवा पंचखाद्य, अशा पद्धतीने करा पारंपरिक पदार्थ

सगळीकडे लाडक्या बाप्पाच्या आगमनाची जोरदार तयारी सुरु आहे. कोकणी माणूस जितक्या आवडीने दिवाळी, दसऱ्याच्या वाट पाहत नाही तितक्या आवडीने गणेश चतुर्थीची वाट पाहत असतो. सप्टेंबर महिना सुरु झाल्यानंतर गणपतीला गावी जाण्याची तयारी सुरु केली जाते. गावखेड्यांमध्ये बाप्पाचे मोठ्या जलौषात स्वागत केले जाते.

दरवर्षी कोकणासह मुंबई, पुण्यात गणपती उत्सव मोठ्या आनंदात आणि उत्साहात साजरा केला जातो. बाप्पाच्या आगमनासाठी चाकरमानी मुंबईहून कोकणच्या दिशेने निघाले आहेत. बाप्पा आणि कोकणी माणूस हे समीकरण काही वेगळेच आहे. सगळीकडे लाडक्या बाप्पाच्या आगमनाची जोरदार तयारी सुरु आहे. कोकणी माणूस जितक्या आवडीने दिवाळी, दसऱ्याच्या वाट पाहत नाही तितक्या आवडीने गणेश चतुर्थीची वाट पाहत असतो. सप्टेंबर महिना सुरु झाल्यानंतर गणपतीला गावी जाण्याची तयारी सुरु केली जाते. गावखेड्यांमध्ये बाप्पाचे मोठ्या जलौषात स्वागत केले जाते. बाप्पाचे आगमन झाल्यानंतर दोन वेळा बाप्पाची आरती केली जाते. या आरतीमध्ये प्रसाद म्हणून वेगवेगळे पदार्थ वाटले जातात. पण कोकणात पंचखाद्यचा नैवेद्य दाखवला जातो. त्यामुळे आज आम्ही तुम्हाला प्रसादामधील पंचखाद्य कसे बनवायचे, याची सोपी रेसिपी सांगणार आहोत. हे पंचखाद्य अगदी 10 मिनिटांमध्ये तयार होते.(फोटो सौजन्य-istock)

साहित्य:

• सुख खोबर
• काजू
• बदाम
• शेंगदाणे
• गूळ
• पाणी
• वेलची पावडर
• लाह्या

हे देखील वाचा: हॉटेलसारखे चवदार आणि लुसलुशीत मोदक आता घरीच बनवा, जाणून घ्या पारंपरिक रेसिपी

कृती:

• पंचखाद्य बनवण्यासाठी सर्वप्रथम गॅसवर कढई गरम करण्यासाठी ठेवा. कढई गरम झाल्यानंतर त्यात काजू, सुकं खोबरं, चणा डाळ, शेंगदाणे हे सर्व पदार्थ वेगवेगळे भाजून घ्या.
• वरील सर्व पदार्थ मंद आचेवर व्यवस्थित भाजून घ्या. मोठ्या फ्लेमवर पदार्थ भाजल्यास पंचखाद्याची चव खराब होऊ शकते.
• त्यानंतर मोठ्या टोपात गूळ आणि पाणी टाकून त्यात गुळाचा एकतारी पाक बनवून घ्या.
• एकतारी पाक तयार झाल्यानंतर त्यात वेलची पावडर आणि भाजून घेतलेले सर्व पदार्थ टाकून व्यवस्थित मिक्स करा.
• सगळ्यात शेवटी तयार मिश्रणामध्ये लाह्या टाकून मिक्स करून घ्या.
• तयार आहे गणपती बाप्पाच्या प्रसादासाठी पंचखाद्याचा प्रसाद.