हॉटेलसारखे चवदार आणि लुसलुशीत मोदक आता घरीच बनवा, जाणून घ्या पारंपरिक रेसिपी

बाप्पा येण्याची चाहूल लागल्यानंतर सगळीकडे आनंद आणि उत्साहाचे वातावरण निर्माण होते. बाप्पाच्या आवडीचा पदार्थ म्हणजे मोदक. गणपती बाप्पाच्या नैवेद्यमध्ये नेहमी उकडीचे किंवा इतर पदार्थांचे मोदक दाखवले जातात. गणेशोत्सवात सर्वच घरांमध्ये मोदक बनवले जातात. पण काहींना मोदक बनवायला येत नाही तर काहींच्या मोदकाच्या काळ्याच तुटून जातात.त्यामुळे आज आम्ही तुम्हाला मोदक बनवण्याची सोपी रेसिपी सांगणार आहोत. या पद्धतीने तुम्हीसुद्धा नक्की मोदक बनवून पहा.

चवदार आणि लुसलुशीत मोदक आता घरीच बनवा

Follow Us:

Follow Us:

गणपती बाप्पाच्या आता अवघे काही दिवस शिल्लक राहिले आहेत. मुंबई, पुणे, कोकणसह संपूर्ण राज्यभरात बाप्पाच्या आगमनाची जोरदार तयारी सुरु आहे. बाप्पा येण्याची चाहूल लागल्यानंतर सगळीकडे आनंद आणि उत्साहाचे वातावरण निर्माण होते. बाप्पाच्या आवडीचा पदार्थ म्हणजे मोदक. गणपती बाप्पाच्या नैवेद्यमध्ये नेहमी उकडीचे किंवा इतर पदार्थांचे मोदक दाखवले जातात. गणेशोत्सवात सर्वच घरांमध्ये मोदक बनवले जातात. पण काहींना मोदक बनवायला येत नाही तर काहींच्या मोदकाच्या काळ्याच तुटून जातात. काहीवेळ तांदळाची उकड व्यवस्थित न झाल्यामुळे मोदक कडक आणि चिकट होऊन जातात.

तांदळाची उकड व्यवस्थित झाली नाहीतर मोदकांचा पूर्ण आकार आणि चव बिघडून जाते. तसेच तुम्ही तयार केलेले मोदक उठावदार आणि सुंदर दिसत नाहीत. त्यामुळे आज आम्ही तुम्हाला हॉटेलसारखे मऊ, फुललेले आणि सुंदर काळ्या पाडून मोदक कसे बनवायचे याची सोपी रेसिपी सांगणार आहोत. चला तर जाणून घेऊया तांदळाच्या पिठापासून बनवलेले मऊ लुसलुशीत मोदक.(फोटो सौजन्य-istock)

साहित्य:

• तांदळाचे पीठ
• गूळ
• वेलची पावडर
• खोबऱ्याचा किस
• तूप
• मीठ
• पाणी

चवदार आणि लुसलुशीत मोदक आता घरीच बनवा

कृती:

• मोदक बनवण्यासाठी सर्वप्रथम एका टोपात पाणी गरम करण्यासाठी ठेवा. पाण्याला उकळी आल्यानंतर त्यात चवीनुसार मीठ आणि थोडंसं तूप टाकून मिक्स करा.
• त्यानंतर उकळी आलेल्या पाण्यात तांदळाचे पीठ घालून मिक्स करा. मिक्स करून घेऊन झाकण ठेवून 5 ते 10 मिनिटं बारीक गॅसवर वाफवण्यासाठी ठेवा.
• वाफ आल्यानंतर गॅस बंद करून पीठ थोडेसे थंड झाल्यानंतर पाण्याच्या सहाय्याने मळून घ्या. नंतर त्याला तूप लावून पुन्हा एकदा मळून घ्या.
• खोबऱ्याचे सारण बनवण्यासाठी कढईमध्ये तूप गरम करण्यासाठी ठेवा. गरम तुपात ओल्या खोबऱ्याचा किस टाकून व्यवस्थित भाजून घ्या.
• नंतर त्यात गूळ आणि वेलची पावडर टाकून मिक्स करा. मिक्स करून 5 मिनिटं शिजवून झाल्यानंतर गॅस बंद करा.
• मोदक बनवण्यासाठी हाताला तूप किंवा तेल लावून घ्या. तांदळाच्या पिठाचा छोटा गोळा घेऊन त्याची पारी बनवा.
• मोदकाच्या पारीमध्ये खोबऱ्याचे सारण भरून व्यवस्थित हलक्या हाताने पिठावर दाब देत काळ्या पडून घाई. त्यानंतर त्यात चमच्याच्या टोकाने व्यवस्थित सेट करा.
• मोदक वाफवण्यासाठी चाळणीला तूप किंवा तेल लावून तयार मोदक त्यावर ठेवा. गरम पाणी उकळल्यानंतर त्यावर चाळणी ठेवून मोदक वाफवण्यासाठी ठेवा.
• १० मिनिटं मोदकांना वाफ येण्यासाठी ठेवा. त्यानंतर गॅस बंद करून मोदकाची चाळण काढून त्यावर थंड पाणी शिंतडा आणि मोदक काढून घ्या.
• तयार आहे मऊ आणि लुसलुशीत तांदळाचे मोदक.

Web Title: Ganesh chaturthi recipe of delicious and soft modak like a hotel at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com