मकरसंक्रांतीच्या सणासाठी घरी बनवा सोप्या पद्धतीमध्ये चविष्ट तीळ गुळाचे लाडू

मकर संक्रांतीच्या आधी सर्वच घरांमध्ये तीळ गुळाचे लाडू बनवले जातात. पण अनेकदा लाडू बनवताना ते चिकट किंवा जास्त कडक होऊन जातात. त्यामुळे आज आम्ही तुम्हाला सोप्या पद्धतीमध्ये तीळ गुळाचे लाडू बनवण्याची रेसिपी सांगणार आहोत.

भारतासह इतर सर्वच राज्यांमध्ये वेगवेगळ्या पद्धतीने मकर संक्रांती सण साजरा केला जातो. दरवर्षी १४ जानेवारीला मकरसंक्रांती साजरी केली जाते. या दिवशी प्रामुख्याने काळे रंगाचे कपडे परिधान केले जातात. शिवाय अनेक लहान मुलं पतंग उडवतात. मकरसंक्रांतीच्या दिवशी तीळ आणि गूळ या दोन पदार्थाना विशेष महत्व आहे.संक्रांतीच्या दोन दिवस आधीच अनेक घरांमध्ये तीळ गुळाचे चविष्ट लाडू बनवले जातात. तसेच या दिवशी सुगडं पुजून त्यात बोर, ऊस, तीळ इत्यादी अनेक पदार्थ ठेवले जातात. घरातील देवाला तीळ गुळाचा नैवेद्य दाखवला जातो. पण अनेकदा घरी लाडू बनवताना लाडू अतिशय चिकट किंवा कडक होऊन जातात. लाडू बनवताना गुळाचे प्रमाण चुकल्यास लाडू व्यवस्थित बनत नाहीत. त्यामुळे आज आम्ही तुम्हाला योग्य प्रमाण घेऊन तीळ गुळाचे लाडू बनवण्याची सोपी कृती सांगणार आहोत. चला तर जाणून घेऊया तीळ गुळाचे लाडू बनवण्याची कृती. (फोटो सौजन्य – iStock) 

नवनवीन रेसिपीसाठी इथे किल्क करा

साहित्य:

• शेंगदाणे
• तीळ
• गूळ
• वेलची पावडर
• बदाम

नवनवीन रेसिपीसाठी इथे किल्क करा

कृती:

• मकर संक्रांतीच्या दिवशी तीळ गुळाचे लाडू बनवण्यासाठी सर्वप्रथम, कढईमध्ये तूप गरम करण्यासाठी ठेवा. त्यानंतर त्यात किसून घेतलेला गूळ टाकून मिक्स करून घ्या.
• गूळ पूर्णपणे वितळल्यानंतर त्यात शेंगदाणे, तीळ टाकून मिक्स करून घ्या.
• नंतर त्यात वेलची पावडर टाकून मिक्स करून घ्या. सगळ्यात शेवटी त्यात बारीक करून घेतलेले बदाम टाकून मिक्स करून घ्या.
• मिश्रण थोडंसं थंड करून झाल्यानंतर तुम्हाला हवे त्या आकाराचे लाडू तयार करून घ्या.
• तयार आहेत सोप्या पद्धतीमध्ये बनवलेले तीळ गुळाचे लाडू.