संध्याकाळी भूक लागल्यानंतर काय खावं सुचत नाही? मग सोप्या पद्धतीमध्ये बनवा कुरकुरीत स्वीट कॉर्न कटलेट, नोट करा रेसिपी

संध्याकाळच्या वेळी भूक लागल्यानंतर तुम्ही सोप्या पद्धतीमध्ये मक्याच्या दाण्याचे कटलेट बनवू शकता. हा पदार्थ चवीला अतिशय सुंदर लागतो. कमीत कमी साहित्यात मक्याचे कटलेट झटपट तयार होतात.

संध्याकाळच्या वेळी भूक लागल्यानंतर चहा बिस्कीट किंवा वडापाव, समोसा, शेवपुरी इत्यादी गोष्टी खाल्ल्या जातात. पण कायमच बाहेरील तिखट आणि तेलकट पदार्थांचे सेवन केल्यामुळे शरीराला हानी पोहचते. तिखट पदार्थांच्या अतिसेवनामुळे शरीरात उच्च कोलेस्ट्रॉल, मधुमेह, अपचन, ऍसिडिटी होते. त्यामुळे नाश्त्यात कायमच घरी बनवलेल्या पौष्टिक आणि चविष्ट पदार्थांचे सेवन करावे. आज आम्ही तुम्हाला संध्याकाळच्या नाश्त्यात खाण्यासाठी स्वीट कॉर्न कटलेट्स बनवण्याची सोपी रेसिपी सांगणार आहोत. मक्याचे दाणे लहान मुलांना खूप जास्त आवडतात. हिवाळ्याच्या दिवसांमध्ये बाजारात मक्याचे दाणे उपलब्ध असतात. त्यामुळे मक्याच्या दाण्यांचे कटलेट बनवताना त्यात वेगवेगळ्या भाज्यासुद्धा टाकू शकता. चला तर जाणून घेऊया स्वीट कॉर्न कटलेट बनवण्याची सोपी रेसिपी.(फोटो सौजन्य – istock)

पार्टी स्नॅक्ससाठी परफेक्ट पर्याय, घरी बनवा टेस्टी ‘बेबी कॉर्न चिली’; अवघ्या 10 मिनिटांची रेसिपी

साहित्य:

• मक्याचे दाणे
• बटाटा
• कांदा
• हिरवी मिरची
• आलं लसूण पेस्ट
• कोथिंबीर
• मीठ
• तेल
• कॉर्नफ्लोअर
• ब्रेड क्रम्स
• गाजर

Weight loss साठी सोपा उपाय! रोजच्या आहारात नियमित खा भोपळ्याच्या बियांची चटणी, नोट करून घ्या पारंपरिक पदार्थ

कृती:

• स्वीट कॉर्न कटलेट बनवण्यासाठी सर्वप्रथम, मोठ्या वाटीमध्ये उकडवून घेतलेला बटाटा मॅश करून घ्या. त्यानंतर त्यात मक्याचे दाणे, बारीक चिरलेली हिरवी मिरची, कोथिंबीर आणि बारीक चिरलेला कांदा, गाजर घालून व्यवस्थित मिक्स करा.
• त्यानंतर त्यात आलं लसूण पेस्ट, चवीनुसार मीठ, जिऱ्याची पावडर, धणे पावडर घालून व्यवस्थित मिश्रण मिक्स करा.
• तयार केलेल्या मिश्रणात तांदळाचे पीठ आणि कॉर्नफ्लॉवर मिक्स करून घ्या. आवश्यकता वाटल्यास तुम्ही त्यात पाणी सुद्धा मिक्स करू शकता.
• कॉर्नफ्लॉवर टाकल्यामुळे कटलेट फुटणार नाहीत. याशिवाय पदार्थाची चव अतिशय सुंदर लागेल.
• तयार केलेल्या मिश्रणाचे कटलेट बनवून ब्रेड क्रम्समध्ये घोळवून घ्या. यामुळे कटलेट्ची चव अतिशय सुंदर लागेल.
• कढईमधील गरम तेलात कटलेट टाकून दोन्ही बाजूने व्यवस्थित फ्राय करून घ्या. तयार आहेत सोप्या पद्धतीमध्ये बनवलेले स्वीट कॉर्न कटलेट.