प्रेमानंद महाराजांना कसं भेटतं येईल? टोकन प्राइज किती, बुकिंग प्रोसेस काय? सर्व माहिती जाणून घ्या

प्रेमानंदजी महाराज कोण आहेत?

महाराजजींचा जन्म कानपूरजवळील एका छोट्या गावात झाला. लहानपणापासूनच त्यांच्यात भक्ति, श्रद्धा आणि अध्यात्मिकतेची गाढ रुजवण झाली होती. युवा वयात त्यांनी सांसारिक जीवनाचा त्याग करून संपूर्णपणे ईश्वरभक्तीच्या मार्गावर वाटचाल सुरू केली. त्यांनी वृंदावनात राहून तप, साधना आणि सेवाभाव यांना आपले आयुष्य अर्पण केले. आज ते लाखो लोकांसाठी प्रेरणास्थान आहेत.

दर्शन आणि भेटीची प्रक्रिया

दररोज हजारो भक्त आश्रमात महाराजजींचे दर्शन घेण्यासाठी येतात. भक्तांची वाढती संख्या लक्षात घेऊन आश्रमात टोकन प्रणाली सुरू करण्यात आली आहे. या व्यवस्थेमुळे शिस्त आणि सोयीसाठी सर्वांना ठराविक क्रमाने दर्शन घेता येते.

ऑनलाइन बुकिंग प्रक्रिया

जर आपण महाराजजींना भेटायचे ठरवले असेल, तर “Vrindavan Ras Mahima” या वेबसाइटवर जाऊन “Contact” पेजवर आपली माहिती भरावी लागते. फॉर्ममध्ये नाव, फोन नंबर, ई-मेल आणि विषय (उदा. Ekantik Vartalap) अशा माहितीची आवश्यकता असते. फॉर्म सबमिट केल्यानंतर त्याची रसीद प्रिंट करून ठेवावी लागते. ही रसीद आश्रमाच्या प्रवेशद्वारावर दाखवणे आवश्यक असते.

ऑफलाइन टोकन प्रक्रिया

जर ऑनलाइन नोंदणी शक्य नसेल, तर आपण थेट श्री हित राधा केली कुंज आश्रमात जाऊन दर्शनासाठी टोकन मिळवू शकता. टोकन नोंदणी सकाळी ९ वाजल्यापासून सुरू होते आणि पुढील दिवसासाठी टोकन दिले जाते. टोकन घेताना आधार कार्ड आवश्यक असते.

Chhath Puja : छठ पूजेसाठी खास मानले जातात भारतातील हे 7 घाट

टोकन शुल्क

महत्वाची बाब म्हणजे या टोकनसाठी कोणतेही शुल्क घेतले जात नाही. म्हणजेच, प्रेमानंदजी महाराजांच्या दर्शनासाठी संपूर्ण प्रक्रिया निशुल्क आहे. जर आपणही प्रेमानंदजी महाराजांचे दर्शन घेऊन त्यांचे आशीर्वाद प्राप्त करू इच्छित असाल, तर आपण ऑनलाइन बुकिंगद्वारे किंवा आश्रमात जाऊन टोकन घेऊन भेट निश्चित करू शकता. श्रद्धा, संयम आणि भक्तीने केलेली ही भेट नक्कीच आपल्या जीवनात अध्यात्मिक शांतता आणि आनंद आणेल.

संबंधित बातम्या