How to take care of your health while working from home? (फोटो सौजन्य - सोशल मीडिया)
कोरोना महामारीनंतर वर्क फ्रॉम होम म्हणजेच घरून काम करण्याची पद्धत अनेक कंपन्यांमध्ये लोकप्रिय झाली आहे. घरातून काम करण्यामुळे प्रवासाचा वेळ वाचतो आणि कामात लवचिकता मिळते. मात्र, सतत एकाच ठिकाणी बसून काम करणे, स्क्रीनसमोर जास्त वेळ घालवणे आणि शारीरिक हालचाली कमी होणे यामुळे आरोग्यावर परिणाम होऊ शकतो. त्यामुळे घरून काम करताना आरोग्याची काळजी घेणे अत्यंत महत्त्वाचे आहे.(Work From Home Health Tips)
घरातून काम करताना शक्यतो शांत आणि हवेशीर जागा निवडा. कामासाठी टेबल आणि खुर्चीचा वापर करा. बेडवर किंवा सोफ्यावर बसून सतत काम करणे टाळा. यामुळे शरीराची स्थिती योग्य राहण्यास मदत होते.कामासाठी एक स्वतंत्र जागा ठेवा. ज्यामुळे तुम्हाला काम करताना अडथळे येणार नाहीत. त्यामुळे कामाला देखील गती येईल आणि तुमचे रोजचे काम सुरळीत होईल. काम करताना लागण्याच्या गोष्टी देखील जवळ ठेवा ज्यामुळे तुम्हाला सारखे वस्तू घेण्यासाठी उठावे लागणार नाही
योग्य बसण्याच्या पद्धतीमुळे तुमच्या पाटीवर ताण येणार नाही. तसेच शरीराची योग्य ठेवणं देखील सतत चुकीचे बसल्यामुळे बदलू शकते. लॅपटॉप किंवा कॉम्प्युटर वापरताना पाठ सरळ ठेवा. पाय जमिनीवर टेकतील अशा पद्धतीने बसा. स्क्रीन डोळ्यांच्या समोरच्या उंचीवर ठेवण्याचा प्रयत्न करा. यामुळे मान आणि पाठीवरील ताण कमी होऊ शकतो.
Lifestyle: आनंदी राहण्यासाठी रोज स्वतःसाठी करा ‘या’ ७ गोष्टी
सतत एकाच जागी बसून काम केल्यामुळे पाठदुखी, मानदुखी आणि स्नायूंचा ताण जाणवू शकतो.तसेच आपले शरीर आखडते. आपले स्नायू आकुंचन पावतात. दर ३० ते ६० मिनिटांनी थोडा ब्रेक घ्या. ज्यामुळे तूमचे हलके होईल आणि स्नायू मोकळे होतील. उठून चाला आणि हलके स्ट्रेचिंग करा.
लॅपटॉप किंवा मोबाईलच्या स्क्रीनकडे सतत पाहिल्यामुळे डोळ्यांना थकवा जाणवू शकतो.तसेच चष्मा असल्यास त्याचा वापर करा ज्याने तुमच्या डोळ्यांवर ताण येणार नाही.आणि कॉम्पुटर पासून येणाऱ्या किरणांमुळे तुमच्या डोळ्यांची निगा राखली जाईल. २०-२०-२० हा नियम वापरून पाहा. दर २० मिनिटांनी २० सेकंदांसाठी सुमारे २० फूट दूर असलेल्या वस्तूकडे पाहा.
Health care: फ्रिजमध्ये कोणते पदार्थ ठेवू नयेत? जाणून घ्या महत्त्वाच्या गोष्टी
कामाच्या गडबडीत अनेकजण पाणी पिणे विसरतात.पाणी कमी पिण्यामुळे डिहायड्रेशन चा त्रास होतो त्यामुळे आपल्या जवळच पाण्याची बाटली ठेवा. त्यामुळे शरीरात पाण्याची कमतरता निर्माण होऊ शकते. कामाच्या टेबलावर पाण्याची बाटली ठेवा आणि दिवसभर पुरेसे पाणी प्या.
काम करताना सतत चहा, कॉफी किंवा जंक फूड खाण्याची सवय टाळा. घराचं अन्न खाण्याचा प्रयत्न करा. त्याचबरोबर आहारात फळे, भाज्या, डाळी, कडधान्ये आणि प्रथिनयुक्त पदार्थांचा समावेश करा.आपल्या आहाराकडे दुर्लक्ष्य करू नका, जेवणाची एक योग्य वेळ निवडा. अवेळी जेवल्यामुळे देखील त्रास शरीराला होऊ शकतो.






