कर्जवसुलीच्या नावाखाली माणुसकीच विसरल्याचा संतापजनक प्रकार अकोला जिल्ह्यातील मूर्तिजापूरमध्ये समोर आला आहे. महिला बचत गटाच्या कर्जाच्या वसुलीसाठी मायक्रो फायनान्स कंपनीचा कर्मचारी चक्क रुग्णालयात पोहोचला. धक्कादायक बाब म्हणजे, संबंधित महिला गर्भवती असून रुग्णालयात उपचार घेत असतानाही तिच्याकडे कर्जाच्या हप्त्यांसाठी तगादा लावण्यात आल्याचा गंभीर आरोप करण्यात आला आहे. या प्रकाराची माहिती मिळताच शेतकरी संघटनेच्या पदाधिकाऱ्यांनी थेट रुग्णालय गाठत कंपनीच्या कर्मचाऱ्याला जाब विचारला. इतकेच नव्हे, तर वसुली थांबवत संबंधित कर्मचाऱ्याचे वाहनही ताब्यात घेतले. आधीच दुष्काळ आणि आर्थिक संकटाने सामान्य कुटुंबांचे कंबरडे मोडले असताना, रुग्णालयात उपचार घेणाऱ्या गर्भवती महिलेचाही पिच्छा सोडला जात नसेल, तर मायक्रो फायनान्स कंपन्यांच्या वसुली पद्धतीवर प्रश्न उपस्थित होणे स्वाभाविक आहे.
कर्जवसुलीच्या नावाखाली माणुसकीच विसरल्याचा संतापजनक प्रकार अकोला जिल्ह्यातील मूर्तिजापूरमध्ये समोर आला आहे. महिला बचत गटाच्या कर्जाच्या वसुलीसाठी मायक्रो फायनान्स कंपनीचा कर्मचारी चक्क रुग्णालयात पोहोचला. धक्कादायक बाब म्हणजे, संबंधित महिला गर्भवती असून रुग्णालयात उपचार घेत असतानाही तिच्याकडे कर्जाच्या हप्त्यांसाठी तगादा लावण्यात आल्याचा गंभीर आरोप करण्यात आला आहे. या प्रकाराची माहिती मिळताच शेतकरी संघटनेच्या पदाधिकाऱ्यांनी थेट रुग्णालय गाठत कंपनीच्या कर्मचाऱ्याला जाब विचारला. इतकेच नव्हे, तर वसुली थांबवत संबंधित कर्मचाऱ्याचे वाहनही ताब्यात घेतले. आधीच दुष्काळ आणि आर्थिक संकटाने सामान्य कुटुंबांचे कंबरडे मोडले असताना, रुग्णालयात उपचार घेणाऱ्या गर्भवती महिलेचाही पिच्छा सोडला जात नसेल, तर मायक्रो फायनान्स कंपन्यांच्या वसुली पद्धतीवर प्रश्न उपस्थित होणे स्वाभाविक आहे.






