हळद आणि या 5 रुपयाच्या पदार्थाने बनवा पॅक, त्वचेच्या समस्यांवर ठरेल जालीम उपाय

हळद हा एक असा पदार्थ आहे ज्याचा फक्त जेवणातच नाही तर त्वचेच्या समस्या दूर करण्यासाठीही फायदा होत असतो. मात्र तुम्हाला माहिती आहे का? यात तुम्ही 5 रुपयांत मिळणारा एक पदार्थ मिसळला तर तुमचा घरगुती फेसपॅक तयार हाऊ शकतो. हा पॅक अनेक समस्यांवर रामबाण उपाय ठरतो.

अनेकदा बदलत्या वातावरणामुळे आपल्या त्वचेच्या समस्यांमध्येही बदल होऊ लागतात. या समस्यांपासून मुक्तता मिळवण्यासाठी महिला वर्ग नेहमी बाजारातील नवनवीन प्रोडक्टसचा वापर करत असतात. मात्र आम्ही तुम्हाला सांगतो की, बाजारातील अधिकतर प्रोडक्टसमध्ये रासायनिक पदार्थांचा वापर केला जातो जो आपल्या त्वचेसाठी चांगला नाही. अशात तुम्ही या समस्या दूर करण्यासाठी आणि त्वचेचा निखार वाढवण्यासाठी घरगुती फेसपॅकचा वापर करू शकता.

हळद ही सर्व समस्यांवर एक जालीम आणि रामबाण उपाय आहे. आयुर्वेदातही हळदीला फार महत्त्व आहे. त्वचेवरील घाण दूर करून त्वचा उजळवण्यासाठी हळदीची फार मदत होत असते. आज आम्ही तुम्हाला हळदीचा असा एक पॅक सांगणार आहोत, ज्याचा वापर करून तुम्ही तुमच्या त्वचेच्या अनेक समस्यांवर मात करू शकता. यात आपण तुरटीचाही वापर करणार आहोत. तुरटी बॅक्टेरियाच्या वाढीस प्रतिबंध करणारा पदार्थ आहे. तुरटी आपल्या ब्लीचिंग गुणधर्मांसाठी ओळखली जाते. या दोन्हींचा एकत्रित वापर चेहऱ्याच्या समस्या दूर करण्यास फार फायद्याचे ठरेल.

हेदेखील वाचा – Healthy Alcohol Drink: या अल्कोहल ड्रिंक आहेत हेल्दी, बिनधास्त करा सेवन

मुरुमांसाठी असा तयार करा हळद-तुरटीचा पॅक

• तुम्हाला पुरळ आणि मुरुमांची समस्या असेल तर तुमच्यासाठी हळद तुरटीचा पॅक फायदेशीर ठरेल
• हे दोन्ही अँटी-बॅक्टेरियल गुणधर्मांनी समृद्ध आहेत आणि मुरुमांच्या बॅक्टेरियाला पसरण्यापासून रोखतात
• यासाठी प्रथम अर्धा चमचा तुरटी पावडर आणि नंतर एक चमचा हळद घालून शिजवा
• आता याची एक जाडसर पेस्ट तयार करून शरीरावरील मुरुमांवर लावा
• रोज अंघोळ करण्यापूर्वी अर्धा तास हा पॅक लावून ठेवा
• नंतर पाण्याने चेहरा स्वछ करा

हेदेखील वाचा – चमक कमी होऊन चेहरा काळा पडत चाललाय? मग आजच आपल्या स्किन केअर रुटीनमध्ये या रसाचा समावेश करा

टॅनिंगसाठी असा तयार करा हळद-तुरटीचा पॅक

• जर तुम्हाला टॅनिंगचा त्रास असेल तर यावर हळद आणि तुरटी प्रभावीपणे काम करू शकते
• दोन्ही क्लिंजिंग एजंट आहेत, जे त्वचेच्या समस्या दूर करण्यास मदत करतात
• यासाठी तुरटीची पावडर तयार करा आणि त्यात हळद मिक्स करा
• आता गुलाबपाणी आणि कोरफडीमध्ये हे दोन्ही मिसळून घट्ट पेस्ट तयार करा
• तयार पेस्ट टॅनिंग असलेल्या भागावर लावा आणि 20 मिनिटे स्क्रब करा आणि मग ओल्या कापडाने पुसून टाका