जेवणात रोझमेरीचा वापर कसा करावा माहित नाही? जाणून घ्या 3 पद्धती

रोझमेरी या हर्ब्सचे नाव तर तुम्ही अनेकदा ऐकले असेल मात्र तुम्हाला माहित आहे का? हा एक इटालियन मसाल्याचा पदार्थ असून तुम्ही याचा वापर देशी पदार्थांमध्येही करू शकता. कोण कोणत्या प्रकारे करता येईल याचा वापर, वाचा सविस्तर.

मसाल्यांच्या बाबतीत इटालियन हर्ब्सदेखील कुठे मागे नाहीत. आपण यांचा ड्राय हर्ब्स म्हणून वापर करू शकतो. हे हर्ब्स फक्त चवच नाही वाढवत तर यांचा सुगंधही कमाल असतो. यामुळे जेवणाला एक वेगळी चव मिळते. या इटालियन हर्ब्सपैकीच एक आहे रोझमेरी. रोझमेरी ही एक औषधी वनस्पती असून अनेक भाज्यांमध्ये याचा वापर केला जाऊ शकतो. याचा सुवास फार छान वाटतो. स्वयंपाकात मसाला म्हणून याचा मोठ्या प्रमाणात वापर केला जातो.

रोझमेरी आरोग्यासाठी फार फायदेशीर असते. यात अँटीऑक्सिडंट्स, अँटी-इंफ्लेमेटरी आणि इतर असे अनेक गुणधर्मे आढळली जातात. एवढेच नाही, तर चिंता, नैराश्य आणि ताणतणाव यांसारख्या समस्या दूर करण्यास याचा वापर केले जाऊ शकतो. मात्र अनेकांना याचा वापर कसा करावा, हे माहितच नसते. म्हणूनच आज आम्ही तुम्हाला याचा आहारात वापर कसा करावा याविषयीची माहिती सांगणार आहोत.

[read_also content=”रात्रीच्या उरलेल्या भाताचे काय करावे ते सुचत नाहीये? मग बनवा ही चविष्ट डिश! https://www.navarashtra.com/lifestyle/make-tasty-fried-rice-out-from-leftover-rice-542710.html”]

3 पद्धतीने करा रोझमेरीचा वापर

सॅलड ड्रेसिंगसाठी करा वापर
जर तुम्ही डाएटवर असाल किंवा तुम्हाला सॅलड खायला आवडता सेल तर सॅलड वर टाकण्यासाठीची रोझमेरी ड्रेसिंग तुम्ही घरीच टायर करू शकता. यासाठी एका कपात अर्धा चमचा लिंबू, रोझमेरी पाने, अर्धा चमचा व्हिनेगर, मीठ, काळी मिरी असे सर्व साहित्य टाकून एकत्र करून घ्या. आता हे मिश्रण तुम्ही कोणत्याही सॅलड ड्रेसिंग म्हणून वापरू शकता. याने तुमच्या सॅलडची चव आणखीनच वाढेल.

चहामध्ये करा वापर
अनेकांना चहा प्यायला फार आवडतो. हा एक एनर्जी बूस्टरप्रमाणे काम करत असतो. तुम्हालाही चहा पिण्याची सवय असेल तर तुमच्या चहात आता तुम्ही रोझमेरीचाही समावेश करू शकता. यासाठी तुमचा एका भांड्यात पाणी उकळत ठेवा मग यात रोझमेरीचे पाने आणि तुमची आवडती चहापत्ती टाका आणि घालून हा चहा प्या. थकवा दूर करण्यासाठी हे फायदेशीर ठरेल.

कुकिंग ऑइल
घरामध्ये नवीन चविष्ट तेल बनवायचे असल्यास रोझमेरीचा वापर करून तुम्ही असे करू शकता. यासाठी एक मोठी बरणी घ्या आणि त्यात रोझमेरीची पाने टाका मग यात व्हर्जिन ऑलिव्ह ऑईल घाला. ही बाटली रोज उन्हात ठेवा. आता हे तेल तुम्ही घरात कोणत्याही पदार्थात वापरू शकता. याने तुमच्या पदार्थाची चव द्विगुणित होईल.