Recipe : हिवाळ्यात बाजारात भरपूर रताळे आलेत, जेवणाला यापासून बनवा कुरकुरीत काप

Winter Recipe : तुम्हाला माहिती आहे का? तुम्ही रताळ्यापासून कुरकुरीत काप तयार करु शकता, जे जेवणासोबत खायला फार चविष्ट लागतात. यासाठी फार वेळ किंवा साहित्याची गरज लागत नाही.

• हिवाळ्यात अनेक भाज्या आणि त्यासह रताळी बाजारात उपलब्ध होतात
• रताळे फक्त भाजून किंवा उकडूनच नाही तर इतरही अनेक प्रकारे खाल्ला जाऊ शकतो
• रताळ्याचे कुरकुरीत काप जेवणाची चव वाढवतील, याची रेसिपीही फार सोपी आहे

थंड हवामान असो की पावसाळ्याचा मोसम, गरमागरम कुरकुरीत स्नॅक्स खाण्याची मजा काही औरच असते. अशा वेळी आपण सहसा बटाट्याचे वेफर्स, पकोडे किंवा भजी खातो. पण जर त्याच स्वादात थोडं आरोग्य मिसळायचं असेल, तर रताळ्याचे कुरकुरीत काप हा एक उत्तम पर्याय ठरतो. रताळं म्हणजेच स्वीट पोटॅटो हे पौष्टिक घटकांनी भरलेले असते त्यात व्हिटॅमिन A, फायबर, अँटिऑक्सिडंट्स आणि आयर्न भरपूर प्रमाणात असतात. त्यामुळे हे स्नॅक केवळ चविष्टच नाही, तर आरोग्यदायीही आहे. याच्या नियमित सेवनाने पचन सुधारते, वजन नियंत्रित करण्यास मदत होते आणि डोळ्यांचे आरोग्या सुधारण्यास मदत होते. हे हंगामी फळ अनेक पोषक घटकांनी समृद्ध असते.

विदेशी पदार्थाला द्या देसी तडका! घरी बनवा चिजी, सॉसी आणि भाज्यांनी भरलेला चविष्ट ‘पिझ्झा’; चव अशी की सर्वच होतील खुश

रताळ्याचे काप हे बनवायला अतिशय सोपे आहेत आणि त्यासाठी फार साहित्यही लागत नाही. त्यांना तुम्ही ओव्हनमध्ये बेक करून, किंवा तेलात तळून बनवू शकता. हे काप बाहेरून खमंग आणि आतून थोडे मऊसर लागतात अगदी परफेक्ट टी-टाइम स्नॅक! हे लहान मुलांपासून ते मोठ्यांपर्यंत सगळ्यांनाच आवडतात. चला या रेसिपीसाठी लागणारे साहित्य आणि कृती जाणून घेऊया.

साहित्य:

• रताळे – २ मध्यम आकाराचे
• तांदळाचे पीठ – २ टेबलस्पून
• रवा – २ टेबलस्पून
• लाल तिखट – १ टीस्पून
• हळद – अर्धा टीस्पून
• मीठ – चवीनुसार
• ओवा किंवा अजवाइन – चिमूटभर
• लिंबूरस – १ टीस्पून
• तेल – तळण्यासाठी

गरमागरम नाश्त्याने करा दिवसाची सुरुवात! वाटीभर रव्यापासून सकाळच्या नाश्त्यात बनवा मुलायम लुसलुशीत इडली, नोट करा रेसिपी

कृती:

• यासाठी प्रथम रताळी नीट धुवून त्याची साल काढा. त्यानंतर बारीक गोल किंवा लांबट काप करून घ्या.
• एका मोठ्या वाडग्यात हे काप घाला आणि त्यात लाल तिखट, हळद, मीठ, ओवा आणि लिंबूरस घाला.
• सर्व साहित्य नीट एकत्र करून रताळ्याच्या कापांवर हलकी पातळ लेयर तयार होईल अशी मिक्स करा.
• एका प्लेटमध्ये तांदळाचे पीठ आणि रवा मिक्स करा.
• आता मसाला लावलेले रताळ्याचे काप तांदळाचे पीठ आणि रव्याच्या मिश्रणा घोळवा.
• गॅसवर तवा ठेवून त्यात तेल टाका, तेल तापताच यावर एक एक रताळ्याचे काप ठेवा.
• दोन्ही बाजूने रताळ्याचे काप कुरकुरीत होईपर्यंत छान शॅलो फ्राय करून घ्या.
• तळून झालेले काप पेपर टॉवेलवर काढा म्हणजे जास्त तेल शोषले जाईल.
• गरमागरम रताळ्याचे काप जेवणासोबत खाण्यासाठी सर्व्ह करम
• रताळे तळण्याऐवजी तुम्ही हेच काप ओव्हनमध्ये १८०°C वर १५-२० मिनिटे बेक करूनही बनवू शकता. त्यामुळे
• तेलाचे प्रमाण कमी होईल आणि अधिक आरोग्यदायी स्नॅक तयार होईल.