विदेशी पदार्थाला द्या देसी तडका! घरी बनवा चिजी, सॉसी आणि भाज्यांनी भरलेला चविष्ट ‘पिझ्झा’; चव अशी की सर्वच होतील खुश

Desi Pizza Recipe :हा देशी पिझ्झा भारतीय मसाल्यांच्या तिखट-चटकदार चवीमुळे “देसी ट्विस्ट” असलेला फ्यूजन डिश आहे. नाश्ता, पार्टी किंवा संध्याकाळच्या स्नॅकसाठी ही एक मस्त रेसिपी आहे जी प्रत्येक वेळी सर्वांना आवडेल.

(फोटो सौजन्य: Pinterest)

Follow Us:

Follow Us:

• देसी स्टाईल व्हेज पिझ्झा रेसिपी
• लहान मुलांपासून मोठ्यांपर्यंत सर्वांनाच आवडेल ही रेसिपी
• कुरकुरीत बेस आणि चवदार टेस्ट मनाला करेल खुश

पार्टी स्नॅक्ससाठी परफेक्ट पर्याय, घरी बनवा टेस्टी ‘बेबी कॉर्न चिली’; अवघ्या 10 मिनिटांची रेसिपी

साहित्य:

पिझ्झा बेससाठी:

• मैदा – १ कप
• सुकं यीस्ट – १ टीस्पून
• साखर – अर्धा टीस्पून
• मीठ – चिमूटभर
• कोमट पाणी – आवश्यकतेनुसार
• तेल – १ टेबलस्पून

• कांदा – १ बारीक कापलेला
• ढोबळी मिरची – १ बारीक तुकडे केलेली
• टोमॅटो – १ बारीक चिरलेला
• पनीर – अर्धा कप चौकोनी तुकडे
• शिजवलेला स्वीट कॉर्न – २ टेबलस्पून
• लाल तिखट – १ टीस्पून
• गरम मसाला – अर्धा टीस्पून
• ओरेगानो आणि चिली फ्लेक्स – चवीनुसार
• चीज – आवश्यकतेनुसार
• टोमॅटो सॉस किंवा पिझ्झा सॉस – २ टेबलस्पून
• तेल – थोडं

कृती:

• यासाठी सर्वप्रथम एका भांड्यात यीस्ट, साखर आणि कोमट पाणी घालून १० मिनिटांसाठी झाकून ठेवा, म्हणजे यीस्ट ऍक्टिव्ह होईल.
• यानंतर मैदा, मीठ आणि तेल एकत्र करून त्यात यीस्टचं मिश्रण घाला. मऊसर पीठ मळा आणि ते झाकून १ तास ठेवा, म्हणजे ते फुलून येईल.
• एका पॅनमध्ये थोडं तेल गरम करून कांदा, ढोबळी मिरची, टोमॅटो, कॉर्न आणि पनीर परतून घ्या. त्यात लाल
• तिखट आणि गरम मसाला घाला आणि भाज्यांना हलका स्वाद येऊ द्या.
• फुललेलं पिठ घेऊन त्याचा गोळा करून गोलसर बेस तयार करा. बेस जाडसर ठेवा जेणेकरून तो शिजल्यानंतर नरम आणि कुरकुरीत लागेल.
• बेसवर टोमॅटो सॉस पसरवा. त्यावर तयार केलेलं भाज्यांचं मिश्रण ठेवा आणि वरून चीज शिंपडा.
• हा पिझ्झा प्रीहीट केलेल्या ओव्हनमध्ये १८०°C वर १५ मिनिटं बेक करा. जर ओव्हन नसेल, तर गॅसवर झाकण ठेवून तव्यावरही शिजवू शकता.
• बेक झाल्यानंतर पिझ्झा गरम असतानाच ओरेगानो आणि चिली फ्लेक्स घालून सर्व्ह करा.

Web Title: Give a desi twist to foreign food make street style desi pizza at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com