रेल्वेचे नाईट रूल्स माहिती आहेत का? रात्री 10 पासून संध्याकाळी 6 वाजेपर्यंत ट्रेनमध्ये या गोष्टी करण्यास आहे मनाई

लांब पल्ल्याच्या ट्रेनमध्ये रात्रीचा प्रवास करताना काही नियमांचे पालन करणे आवश्यक असते. प्रवाशांची झोप आणि शांतता लक्षात घेऊन रात्रीच्या वेळेस काही गोष्टींवर रेल्वेकडून निर्बंध घालण्यात आले आहेत.

• रात्रीच्या प्रवासासाठी रेल्वेने काही खास नियम निश्चित केले आहेत.
• या नियमांचा उद्देश प्रवाशांना आरामदायी आणि शांत प्रवासाचा अनुभव देणे आहे.
• नियम मोडल्यास प्रवाशांना तक्रार करण्याची सुविधाही उपलब्ध आहे.

भारतीय रेल्वेतून दररोज लाखो लोक प्रवास करतात. लांब पल्ल्याच्या गाड्यांमध्ये रात्र काढणे ही एक सामान्य गोष्ट आहे, पण कल्पना करा की तुम्ही दिवसभराच्या थकव्यानंतर गाढ झोपेत आहात आणि तुमच्या शेजारी बसलेली व्यक्ती मोठ्या आवाजात गाणं किंवा रिल्स पाहत आहेत तर यावर तुमची काय प्रतिक्रिया येईल? खरंतर अशाच समस्यांपासून प्रवाशांना सुरक्षित करण्यासाठी रेल्वेत रात्री १० वाजल्यापासून ते संध्याकाळी ६ वाजेपर्यंत खास ‘नाइट जर्नीू रुल्स’ लागू करण्यात आले आहेत. प्रत्येक रेल्वे प्रवाशाला या नियमांची माहिती असायलाच हवी. चला या लेखात याविषयीची काही सविस्तर माहिती जाणून घेऊया.

गुफेच्या आत विराजमान आहेत भगवान शंकर, श्री केशवनाथेश्वर मंदिराची खासियत जाणून घ्या

आरडा-ओरड करण्याची परवानगी नाही

रात्री १० वाजता ट्रेनमध्ये शांततामय वातावरण राखणे हा मुख्य नियम आहे. यावेळी मोबाईलवरही तुम्ही मोठ्यामोठ्या आवाजात बोलू शकत नाही. यासोबत तुम्ही मोठ्या आवाजात मोबाईलवर रिल्स किंवा व्हिडिओ देखील पाहू शकत नाही. यासाठी तुम्हाला इयरफोनची मदत घ्यावी लागले. मित्रांसोबत मोठ्या आवाजात गप्पा मारणे किंवा मोठमोठ्याने हसण्यास देखील मनाई असते. इतर प्रवाशांना या गोष्टीमुळे त्रास होऊ शकतो किंवा त्यांची झोप खराब होऊ शकते आणि म्हणूनच हे नियम तयार करण्यात आले आहेत.

मेन लाईट बंद करणे अनिवार्य

अनेकदा असं होत की, कोणत्या ना कोणत्या प्रवाशाला उशीरा रात्रीपर्यंत पुस्तर वाचण्याची सवय असते. यासाठी संपूर्ण केबिनची मोठी लाईट तो चालू ठेवतो पण यामुळे इतर प्रवाशांना त्रास होऊ शकते. लाईटच्या प्रकाशात नीट झोप लागत नाही ज्यामुळे रेल्वे नियम तुम्हाला लाईट स्विच ऑफ करण्याची परवानगी देते. रात्री १० वाजल्यानंतर मेन लाईट बंद करावी लागते. रात्रीच्या वेळी फक्त नाईट बल्ब सुरु असतात. जर एखाद्या व्यक्तीला रात्री काही वाचायचे असेल तर तो सीटजवळील पर्सनल रीडिंग लाइट ऑन करुन ठेवू शकतो.

रात्री तिकिट चेकिंगसाठी झोपेतून उठवले जाऊ शकत नाही

प्रवाशांच्या चांगल्या झोपेचा विचार करता रेल्वेने आपल्या तिकिट चेकिंग स्टाफला निर्देश दिले आहेत की रात्री १० ते सकाळी ६ वाजेपर्यंत तिकिटासाठी कुणालाही झोपेतून उठवले जाऊ शकत नाही. टीटीईला आपले हे काम उर्वरित वेळेत पूर्ण करावे लागेल. तथापि, जो प्रवासी रात्री १० वाजल्यानंतर रेल्वेत चढतो त्याचे त्याच वेळी तिकिट चेक केले जाऊ शकते.

वेंडर मोठ्याने ओरडू शकत नाही

रेल्वेत जेवण-पाणी विकण्यासाठी येणारे हाॅकर्स किंवा वेंडर देखील रात्री १० वाजल्यानंतर मोठमोठ्याने ओरडून सामान विकू शकत नाही. यामुळे प्रवाशांची गैरसोय आणि झोपमोड होऊ शकते. तथापि, प्रवाशाने ई-केटरिंगद्वारे जर जेवण आधीच बुक केले असेल, तर ते जेवण रात्रीच्या वेळेतही तुमच्या सीटपर्यंत डिलिव्हर केले जाऊ शकते.

IRCTC घेऊन आला जपान टूर पॅकेज, टोक्योपासून हिरोशिमपर्यंतची मजेदार सफर… जाणून घ्या संपूर्ण डिटेल्स

कुणी नियमांचे उल्लंघन केले तर लगेच तक्रार करा

जर कुणी रात्री १० वाजल्यानंतर या नियमांचे पालन करत नसेल तर तुम्हाला त्याच्याशी भांडण करण्याची गरज नाही. तुम्ही लगेच ट्रेनमध्ये उपस्थित आरपीएफ, टीटीई किंवा कोच अटेंडेंसला तक्रार करु शकता. याशिवाय रेल्वेची अधिकृत वेबसाईट ‘RailMadad’ किंवा १३९ हेल्पलाईनवर तक्रार दाखल करुन तुम्ही मदत मागू शकता. रेल्वे नियमांचे पालन न केल्यास तुम्हाला दंडही आकारला जाऊ शकतो.