IRCTC Tour Package: BTS लव्हर्ससाठी खास, भारतीय रेल्वे घेऊन आली आहे कोरिया टूर पॅकेज; फक्त इतका असेल खर्च…

भारतीय रेल्वे पूर्ण करणार तुमचं परदेशी जाण्याचं स्वप्न... BTS लव्हर्ससाठी आनंदाची बातमी! IRCTC घेऊन आली आहे खास कोरिया टूर पॅकेज. जाणून घ्या किंमत आणि इतर डिटेल्स.

दक्षिण कोरिया हा सध्या जगभरातील पर्यटकांमध्ये, विशेषत: भारतीय प्रवाशांमध्ये, झपाट्याने लोकप्रिय होत आहे. अशा वेळी, तुम्हीही परदेश प्रवासाचा बेत आखत असाल तर तुमच्यासाठी एक आनंदाची बातमी आहे. IRCTC ने LOVELY SEOUL WITH NAMI ISLAND नावाचा एक आकर्षक टूर पॅकेज जाहीर केला आहे. या पॅकेजअंतर्गत तुम्हाला दक्षिण कोरियातील अप्रतिम पर्यटन स्थळे पाहण्याची संधी मिळणार आहे. यात प्रसिद्ध नामी आयलंड आणि असैन्यीकृत क्षेत्र (Demilitarized Zone) यांचाही समावेश आहे.

कमी बजेटमध्ये पूर्ण होईल परदेशी जाण्याचं स्वप्न; अवघ्या 30000 रुपयांत करा या देशांची सफर

हा दौरा ५ दिवस आणि ४ रात्री इतका असणार आहे. ७ सप्टेंबर २०२५ रोजी चेन्नईहून प्रवासाला सुरुवात होईल. दक्षिण कोरियाची राजधानी सिओल येथे पोहोचल्यावर, निश्चित कार्यक्रमाप्रमाणे पुढील सहल पार पडेल. विशेष म्हणजे, या पॅकेजसाठी बुकिंग फक्त ७ सप्टेंबरपुरते मर्यादित नसून, तुमच्या सोयीप्रमाणे इतर तारखांसाठीही करता येईल. राहण्याची सोय, नाश्ता, दुपारचे जेवण आणि रात्रीचे जेवण हे सर्व पॅकेजमध्ये समाविष्ट आहे. उच्च दर्जाच्या हॉटेलमध्ये तुमची राहण्याची व्यवस्था IRCTC कडून केली जाईल. खर्चाबाबत बोलायचे झाले तर –

• सिंगल शेअरिंगसाठी – ₹१,२५,०००
• डबल शेअरिंगसाठी – ₹९९,०००
• ट्रिपल शेअरिंगसाठी – ₹९६,०००

विशेष लक्षात घेण्यासारखी गोष्ट म्हणजे, १२ ते १५ प्रवाशांच्या समूहासाठी किंवा २ वर्षांखालील मुलांच्या बुकिंगसाठी थेट IRCTC शी संपर्क साधावा लागेल. या पॅकेजचा कोड SMOH2 असा आहे. बुकिंगसाठी तुम्ही IRCTC ची अधिकृत वेबसाइट किंवा मोबाइल अॅपचा वापर करू शकता. अधिक माहितीसाठी हे क्रमांक उपलब्ध आहेत – 8287931977 / 9003140714.

दक्षिण कोरिया ही केवळ तंत्रज्ञानाची राजधानी नाही, तर इथली संस्कृती, निसर्ग आणि आधुनिकता यांचा सुंदर मिलाफ पर्यटकांना अविस्मरणीय अनुभव देतो. सिओलमधील चमचमणारे रस्ते, ऐतिहासिक राजवाडे, के-पॉप आणि फॅशनची राजधानी म्हणून ओळखली जाणारी बाजारपेठ, तसेच नैसर्गिक सौंदर्याने नटलेले नामी आयलंड – हे सर्व तुम्हाला या सहलीत अनुभवता येईल. असैन्यीकृत क्षेत्राची भेट घेऊन तुम्ही दक्षिण आणि उत्तर कोरियाच्या सीमेजवळील ऐतिहासिक आणि राजकीय वातावरणाचा जवळून अनुभव घेऊ शकता.

IRCTC चे हे पॅकेज केवळ पर्यटन नाही, तर संस्कृती, इतिहास आणि आधुनिकतेचा संगम प्रत्यक्ष पाहण्याची अनोखी संधी आहे. प्रवास, भोजन, राहण्याची सोय आणि मार्गदर्शन… सगळेच एकाच ठिकाणी उपलब्ध असल्याने हा टूर अधिक आरामदायी आणि संस्मरणीय ठरणार आहे.

विमानात 13 नंबरची रो रिकामी का ठेवली जाते? होश उडवून टाकेल यामागचे कारण

FAQs (संबंधित प्रश्न)

IRCTC काय आहे?
इंडियन रेल्वे केटरिंग अँड टुरिझम कॉर्पोरेशन (IRCTC) ही एक भारतीय सार्वजनिक क्षेत्रातील कंपनी आहे जी सरकारी मालकीच्या भारतीय रेल्वेसाठी तिकीट, केटरिंग आणि पर्यटन सेवा प्रदान करते.

IRCTC पॅकेजचा लाभ घेन्यासातिकीट कुठून बुक करावं?
तिकीट बुक कर्णयसाठी किंवा पॅकेजविषयी माहिती जाणून घेण्यासाठी तुम्हाला IRCTC च्या अधिकृत वेब साईटला भेट द्यावी लागेल.