KIMS Hospitals Thane: सांधे प्रत्यारोपणात अत्याधुनिक तंत्रज्ञानाची भर; किम्स हॉस्पिटल्समध्ये VELYS रोबोटिक सिस्टीमचे उद्घाटन

KIMS Hospitals Thane: किम्स हॉस्पिटल्स, ठाणे येथे शहरातील पहिले चौथ्या पिढीचे VELYS रोबोटिक-सहाय्यित सांधे प्रत्यारोपण तंत्रज्ञान सुरू करण्यात आले आहे. अत्याधुनिक 3D इमेजिंग आणि रोबोटिक सहाय्यामुळे शस्त्रक्रिया अधिक अचूक, सुरक्षित आणि कमी चिरफाडीत होणार असून रुग्णांना जलद पुनर्वसनाचा लाभ मिळणार आहे.

• सांधे प्रत्यारोपणात अत्याधुनिक तंत्रज्ञानाची भर
• किम्स हॉस्पिटल्समध्ये VELYS रोबोटिक सिस्टीमचे उद्घाटन
• ठाण्यातील पहिले रुग्णालय म्हणून किम्स हॉस्पिटल्स

KIMS Hospitals Thane: ठाणे शहरातील आरोग्यसेवेत आणखी एक महत्त्वपूर्ण पाऊल टाकत किम्स हॉस्पिटल्स, ठाणे यांनी शहरातील पहिले चौथ्या पिढीचे VELYS रोबोटिक-सहाय्यित सांधे प्रत्यारोपण तंत्रज्ञान सुरू केले आहे. या अत्याधुनिक तंत्रज्ञानामुळे सांधे प्रत्यारोपणाच्या शस्त्रक्रिया अधिक अचूक, सुरक्षित आणि प्रभावी पद्धतीने करता येणार असून रुग्णांना कमीतकमी चिरफाड, कमी रक्तस्राव आणि जलद पुनर्वसनाचा लाभ मिळणार आहे.

६ ऑगस्ट २०२६ रोजी झालेल्या विशेष कार्यक्रमात या अत्याधुनिक प्रणालीचे उद्घाटन करण्यात आले. शल्यचिकित्सक, रुग्णालयातील अधिकारी, कर्मचारी आणि स्थानिक नागरिकांच्या उपस्थितीत हा कार्यक्रम पार पडला.

Zero Oil Cooking: तेलाशिवाय स्वयंपाक करणे योग्य की अयोग्य? जाणून घ्या त्याचे फायदे आणि काही महत्त्वाच्या गोष्टी

VELYS रोबोटिक प्रणाली ही सर्जनची जागा घेणारी नसून त्यांच्या कार्यक्षमतेत भर घालणारे आधुनिक साधन आहे. उच्च-रिझोल्यूशन 3D प्रतिमांच्या मदतीने सर्जन एर्गोनॉमिक कन्सोलद्वारे रोबोटिक हातांचे नियंत्रण करतात. हे रोबोटिक हात सर्जनच्या हालचाली अत्यंत सूक्ष्म आणि अचूक स्वरूपात पार पाडतात. त्यामुळे आसपासच्या ऊतींना कमी इजा होते आणि शस्त्रक्रियेची अचूकता वाढते.

ऑर्थोपेडिक्स आणि जॉइंट रिप्लेसमेंट विभागाचे प्रमुख डॉ. संजीव जैन यांनी सांगितले की, या तंत्रज्ञानामुळे शस्त्रक्रियेदरम्यान अधिक अचूक नियंत्रण मिळते. परिणामी ऊतींचे नुकसान कमी होते आणि रुग्ण अधिक वेगाने पूर्ववत जीवनात परतू शकतात.

अर्थ्रोस्कोपी आणि जॉइंट रिप्लेसमेंट तज्ज्ञ डॉ. स्वप्नील झांबरे यांनी सांगितले की, बहुउद्देशीय रोबोटिक हातांमुळे शरीरातील अरुंद आणि गुंतागुंतीच्या भागांमध्येही अधिक स्थिर आणि अचूक पद्धतीने शस्त्रक्रिया करता येते.

ऑर्थोपेडिक्स आणि जॉइंट रिप्लेसमेंट तज्ज्ञ डॉ. सारंग देशपांडे यांनी सांगितले की, उच्च दर्जाच्या 3D प्रतिमांमुळे शरीररचनेचे स्पष्ट चित्र मिळते. तसेच एर्गोनॉमिक कन्सोलमुळे दीर्घकाळ चालणाऱ्या शस्त्रक्रियेदरम्यान सर्जनचा शारीरिक थकवा कमी होण्यास मदत होते.

ऑर्थोपेडिक्स (जॉइंट रिप्लेसमेंट आणि स्पोर्ट्स इंज्युरी) तज्ज्ञ डॉ. मृणाल प्रकाश यांनी सांगितले की, रुग्णांचा अनुभव अधिक चांगला करणे हा या तंत्रज्ञानाचा मुख्य उद्देश आहे. लहान चिरे, कमी रक्तस्राव आणि जलद पुनर्वसनामुळे रुग्णांना दैनंदिन आयुष्यात लवकर परतणे शक्य होते.

किम्स हॉस्पिटल्सचे प्रादेशिक संचालक सौरभ गुप्ता यांनी सांगितले की, ठाण्यात चौथ्या पिढीचे VELYS रोबोटिक तंत्रज्ञान उपलब्ध करून देणे ही समाजाप्रती असलेल्या बांधिलकीची पूर्तता आहे. अत्याधुनिक तंत्रज्ञानाच्या माध्यमातून अधिक दर्जेदार आणि आधुनिक आरोग्यसेवा देण्याचा रुग्णालयाचा प्रयत्न असल्याचे त्यांनी स्पष्ट केले.

ठाण्यातील पहिले रुग्णालय म्हणून किम्स हॉस्पिटल्सने हे अत्याधुनिक VELYS रोबोटिक तंत्रज्ञान उपलब्ध करून दिले असून, ही प्रणाली आता पूर्ण क्षमतेने कार्यरत आहे. विविध प्रकारच्या अस्थिरोग आणि सांधे प्रत्यारोपणाच्या शस्त्रक्रियांमध्ये या तंत्रज्ञानाचा वापर केला जाणार असून, त्यामुळे ठाणे आणि परिसरातील रुग्णांना अत्याधुनिक उपचाराची सुविधा स्थानिक पातळीवरच उपलब्ध होणार आहे.

World Breastfeeding Week : प्रत्येक स्तनपान फरक घडवून आणते! बाळाच्या आरोग्यासाठी आईचे दूध का आहे ‘अमृत’? तज्ज्ञांनी दिली माहिती