सकाळच्या कामात, घाईगडबडीच्या वेळी नाश्त्यासाठी झटपट बनवा ‘इंन्सटंट उपमा’

Instant Upma Recipe : सकाळच्या घाईगडबडीत रोज नाश्त्याला नवीन काय बनवावं असा प्रश्न आपल्या मनात येतो. महिला मंडळी नेहमीच एका झटपट नाश्त्याच्या शोधात असतात अशावेळी ही रेसिपी तुमच्यासाठी एकदम परफेक्ट आहे.

भारतीय नाश्त्याच्या पदार्थांमध्ये उपमा हा नेहमीच लोकप्रिय आणि झटपट बनवता येणारा पदार्थ आहे. उपमा हलका, पौष्टिक आणि पचायला सोपा असल्याने सकाळच्या न्याहारीसाठी किंवा दुपारी हलकासा स्नॅक म्हणून उत्तम पर्याय आहे. रव्यापासून बनणारा हा पदार्थ तूप, भाज्या आणि मसाल्यांच्या स्वादामुळे अधिकच चविष्ट लागतो. साधारण उपमा करताना रव्याला भाजून घ्यावे लागते आणि नंतर पाणी घालून शिजवावे लागते. परंतु आज आपण इंस्टंट उपमा बनवणार आहोत.

सुगंधित आणि सौम्य चवीने भरलेली कोलकात्याची नवाबी चिकन बिर्याणी बनवा घरच्या घरी; आजच नोट करा रेसिपी

इंस्टंट उपम्याचा फायदा म्हणजे तुम्ही रवा आधीच भाजून एअरटाईट डब्यात साठवून ठेवू शकता. त्यामुळे सकाळी घाईत नाश्ता करताना, प्रवासात किंवा ऑफिसला डबा नेताना काही मिनिटांत उपमा तयार होतो. यात तुम्ही आपल्या आवडीप्रमाणे गाजर, मटार, शेंगा, कांदा किंवा ढोबळी मिरची अशा भाज्याही घालू शकता. ही रेसिपी फक्त १०-१२ मिनिटांत तयार होते आणि त्यासाठी फारशा कष्टांची गरज नसते. चला जाणून घेऊया यासाठी लागणारे साहित्य आणि कृती.

साहित्य:

• रवा – १ कप (भाजून ठेवलेला)
• पाणी – २ कप
• कांदा – १ मध्यम, बारीक चिरलेला
• हिरवी मिरची – २ (उभ्या चिरलेल्या)
• आले – १ छोटा तुकडा (किसलेला)
• गाजर/मटार – ½ कप (ऐच्छिक)
• तेल – २ टेबलस्पून
• मोहरी – ½ टीस्पून
• उडीद डाळ – १ टीस्पून
• कढीपत्ता – ८-१० पाने
• मीठ – चवीनुसार
• कोथिंबीर – सजावटीसाठी
• लिंबाचा रस – १ टीस्पून

दुबई स्टाईल कुनाफा रोल आता घरीच बनवा; पार्टीमध्ये होईल फक्त तुमच्या पदाथाचीच चर्चा, लगेच नोट करा रेसिपी

कृती:

• कढईत तेल गरम करून त्यात मोहरी टाकावी. मोहरी तडतडली की उडीद डाळ, कढीपत्ता, हिरवी मिरची व आले टाकावे.
• कांदा घालून तो पारदर्शक होईपर्यंत परतावा.
• आता गाजर, मटार किंवा हव्या त्या भाज्या टाकून २ मिनिटं परतून घ्याव्यात.
• त्यानंतर भाजलेला रवा घालून चांगलं परतून घ्या.
• दुसऱ्या भांड्यात पाणी गरम करून त्यात मीठ घालावे.
• आता हे गरम पाणी हळूहळू रव्यामध्ये ओतावे आणि सतत ढवळत राहावे, म्हणजे गुठळ्या होणार नाहीत.
• झाकण ठेवून मंद गॅसवर ४-५ मिनिटे शिजू द्यावे.
• गॅस बंद करून लिंबूरस पिळावा व वरून कोथिंबीर टाकून सर्व्ह करावा.
• हा इंस्टंट उपमा नारळाच्या चटणीसोबत, सांबारसोबत किंवा फक्त गरमागरम चहासोबतही अप्रतिम लागतो.

FAQs (संबंधित प्रश्न)

इन्स्टंट उपमा आरोग्यदायी आहे का?
हो, इन्स्टंट उपमा हे एक निरोगी आणि संतुलित जेवण आहे, विशेषतः जेव्हा भाज्या घालून बनवले जाते.

उपमा शिजायला किती वेळ लागतो?
हा सुगंधित, चविष्ट, पोट भरणारा आणि जलद तयार होणारा पदार्थ आहे जो तुम्ही २० मिनिटांत बनवू शकता.