दुबई स्टाईल कुनाफा रोल आता घरीच बनवा; पार्टीमध्ये होईल फक्त तुमच्या पदाथाचीच चर्चा, लगेच नोट करा रेसिपी

कुनाफा चॉकलेटविषयी तर तुम्ही अनेकदा ऐकलं असेल पण तुम्ही कधी कुनाफा रोल खाल्ला आहे का? याचा आकर्षक लूक आणि चविष्ट चव सर्वांनाच या पदर्थाकडे खेचून नेते. याच्या प्रत्येक घासात तुम्हाला अनुभवता येईल रॉयल फील!

(फोटो सौजन्य: Pint

Follow Us:

Follow Us:

मध्य पूर्वेतील डेझर्ट्स म्हटलं की ‘कुनाफा’ हे नाव अगदी पहिल्यांदा आठवतं. हा डेझर्ट त्याच्या कुरकुरीत टेक्स्चर, आतमध्ये लुसलुशीत चीज किंवा क्रीम फिलिंग आणि वरच्या बाजूला गोड शिरा यामुळे जगभर प्रसिद्ध आहे. पारंपारिक पद्धतीने कुनाफा मोठ्या पॅनमध्ये करून नंतर तुकडे करून दिला जातो, पण आज आपण त्याचा थोडा मॉडर्न ट्विस्ट करून कुनाफा रोल्स बनवणार आहोत.

Weekend Special : रविवारचा करा मजेदार बेत, घरी बनवा मसालेदार आणि चविष्ट ‘चिकन कोफ्ता करी’

कुनाफा रोल्स ही एक अशी डिश आहे जिथे कुरकुरीत सेंवईसारखी बाहेरची लेयर असते, आतमध्ये श्रीखंड, रबडी, क्रीम चीज किंवा मावा यासारखे फिलिंग घातले जाते आणि नंतर त्यावर साखरेचा सुगंधी शिरा ओतून गार्निश केले जाते. हा डेझर्ट पार्टीसाठी, फेस्टिव्हलसाठी किंवा खास गोड खायची इच्छा झाली तरी बनवता येतो. बनवायला जरा वेळखाऊ असला तरी त्याची टेस्ट खूपच अप्रतिम लागते.

साहित्य

बाहेरील लेयरसाठी:

• कुनाफा डो (कुनाफा सेंवई) – 2 कप
• वितळलेले बटर – ½ कप

• मावा / खवा – 1 कप
• रबडी – ½ कप
• पिठीसाखर – 3 टेबलस्पून
• वेलची पावडर – ½ टीस्पून
• चिरलेले ड्रायफ्रुट्स – 2 टेबलस्पून
• साखरेचा शिरा (Sugar Syrup):
• साखर – 1 कप
• पाणी – 1 कप
• लिंबाचा रस – ½ टीस्पून
• गुलाबपाणी किंवा केवडा पाणी – ½ टीस्पून
• केशर धागे – 5-6

पिस्ता काप – 1 टेबलस्पून
बदाम काप – 1 टेबलस्पून

कृती

• एका पातेल्यात साखर आणि पाणी घालून मध्यम आचेवर शिरा उकळायला ठेवा.
• एकतार शिरा झाला की त्यात लिंबाचा रस, गुलाबपाणी आणि केशर घाला. गॅस बंद करून शिरा गार होऊ द्या.
• माव्याला हलके भाजून घ्या. त्यात रबडी, पिठीसाखर, वेलची पावडर आणि ड्रायफ्रुट्स मिसळा. मिश्रण घट्ट आणि क्रीमी झाले पाहिजे.
• कुनाफा सेंवई हाताने बारीक करून घ्या. त्यावर वितळलेले बटर ओतून चांगले मिसळा जेणेकरून सेंवई कुरकुरीत होतील.
• आता सेंवईचा थोडा भाग हातावर घ्या, त्यात तयार केलेले फिलिंग ठेवा आणि हलके हाताने रोल करा. रोल्स तयार करताना सेंवई घट्ट बसली पाहिजेत.
• ओव्हन 180° C वर गरम करून घ्या. बेकिंग ट्रेवर बटर लावून रोल्स ठेवा आणि 15-20 मिनिटे सोनेरी रंग येईपर्यंत बेक करा.
• गरम रोल्स बाहेर काढून लगेच गार शिरा वरून ओता. रोल्स शिरा शोषून घेतील आणि स्वादिष्ट लागतील.
• वरून पिस्ता-बदाम काप घालून सजवा. हवे असल्यास थंड करून किंवा गरमागरम सर्व्ह करा.

FAQs (संबंधित प्रश्न)

कुनाफा रोल कसे साठवायचे?
कुनाफा रोल रेफ्रिजरेटरमध्ये ३-४ दिवसांपर्यंत साठवता येतात.

कुनाफा गरम खावा की थंड?
पारंपारिकपणे कुनाफा रोल गरम गरम सर्व्ह केला जातो.

Web Title: Know how to make dubai style kunafa roll at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com