फक्त १ इंचाचा गणराया! कुर्ल्यात शेषनागाच्या फण्याखाली ‘लिटिल मास्टर’चे दर्शन

मुंबईतील गणेशोत्सवात दरवर्षी गणरायाची वेगवेगळी रूपे पाहायला मिळतात. यंदा कुर्ल्यातील एका सार्वजनिक गणेशोत्सवाने आपल्या अनोख्या मूर्तीमुळे भाविकांचे लक्ष वेधून घेतले आहे. आकाराने छोटी असली तरी या गणरायाचे रूप खास चर्चेत आहे.

• कुर्ल्यातील गणेशोत्सवात साकारले गणरायाचे अनोखे रूप
• शेषनागाच्या फण्याखाली विराजमान झालेला ‘लिटिल मास्टर’
• अवघ्या १ इंचाच्या गणरायाचे दर्शन घेण्यासाठी भाविकांमध्ये उत्सुकता

कुर्ला पश्चिमेतील श्री ज्ञानदीप मित्र मंडळ, कुर्ला स्टेशनचा राजा यांच्या सार्वजनिक गणेशोत्सवाचे यंदा अनोखे आकर्षण ठरले आहे. मंडळाच्या ३९व्या वर्षानिमित्त यंदा अवघ्या १ इंचाच्या श्री गणेशमूर्तीची प्रतिष्ठापना करण्यात आली आहे. शेषनागाच्या भव्य फण्याखाली विराजमान असलेल्या या छोटेखानी गणरायाचे रूप भाविकांचे लक्ष वेधून घेत आहे. ‘लिटिल मास्टर शेषनाग गणेशा’ अशी या मूर्तीची ओळख असून, आकाराने अवघी १ इंचाची असली तरी भक्ती आणि महिमा अनंत असल्याचा संदेश मंडळाने दिला आहे. कुर्लेकर आणि गणेशभक्तांनी कुटुंबासह या अनोख्या गणरायाचे दर्शन घ्यावे, असे आवाहन मंडळाने केले आहे.

Ganeshotsav 2026 : 22 वर्षांची श्रद्धा अन् परंपरा! ‘चेंबूरचा सम्राट’ गणेशोत्सवात नवगुंजराचे अद्भुत रूप ठरतेय आकर्षण

अध्यक्ष ईश्वर अहिरे यांचा कोट :

ईश्वर अहिरे, अध्यक्ष, श्री ज्ञानदीप मित्र मंडळ – “यंदा भक्तांसाठी काहीतरी वेगळं आणि अविस्मरणीय साकारण्याचा आमचा प्रयत्न आहे. अवघ्या १ इंचाच्या गणरायाचे हे अनोखे रूप म्हणजे आकाराने छोटे, पण भक्ती आणि श्रद्धेने विशाल असे श्रींचे दर्शन आहे. कुर्लेकरांसह मुंबईतील गणेशभक्तांनी कुटुंबासह या लिटिल मास्टर गणरायाचे दर्शन घेऊन आशीर्वाद घ्यावा.”

नशीब नाही, ट्रेनमध्ये ‘या’ फॉर्मुल्याने मिळते विंडो सीट! रेल्वेचा हा नियम बहुतेकांना ठाऊकच नाही

कार्याध्यक्ष धनंजय दळवी यांचा कोट :

धनंजय दळवी, कार्याध्यक्ष, श्री ज्ञानदीप मित्र मंडळ – “यंदाच्या गणेशोत्सवात कुर्लेकरांसाठी एक अनोखा आध्यात्मिक अनुभव देण्याचा आमचा प्रयत्न आहे. अवघ्या १ इंचाच्या श्री गणरायाचे शेषनागाच्या फण्याखालील हे रूप भाविकांसाठी निश्चितच आकर्षणाचे ठरणार आहे. मूर्ती लहान असली तरी श्रींचे महत्त्व आणि भक्तीची भावना अनंत आहे. प्रत्येक गणेशभक्ताने कुटुंबासह या लिटिल मास्टर गणरायाचे दर्शन घ्यावे.”

पत्ता – नवी कंपाउंड, हरियाणावाला लेन, स्टेशन रोड, कुर्ला पश्चिम येथे गणेशभक्तांना या विशेष गणरायाचे दर्शन घेता येणार आहे.