जागतिक हृदय दिनानिमित्त Lilavati Hospital कडून मोफत हृदय आरोग्य शिबीर! 1500 हून अधिक नागरिकांची मोफत तपासणी

Lilavati Hospital Heart Health Camp : जागतिक हृदय दिनानिमित्त मुंबईतील लीलावती हॉस्पिटल अँड रिसर्च सेंटरने 'SEWA' संस्थेच्या सहकार्याने 'एक हृदय, एक जीवन' या संकल्पनेखाली मोफत हृदय आरोग्य तपासणी शिबिराचे आयोजन केले. शालीन भानोत, सुचित्रा कृष्णमूर्ती यांसारख्या मान्यवरांच्या उपस्थितीत पार पडला.

• मुंबईत १५०० जणांनी केली मोफत हृदय तपासणी!
• लीलावती रुग्णालयाच्या उपक्रमाला दिग्गजांची उपस्थिती
• कलाकारांच्या हस्ते शिबिराचे उद्घाटन

Lilavati Hospital Heart Health Camp : जागतिक हृदय दिन २०२६ निमित्त हृदयाच्या आरोग्याविषयी जनजागृती निर्माण करण्यासाठी लीलावती हॉस्पिटल अँड रिसर्च सेंटरने सेवा (SEWA) (सर्व्हिस क्वॉलिटी फॉर द वेल्फेअर ऑफ ऑल) सोबत सहयोगाने मोफत हृदय आरोग्य तपासणी शिबिराचे यशस्वी आयोजन केले. शालीन भानोत, रुबल नागी, सुचित्रा कृष्णमूर्ती, रूपाली सुरी आणि राजू सिंग यांसारख्या मान्यवरांच्या हस्ते या शिबिराचे उद्घाटन करण्यात आले. त्यांनी या उपक्रमाला पाठिंबा दिला आणि इतरांनाही या चांगल्या कामात सहभागी होण्यासाठी प्रोत्साहित केले. ( Lilavati Hospital Heart Health Camp ) 

House Painting Rules for Tenants: भाड्याच्या घराची पेंटिंग कोण करणार? मालक-भाडेकरू वाद टाळण्यासाठी जाणून घ्या नियम

“एक हृदय, एक जीवन – प्रत्येक ठोका महत्त्वाचा” उपक्रमात विविध वयोगटांतील १,५०० हून अधिक व्यक्तींनी सहभाग घेतला. या शिबिरामध्ये मोफत शारीरिक आरोग्य तपासण्या करण्यात आल्या, ज्यामध्ये कार्डिओव्हॅस्क्युलर तपासण्या, लिपिड प्रोफाइल चाचण्या, कोलेस्ट्रॉल तपासणी आणि पुढील मूल्यांकनाची आवश्यकता असलेल्या व्यक्तींसाठी इलेक्ट्रोकार्डिओग्राम (ईसीजी), तसेच मल्टी-स्पेशालिटी सल्लामसलत यांचा समावेश होता. या प्राथमिक तपासणीमुळे संभाव्यतः अनेक व्यक्तींचे जीव वाचवण्यास मदत झाली आहे आणि नियमित आरोग्य तपासणीचे महत्त्व देखील अधोरेखित झाले आहे.

आरोग्यदायी समाज घडवण्यासाठी कटिबद्ध

या उपक्रमाबाबत मत व्यक्त करत मुंबईतील लीलावती हॉस्पिटल अँड रिसर्च सेंटरचे आजीवन कायमस्वरुपी विश्वस्त श्री. राजीव के. मेहता म्हणाले, “आम्ही व्यक्तींच्या जीवनावर दीर्घकालीन सकारात्मक प्रभाव पाडणाऱ्या अशा सामाजिक उपक्रमांच्या माध्यमातून आरोग्यदायी समाज घडवण्यासाठी कटिबद्ध आहोत.

स्वतःच्या आरोग्याची जबाबदारी घेण्यास प्रोत्साहित

या शिबिरामधून प्रतिबंधात्मक आरोग्यसेवा पद्धतींविषयी जनजागृती निर्माण करण्याप्रती, तसेच नागरिकांना हृदयाचे आरोग्य उत्तम ठेवण्यासह स्वतःच्या आरोग्याची जबाबदारी घेण्यास प्रोत्साहित करण्याप्रती आमची अविरत कटिबद्धता दिसून येते. प्रतिबंधात्मक तपासण्या आणि तज्ज्ञांच्या मार्गदर्शनाद्वारे आपण आपण अधिक निरोगी समाज घडवू शकतो. “

Hair Care: पांढऱ्या केसांसाठी कायमच केमिकल हेअर डायचा वापर करता? केसांना लावा ‘या’ हिरव्या पानांचा रस, केस होतील काळेभोर