Makar Sankrant 2026 : तिळाचे लाडूच नाही तर सणाला हा पारंपारिक पदार्थही मानला जातो खास, जाणून घ्या रेसिपी

Tilory Recipe : गव्हाचं पीठ, तीळ आणि गुळापासून तयार केला जाणारा हा पारंपारिक पदार्थ मकर संक्रांतीला आवर्जून घरी बनवला जातो. सणाला काही बनवायचं असेल तर ही रेसिपी एकदा घरी नक्की ट्राय करा.

• मकर संक्रांतीचा सण अवघ्या काही दिवसांवर येऊन ठेपला आहे.
• या सणानिमित्त तिळाचे लाडू आणि इतर पारंपारिक पदार्थ घरी बनवले जातात.
• आज पण तिलोऱ्यांची एक पारंपारिक रेसिपी जाणून घेणार आहोत.

जानेवारी महिन्यातील खास आणि पारंपरिक सण म्हणजे मकर संक्रांत. वर्षातून एकदाच येणारा हा सण घरातील वातावरण प्रसन्न करतो. दरवर्षी १४ जानेवारीला मकर संक्रांतीचा सण साजरा केला जातो. या सणानिमित्त घरात गोड पदार्थांची मेजवानी तयार केली जाते आणि सर्वांसोबत हा गोडवा वाटून आनंद पसरवला जातो. मकर संक्रातीतील सर्वात लोकप्रिय पदार्थ म्हणजे तिळाचे लाडू जे आपल्याला माहितीच आहेत. तीळगूळ घ्या, गोड बोला’ असे म्हणत हे लाडू वाटले जातात पण आज आपण तिळाच्या लाडवांची नाही तर मकर संक्रांतीमध्ये बनवल्या जाणाऱ्या एका वेगळ्या पारंपारिक पदार्थाची रेसिपी आज जाणून घेणार आहोत.

दिवसाची सुरुवात करा हेल्दी पदार्थाने! ऑफिसला नेण्यासाठी सोप्या पद्धतीमध्ये घरी बनवा हेल्दी सॅलड, नोट करून घ्या रेसिपी

या रेसिपीचे नाव आहे तिलोऱ्या! ही मकर संक्रांतीच्या सणावेळी बनवली जाणारी एक पारंपरिक, खुसखुशीत आणि पौष्टिक रेसिपी आहे. यात गूळ, तीळ आणि गव्हाच्या पिठाचा वापर केला जातो. हिवाळ्याच्या दिवसांत तर ही रेसिपी आणखीन उत्तम ठरते. यात वापरण्यात येणारे तीळ हाडांना मजबुती मिळवून देते. विशेष म्हणजे फार कमी लोकांना तिलोरी हा पदार्थ ठाऊक आहे ज्यामुळे तुम्ही जेव्हा हा पदार्थ बनवाल तर सर्वजण फक्त तुमच्याच पदार्थाची चर्चा करतील एवढं नक्की. चला नोट करून घेऊयात तिलोरी बनवण्याची सोपी रेसिपी.साहित्य :

• गव्हाचे पीठ – १ वाटी
• तांदळाचे पीठ – १/२ वाटी
• गुळ – १/२ वाटी
• पाणी – १/२ वाटी
• तीळ – १/४ वाटी
• तुप – १ टे स्पून
• मीठ – २ चिमूट
• सुंठ पावडर – १/२ टीस्पून

अंगारखी चतुर्थीनिमित्त बाप्पाच्या नैवेद्यासाठी झटपट बनवा चवदार रव्याचे मोदक, नोट करून घ्या रेसिपी

कृती

• तिलोऱ्या बनवण्यासाठी सर्वप्रथम एका वाटीत चिरलेला गूळ आणि पाणी घालून मिक्स करा.
• चमच्याच्या साहाय्याने हलवत राहा जेणेकरून गूळ पाण्यात विरघळून जाईल.
• आता एका कढईत मंद आचेवर तीळ भाजून घ्या, भाजताना यांना सतत हलवत राहा.
• भाजलेले तीळ मिक्सरच्या भांड्यात घालून जाडसर वाटून घ्या.
• तयार तिळाचे मिश्रण एका परातीत काढा आणि यात गव्हाचे, तांदळाचे पीठ, सुंठ पावडर आणि दोन चिमूटभर मीठ घालून साहित्य एकत्र करून घ्या.
• आता यात साजूक तूप घालून मिसळा
• मग यात तयार गुळाचे पाणी थोडं थोडं करून घाला आणि पीठ मळून घ्या. पीठ फार घट्टही नसावे आणि फार मऊही नसावे.
• पिठावर झाकण ठेवून त्याला 15-20 मिनिटे तसेच राहू द्या.
• आता पिठाचे गोळे तयार करून याला लहान पुरीप्रमाणे लाटून घ्या.
• गॅसवर कढई ठेवून त्यात तेल घाला आणि माध्यम आचेवर तयार तिलोरी छान तळून घ्या.
• तयार तिलोरी एका प्लेटमध्ये काढा. कुरकुरीत आणि गोड चवीची तिलोरी खाण्यासाठी सर्व्ह करा.