वाढलेले वजन कमी करण्यासाठी सकाळच्या नाश्त्यात बनवा चटपटीत मिश्र कडधान्यांचे चाट

वजन कमी करण्यासाठी अनेक लोक सकाळचा नाश्ताच करत नाहीत. पण असे केल्यामुळे शरीरात थकवा आणि अशक्तपणा जाणवतो. त्यामुळे वाढलेले वजन कमी करण्यासाठी सकाळच्या नाश्त्यात तुम्ही मिश्र कडधान्यांचे चाट खाऊ शकता.

वाढलेले वजन कमी करण्यासाठी महिला सतत काहींना काही उपाय करत असतात. कधी आहारात तज्ज्ञांकडून घेतलेला डाईट फॉलो करतात, तर काही महिला शरीरावर वाढलेली चरबी कमी करण्यासाठी जीमला जातात. पण असे केल्यामुळे शरीरावर वाढलेली चरबी कमीच होत नाही. चुकीच्या डाईटमुळे वाढलेले वजन कमी होण्याऐवजी आणखीन वाढत जाते. त्यामुळे योग्य आणि शरीराला पचेल असा आहार घेणे आवश्यक आहे. वाढलेले वजन कमी करण्यासाठी प्रोटीन शेक पिण्याऐवजी आहारात मिश्र कडधान्याचे सेवन करावे. ज्यामुळे वाढलेले वजन नियंत्रणात मिळवण्यासाठी मदत होते. पण काहींना कडधान्य खायला आवडत नाही. अशावेळी तुम्ही उकडलेल्या कडधान्यांपासून चाट बनवू शकता. हे चाट शरीरासाठी अतिशय पौष्टिक आणि आरोग्यदायी ठरेल. चला तर जाणून घेऊया मिश्र कडधान्यांचे चाट बनवण्याची सोपी रेसिपी.(फोटो सौजन्य-istock)

साहित्य:

• बारीक चिरलेला कांदा
• टोमॅटो
• मूग
• मटकी
• चणे
• चाट मसाला
• हिरवी मिरची
• पनीर
• शेंगदाणे

हे देखील वाचा: सणासुदीसाठी बनवा चविष्ट मखाना खीर, अशी रेसिपी की बोटंही चाटत रहाल

कृती:

• मिश्र कडधान्यांचे चाट बनवण्यासाठी सर्व कडधान्य रात्रभर पाण्यात भिजत ठेवा. त्यानंतर सकाळी उठल्यावर सर्व कडधान्य उकळवून घ्या.
• उकडवून घेतलेल्या कडधान्यामधील मधील पाणी काढून वाटीमध्ये काढून घ्या.
• कडधान्य बाऊलमध्ये घेऊन त्यात बारीक चिरून घेतलेला कांदा आणि टोमॅटो, उकडवून घेतलेले शेंगदाणे टाकून मिक्स करून घ्या.
• नंतर त्यात बारीक चिरलेली हिरवी मिरची, चाट मसाला, चवीनुसार मीठ आणि पनीरचे बारीक तुकडे टाकून मिक्स करा.
• सगळ्यात शेवटी चाट चाट तयार झाल्यानंतर कोथिंबीर टाकून सर्व्ह करा. तयार आहे मिश्र कडधान्यांचे चाट.