ओव्हन- केक मोल्डमचा वापर न करता लहान वाट्यांमध्ये बनवा स्वादिष्ट कप केक, नोट करून घ्या इन्स्टंट रेसिपी

नाताळ सणाच्या दिवशी तुम्ही घरामध्ये कप केक बनवू शकता. चॉकलेट कप केक लहान मुलांपासून मोठ्यांपर्यंत सगळ्यांचं खूप जास्त आवडतील. जाणून घ्या कप केक बनवण्याची रेसिपी.

आज संपूर्ण जगभरात नाताळ सणाचा मोठा उत्साह आहे. यादिवशी घरात अनेक नवनवीन गोड पदार्थ बनवले जातात. त्यात आवर्जून बनवला जाणारा पदार्थ म्हणजे केक. चॉकलेट केक, कप केक, रेड व्हेल्वेट केक इत्यादी अनेक वेगवेगळ्या फ्लेवर्सचे केक बनवले जातात. लहान मुलांपासून अगदी मोठ्यांपर्यंत सगळ्यांचं केक खायला खूप जास्त आवडतो. केक बनवण्यासाठी केक टिन किंवा मोल्ड लागतो. पण बऱ्याचदा घरात केक मोल्ड किंवा केकचा साचा उपलब्ध नसतो. अशावेळी तुम्ही घरातील लहान लहान वाट्यांचा वापर करून कप केक बनवू शकता. केक बनवण्यासाठी कोणत्याही महागड्या केक मोल्ड किंवा केक साच्याची अजिबात आवश्यकता भासणार नाही. कामाच्या धावपळीमुळे प्रत्येकालाच कमीत कमी साहित्यात झटपट तयार होणारे पदार्थ हवे असतात. यामुळे वेळही वाचतो. याशिवाय घरात मसाल्याचे लहान डबे सुद्धा उपलब्ध असतात. याच लहान डब्यांचा वापर करून तुम्ही कप केक बनवू शकता. चला तर जाणून घेऊया इन्स्टंट कप केक बनवण्याची सोपी रेसिपी. (फोटो सौजन्य – istock)

नाताळ सणाला ओव्हन आणि अंड्याचा वापर न करता झटपट बनवा स्वादिष्ट चॉकलेट केक, लहान मुलांसह मोठ्यांना आवडेल पदार्थ

साहित्य:

• गूळ
• कॉफी पावडर
• कोको पावडर
• तेल
• मिल्क पावडर
• दूध
• गव्हाचे पीठ
• मीठ
• बेकिंग सोडा
  बेकिंग पावडर
• साजूक तूप
• ड्रायफ्रुटसचे काप

Christmas 2025 : सणानिमित्त घरी बनवा टेस्टी सर्वांच्या आवडीचा ‘रेड वेल्व्हेट केक’, रेसिपी नोट करा

कृती:

• कप केक बनवण्यासाठी सर्वप्रथम, मिक्सरच्या भांड्यात गूळ, कॉफी पावडर, कोको पावडर, तेल, मिल्क पावडर, दूध घेऊन बारीक वाटून पेस्ट तयार करा.
• २ ते ३ वेळा मिक्सरमधून फिरवून घ्यावे. यामुळे केकचे मिश्रण व्यवस्थित तयार होईल.
• तयार केलेले मिश्रण काढून त्यात गव्हाचे पीठ, चवीनुसार मीठ, बेकिंग सोडा, बेकिंग पावडर घालून पुन्हा एकदा व्यवस्थित मिक्स करा.
• मिश्रण व्यवस्थित फेटून घ्यावे. यामुळे केक मऊ आणि सॉफ्ट होण्यास मदत होते. केकचे मिश्रण मिक्स करण्यासाठी व्हिकीचा वापर करावा.
• त्यानंतर त्यात आवश्यकतेनुसार दूध घालून व्यवस्थित मिक्स करा. लहान लहान वाट्याना तेल किंवा बटर लावून घ्यावे. यामुळे केक वातीला अजिबात चिकटणार नाही.
• कढईमध्ये पाणी गरम करून त्यात चाळणी टाकून वरून केलेल्या वाट्या ठेवाव्यात. कढईवर झाकण मारून केक ४० ते ४५ मिनिटं मंद आचेवर शिजवावा.
• केक शिजल्यानंतर टूथपिक घालून पाहावे. यामुळे केक शिजला आहे की नाही हे समजून येईल.
• केक थंड झाल्यानंतर वरून चॉकलेट क्रीम किंवा वितळलेले चॉकलेट घालून कप केक खाण्यासाठी सर्व्ह करावा.