रेस्टॉरंट स्टाईल Honey Chili Potato आता घरीच बनवा; तुमच्या पार्टीची शान वाढवेल ही रेसिपी!

अनेकांच्या आवडीचे हनी चिली पोटॅटो घरी देखील अगदी सहज अंक झटपट तयार करता येतात. चविष्ट खावेसे वाटत आहे पण जास्त मेहनत नको हवी असेल तर ही रेसिपी तुमच्यासाठी परफेक्ट आहे.

फोटो सौजन्य - Social Media

Follow Us:

Follow Us:

हनी चिली पोटॅटो हा एक लोकप्रिय इंडो-चायनीज स्टार्टर आहे जो कुरकुरीत तळलेल्या बटाट्यांना गोड-तिखट सॉसमध्ये टॉस करून बनवला जातो. मधाचा गोडवा, लाल मिरचीची झणझणीत चव आणि सॉसची खमंग टेक्स्चर यामुळे हा डिश मुलांपासून मोठ्यांपर्यंत सर्वांनाच आवडतो. पार्टी, गेट-टुगेदर किंवा संध्याकाळच्या स्नॅक्ससाठी ही एकदम योग्य रेसिपी आहे.

घरी कोणता खास प्रसंग असेल किंवा पार्टी असेल तर अशा वेळी तुमची ही रेसिपी घरी बनवू शकता. याच्या कुरकुरीत आणि मसालेदार चवीने सर्वच तुमच्यावर खुश होतील. शिवाय हे बनवायला फार कठीणही नाही, तुम्ही झटपट कमी वेळेत ही रेसिपी तयार करू शकता. चला तर मग जाणून घेऊया यासाठी लागणारे साहित्य आणि कृती.

दुपारच्या जेवणात काय बनवावं सुचत नाही? मग झटपट बनवा काळ्या चण्यांचा भात, नोट करून घ्या रेसिपी

लागणारे साहित्य: 

• बटाटे – ३-४ (लांब काप करून)
• कॉर्न फ्लोअर – ३ टेबलस्पून
• मैदा – २ टेबलस्पून
• मीठ – चवीनुसार
• मिरी पूड – ½ टीस्पून
• तेल – तळण्यासाठी

• तेल – २ टेबलस्पून
• लसूण – ५-६ पाकळ्या (बारीक चिरून)
• हिरवी मिरची – २ (उभी चिरलेली)
• कांदा – १ (स्लाइस करून)
• शिमला मिरची – ½ (स्लाइस करून)
• टोमॅटो सॉस – २ टेबलस्पून
• रेड चिली सॉस – १ टेबलस्पून
• सोया सॉस – १ टीस्पून
• मध – २ टेबलस्पून
• तीळ – १ टीस्पून (भाजलेले)
• पाणी – ¼ कप

वयाच्या आठव्या- नवव्या वर्षी मुलींना मासिक पाळी का येते? जाणून घ्या यामागील सविस्तर कारणे

• बटाट्यांचे लांब काप करून पाण्यातून धुऊन घ्या. स्वच्छ कापडाने पुसून घ्या.
• एका बाऊलमध्ये कॉर्न फ्लोअर, मैदा, मीठ, मिरी पूड घालून पाणी टाकून घट्ट पेस्ट तयार करा. त्यात बटाट्याचे काप घालून व्यवस्थित मिक्स करा.
• कढईत तेल गरम करून बटाटे कुरकुरीत होईपर्यंत तळा. नंतर टिश्यू पेपरवर काढा.
• पॅनमध्ये २ टेबलस्पून तेल गरम करा. त्यात लसूण, हिरवी मिरची टाकून परता. नंतर कांदा व शिमला मिरची टाकून थोडे शिजवा.
• टोमॅटो सॉस, रेड चिली सॉस, सोया सॉस, मध आणि थोडे पाणी घालून उकळी आणा.
• तळलेले बटाटे सॉसमध्ये टाकून चांगले टॉस करा, जेणेकरून सॉस सर्व बटाट्यांना लागेल.
• वरून भाजलेले तीळ टाकून सर्व्ह करा.
• बटाटे दोन वेळा तळल्यास जास्त कुरकुरीत होतात.
• हनीचे प्रमाण आपल्या आवडीनुसार वाढवू किंवा कमी करू शकता.

Web Title: Make restaurant style honey chili potatoes at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com