बुधवार, 11 नोव्हेंबर 2026
Kavya Maran : काव्या मारन-अनिरुद्ध रविचंदर विवाहबंधनात; ग्रीसमधील ड्रीमी वेडिंगचे फोटो व्हायरल, सौजन्य : इन्स्टाग्राम
सनरायझर्स हैदराबाद संघाची सहमालकीण काव्या मारन (Kavya Maran) आणि प्रसिद्ध संगीतकार अनिरुद्ध रविचंदर विवाहबंधनात अडकले आहेत. बुधवारी (11 नोव्हेंबर) ग्रीसमध्ये मोजक्या पाहुण्यांच्या उपस्थितीत त्यांचा खासगी विवाहसोहळा पार पडला. विवाहानंतर या नवदाम्पत्याने लग्नाचे पहिले छायाचित्र सोशल मीडियावर शेअर केले असून, त्याची सध्या जोरदार चर्चा सुरू आहे.
अनिरुद्ध आणि काव्या यांनी विवाहसोहळ्यासाठी आयव्हरी रंगाचे पारंपरिक पोशाख परिधान केले होते. पांढऱ्या फुलांनी सजवलेल्या ठिकाणी एकमेकांचा हात हातात घेऊन हसतमुखाने उभ्या असलेल्या या जोडीचे छायाचित्र चाहत्यांच्या पसंतीस उतरत आहे. अनिरुद्धने इन्स्टाग्रामवर हे छायाचित्र शेअर करत, ‘माझ्या आयुष्यातील एक खास क्षण, जो कायमचा लक्षात राहील… 11.11’, असे लिहिले आहे.
या विवाहसोहळ्याच्या कार्यक्रमांना 10 नोव्हेंबरपासून पारंपरिक साखरपुड्याने सुरुवात झाली होती. यावेळी दोन्ही कुटुंबांतील जवळचे सदस्य आणि काही खास पाहुणे उपस्थित होते. अनिरुद्धचे काका आणि सुपरस्टार रजनीकांत, ऐश्वर्या रजनीकांत, तामिळनाडूचे माजी मुख्यमंत्री एम. के. स्टॅलिन आणि उदयनिधी स्टॅलिन यांच्यासह अनेक मान्यवर ग्रीसमध्ये उपस्थित असल्याचे वृत्त आहे.
दरम्यान, सन पिक्चर्सनेही एक्सवर या नवदाम्पत्याचे छायाचित्र शेअर करत त्यांना शुभेच्छा दिल्या आहेत.
Gana Dhav Re Trailer: केदार शिंदेंच्या ‘गणा धाव रे’चा ट्रेलर प्रदर्शित; बाप्पाच्या कथेने जिंकले मन
ग्रीसमध्ये विवाहसोहळा पार पडल्यानंतर अनिरुद्ध आणि काव्या २१ नोव्हेंबरला चेन्नई येथे भव्य रिसेप्शन आयोजित करणार आहेत. तेलंगणाच्या मुख्यमंत्री कार्यालयाने शेअर केलेल्या पोस्टमधून रिसेप्शनची तारीख समोर आली आहे.
काव्या यांचे वडील कलानिधी मारन आणि आई कावेरी मारन यांनी यापूर्वी तेलंगणाचे मुख्यमंत्री ए. रेवंत रेड्डी यांची भेट घेऊन त्यांना या सोहळ्याचे निमंत्रण दिले होते. या रिसेप्शनला चित्रपट, राजकारण, उद्योग आणि क्रिकेट क्षेत्रातील अनेक मान्यवर उपस्थित राहण्याची शक्यता आहे.
Maharani 5: ‘महाराणी’ पुन्हा येतेय! राणी भारती घेणार वैयक्तिक हिशेबांचा बदला; २०२७ मध्ये नवा सीझन
अनिरुद्ध आणि काव्या यांनी त्यांचे नाते आतापर्यंत खासगी ठेवले होते. 2024 मध्ये दोघे परदेशात एकत्र दिसल्यानंतर त्यांच्या नात्याबाबत चर्चा सुरू झाली होती. मात्र, दोघांनीही त्यावेळी या चर्चांवर अधिकृत भाष्य केले नव्हते. अखेर ग्रीसमधील खासगी विवाहसोहळ्याने या चर्चांना पूर्णविराम मिळाला आहे.
अनिरुद्ध रविचंदर यांना ‘व्हाय दिस कोलावेरी डी’ या गाण्यामुळे देशभरात लोकप्रियता मिळाली. ‘जेलर’, ‘विक्रम’, ‘लिओ’ आणि ‘जवान’ यांसारख्या चित्रपटांतील संगीतामुळे त्यांनी संगीत क्षेत्रात आपली वेगळी ओळख निर्माण केली आहे. तर काव्या मारन या सन ग्रुपचे अध्यक्ष कलानिधी मारन यांच्या कन्या असून, त्या सनरायझर्स हैदराबाद संघाच्या सहमालकीण आहेत.
Ans: दोघांचा विवाह बुधवारी, ११ नोव्हेंबर २०२६ रोजी झाला.
Ans: ग्रीसमध्ये खासगी डेस्टिनेशन वेडिंग सोहळ्यात त्यांचा विवाह पार पडला.
Ans: काव्या मारन या सन ग्रुपचे अध्यक्ष कलानिधी मारन यांच्या कन्या आणि सनरायझर्स हैदराबाद संघाच्या सहमालकीण आहेत.
