मोमो लव्हर्स आहात? तर यावेळी मैद्याच्या पिठापासून नाही तर गव्हाच्या पिठापासून घरीच तयार करा Healthy Momos

Wheat Momos Recipe: लहान मुलांपासून मोठ्यांपर्यंत मोमजची चव प्रत्येकालाच फार आवडते. मात्र यातील मैदा आरोग्यासाठी चांगला नाही. अशात तुम्ही घरीच हेल्दी मोमोज तयार करु शकता, जे चवीसह तुमच्या आरोग्याचीही काळजी घेतील.

लहान असोत वा मोठे मोमज हा एक असा पदार्थ आहे, जो लहानांपासून मोठ्यांपर्यंत सर्वांनाच खायला फार आवडतो. हा एक पाश्चात्य पदार्थ असला तरी त्याचे चाहते जगभरात भरलेले आहेत. लोक फार आवडीने मोमो चटणीसह मोमोजचा आस्वाद घेतात. मोमोजही क्रेझ आता भारतातही वाढली असून आजकाल बाजारात जागोजागी मोमोजचे स्टाॅल्स पाहायला मिळतात. मोमो हे मुळात मैद्यापासून तयार केले जातात मात्र मैदा आपल्या आरोग्यासाठी चांगला नाही अशात तुम्ही गव्हाच्या पिठापासून चवदार असे मोमोज तयार करु शकता.

गव्हाच्या पिठापासून तयार केलेले हे मोमोज देखील चवीला तितकेच अप्रतिम लागतात आणि आरोग्यासाठीही खूप फायदेशीर ठरतात. अशाप्रकारे तुम्ही चवीबरोबरच तुमच्या आरोग्याचीही काळजी घेऊ शकता. मुख्य म्हणजे यासाठी विषेश अशा साहित्याची गरज नाही तुम्ही रोजच्या साहित्यापासूनच हे टेस्टी मोमोज तयार करु शकता. चला मग त्वरीत या हेल्दी मोमोजसाठी लागणारे साहित्य आणि कृती जाणून घेऊया.

सकाळच्या नाश्त्यासाठी सोप्या पद्धतीमध्ये घरी बनवा पौष्टिक बीट सँडविच, नोट करून घ्या रेसिपी

साहित्य

• किसलेला कोबी
• किसलेला गाजर
• चिरलेला कांदा
• पनीर
• आलं-लसूण-मिरची पेस्ट
• गव्हाचे पीठ
• काळी मिरी पावडर
• मीठ
• तेल

रात्रभर वाट पाहण्याची गरज नाही, फक्त 2 तासांतच घट्ट होईल; दही गोठवण्याची सोपी पद्धत जाणून घ्या

कृती

• हेल्दी मोमोज तयार करण्यासाठी सर्वप्रथम कोबी आणि गाजर बारीक किसून घ्या
• यानंतर त्यात मीठ घाला आणि बाजूला ठेवून द्या
• आता परातीत गव्हाचे पीठ काढा आणि त्यात मीठ टाकून एक घट्ट पीठ मळून घ्या
• मोमो स्टफींग तयार करण्यासाठी प्रथम मीठ घातलेल्या गाजर आणि कोबीला पिळून त्यातील अतिरिक्त पाणी काढून घ्या
• आता एका कढईत तेल गरम करा
• तेलात चिरलेला कांदा, कोबी, गाजर आणि पनीर मॅश करुन घाला आणि काही मिनिटे शिजू द्या
• भाज्या हलक्या मऊ झाल्या की मग यात मीठ, आलं-लसूण,मिरची पेस्ट आणि काळी मिरी पावडर टाका
• सर्व साहित्या छान मिक्स करा आणि 1-2 मिनिटे मंद आचेवर शिजवून घ्या
• मोमो तयार करण्यासाठी आता गव्हाच्या पिठाचे गोळे तयार करा आणि याच्या पुऱ्या लाटून घ्या
• आता प्रत्येक पुरीमध्ये चमचाभर तयार स्टफींग भरा आणि याला मोमोचा आकार द्या
• शेवटी तयार माेमो स्टीमरमध्ये ठेवा आणि 15 मिनिटे मोमोज वाफवून घ्या
• तुम्ही हे मोमोज तेलाच तळूही शकता, याने तुम्ही कुरकुरीत मोमजचा आस्वाद घेऊ शकता
• तयार मोमोज एका प्लेटमध्ये काढा आणि मोमो चटणीसह खाण्यासाठी सर्व्ह करा