उपवासाच्या दिवशी पचनास जड पदार्थ खाण्यापेक्षा घरी बनवा दह्याची स्वादिष्ट कढी

आज राज्यभरात सगळीकडे आषाढी एकादशी साजरी केली जात आहे.तसेच या दिवशी विठुरायाची आणि भगवान विष्णूची पूजा केली जाते. आषाढी एकादशीच्या दिवशी उपवास केला जातो. उपवासाच्या दिवशी नेमका काय पदार्थ खावा असा प्रश्न सगळ्यांचं पडतो. बऱ्याच घरांमध्ये साबुदाण्याची खिचडी बनवली जाते. पण साबुदाणे पचनास जड असतात. साबुदाणे खाण्याऐवजी पचनास हलकी असलेली दह्याची कढी नक्की बनवून पहा.

संपूर्ण महाराष्ट्रामध्ये उत्साहाचे आणि आनंदाचे वातावरण आहे. आज राज्यभरात सगळीकडे आषाढी एकादशी साजरी केली जात आहे.तसेच या दिवशी विठुरायाची आणि भगवान विष्णूची पूजा केली जाते. आषाढी एकादशीच्या दिवशी उपवास केला जातो. उपवासाच्या दिवशी नेमका काय पदार्थ खावा असा प्रश्न सगळ्यांचं पडतो. बऱ्याच घरांमध्ये साबुदाण्याची खिचडी बनवली जाते. पण साबुदाणे पचनास जड असतात. उपवासाच्या दिवशी साबुदाणे किंवा बटाट्याची भाजी बनवून खाल्यास अपचन किंवा पित्ताचा त्रास होण्याची शक्यता असते. त्यामुळे उपवासाच्या दिवशी पचनास हलके आणि चवीला स्वदिष्टय असलेल्या पदार्थांचे सेवन करावे. चला तर जाणून घेऊया उपवासाची कढी बनवण्याची सोपी रेसिपी.(फोटो सौजन्य-istock)

साहित्य:

• दही
• शिंगाड्याचे पीठ
• आलं
• मीठ
• तेल किंवा तूप
• लाल मिरची पावडर

कृती:

• उपवासाची कढी बनवण्यासाठी एका वाटीमध्ये दही घेऊन त्यात दोन चमचे सिंगाड्याचे पिठ टाकावे.
• हे मिश्रण व्यवस्थित फेटून झाल्यानंतर त्यात दीड ते २ कप पाणी टाकून पुन्हा एकदा व्यवस्थित मिक्स करून घ्या.
• गॅसवर कढई किंवा तूप गरम करण्यासाठी ठेवा. तूप गरम झाल्यानंतर त्यात जिरे, चवीनुसार मीठ, लाल तिखट आणि अर्धा चमचा आलं टाकून मिक्स करून घ्या.
• त्यानंतर फोडणीमध्ये मिक्स केलेले दही टाकून कढी व्यवस्थित मिक्स करून घ्या.
• कढी व्यवस्थित उकळवून घ्या. त्यानंतर गॅस बंद करून घ्या. तयार आहे उपवासाची कढी.