Navratri 2025 : नवरात्रीच्या उपवासानिमित्त घरी बनवा हटके अन् चवदार साबुदाण्याचे थालीपीठ; सोपी-झटपट तयार होणारी रेसिपी

नवरात्रीचा उपवास होईल आणखीन खास, सोप्या पद्धतीमध्ये घरी बनवा चविष्ट आणि कमी वेळेत तयार होणारा साबुदाण्याचा थालीपीठ. खमंग तव्यावर भाजलेले हे थालीपीठ उपवासात तुमच्यासाठी एक पोटभरणीची डिश ठरेल.

नवरात्री हा भारतातील एक महत्त्वाचा आणि पवित्र उत्सव आहे. या नऊ दिवसांत माता दुर्गेच्या नऊ रूपांची भक्तिभावाने पूजा केली जाते. भक्त उपवास करतात, फळाहार घेतात व सात्त्विक पदार्थ बनवतात. उपवासात खाल्ले जाणारे पदार्थ हलके, पचायला सोपे आणि पौष्टिक असतात. साबुदाणा हा अशा उपवासातील पदार्थांमध्ये सर्वाधिक वापरला जातो. साबुदाण्यापासून खिचडी, वडा, खीर, थालीपीठ असे अनेक स्वादिष्ट पदार्थ बनवले जातात. पण आज आम्ही तुमच्यासाठी साबुदाण्याची एक अनोखी आणि चविष्ट रेसिपी सांगणार आहोत जी तुम्ही याआधी क्वचितच खाल्ली असेल.

दिवसाची सुरुवात करा हेल्दी पदार्थाने! सकाळच्या नाश्त्यासाठी सोप्या पद्धतीमध्ये बनवा चमचमीत पनीर पराठा

आजच्या आपल्या रेसिपीचे नाव आहे साबुदाणा थालीपीठ. हा एक झटपट, चविष्ट आणि पोटभर उपवासाचा खास पदार्थ आहे. कुरकुरीत आणि तुपात भाजलेले थालीपीठ उपवासात खाल्ल्यावर चवीला अप्रतिम लागते. बऱ्याचदा उपवासाचे तेच तेच पदार्थ खाऊन कंटाळा येतो अशात साबुदाण्याचा हा चवदार थालिपीठ तुमच्या तोंडाचे चोचले पुरवण्यासाठी एक परफेक्ट पर्याय ठरेल. चला तर मग जाणून घेऊया यासाठी लागणारे साहित्य आणि कृती.

साहित्य

• १ वाटी भिजवलेला साबुदाणा
• २ मध्यम उकडलेले बटाटे
• १ हिरवी मिरची (बारीक चिरलेली)
• १ लहान चमचा जिरे
• शेंगदाण्याचा कुट २ मोठे चमचे
• मीठ (उपवासाचे) चवीनुसार
• साखर (ऐच्छिक) १ छोटा चमचा
• कोथिंबीर थोडीशी (ऐच्छिक)
• तूप / तेल भाजण्यासाठी

चायनीज खाण्याची इच्छा झाल्यास घरी सोप्या पद्धतीमध्ये बनवा चमचमीत पनीर चिली, नोट करून घ्या रेसिपी

कृती

• यासाठी सर्वप्रथम साबुदाणा ४-५ तास स्वच्छ धुऊन पाण्यात भिजत ठेवा. पाणी निथळून मऊसर साबुदाणा तयार करा.
  उकडलेले बटाटे सोलून बारीक मॅश करून घ्या.
• मोठ्या भांड्यात साबुदाणा, मॅश केलेले बटाटे, शेंगदाण्याचा कुट, हिरवी मिरची, जिरे, मीठ आणि साखर टाका.
• सर्व साहित्य छान मळून एकसंध मिश्रण तयार करा. (पाणी अजिबात घालू नका.)
• केळीच्या पानावर किंवा प्लास्टिक शीटवर थोडे तेल लावून मिश्रणाचे गोळे घेऊन हाताने थापून थालीपीठ तयार करा.
• गरम तव्यावर तूप/तेल घालून दोन्ही बाजूंनी सोनेरी व कुरकुरीत होईपर्यंत भाजा.
• तयार थालीपीठ दही किंवा उपवासातील चटणीसोबत गरमागरम सर्व्ह करा.
• हे साबुदाणा थालीपीठ नवरात्रीच्या उपवासात पौष्टिक आणि चविष्ट पर्याय आहे.

FAQs (संबंधित प्रश्न)

थालीपीठासाठी साबुदाणा किती वेळ भिजवायचा?
साबुदाणा स्वच्छ धुवा आणि निथळून घ्या. साबुदाणा मऊ आणि घट्ट होईपर्यंत सुमारे ४-६ तास किंवा रात्रभर पाण्यात भिजवा.

नवरात्रीच्या उपवासात थालीपीठ खाऊ शकतो का?
सामान्यतः नवरात्री, एकादशी, महाशिवरात्री इत्यादी उपवासाच्या वेळी बनवले जाणारे थालीपीठ महाराष्ट्रात खूप लोकप्रिय आहे.