दातात अडकलेल्या Plaque मुळेच येते दुर्गंधी, ‘या’ घरगुती उपायांनी मिनिट्समध्ये होतील मोत्यासारखे दात

दातांवर प्लाक जमा झाल्यामुळे ते पिवळे होतात आणि त्यामुळे तोंडाची दुर्गंधी येते. दातांवर प्लाक जमा होण्याचे कारण काय आहे आणि तोंडाच्या स्वच्छतेची काळजी घेण्यासाठी काय करावे?

घाणेरडे आणि पिवळे दात केवळ चेहऱ्याचे सौंदर्यच बिघडवत नाहीत तर त्यामुळे दात कमकुवत होऊ लागतात. दातांवर प्लेक जमा झाल्यामुळे ते पिवळे होऊ लागतात आणि त्यामुळे तोंडातून दुर्गंधी येऊ लागते. अशा परिस्थितीत, दातांवर प्लेक जमा होण्याची कारणे काय आहेत आणि तोंडाच्या स्वच्छतेची काळजी घेण्यासाठी काय करावे ते जाणून घेऊया. 

दंतचिकित्सक हरिष तन्ना यांनी काही घरगुती उपाय सांगितले आहेत, ज्यामुळे तुमचे दात पिवळे होणार नाहीत आणि त्यावर थरही साचणार नाहीत. पिवळ्या थरांमुळे तुम्हाला बोलायला वा हसायलाही लाज वाटते. पण तसं न होता तुम्ही नियमित काही घरगुती उपायांचा वापर केल्यास तुमचे दात नेहमीच मोत्यासारखे चमकतील यात शंका नाही. आता या लेखातून तुम्ही सोपे उपाय जाणून घ्या (फोटो सौजन्य – iStock) 

दातांवरील पिवळ्या थरामुळे हसणं होतंय कठीण? सोपा घरगुती उपाय चमकवेल दात हिऱ्यासारखे

दात पिवळे होण्याची कारणे

• प्लाक जमा होणे: प्लाक हा बॅक्टेरिया, अन्नाचे कण आणि लाळेमुळे तयार होणारा एक चिकट थर आहे. जेव्हा तुम्ही नियमितपणे आणि योग्यरित्या ब्रश करत नाही तेव्हा हा प्लेक दातांवर जमा होत राहतो. प्लेक सतत साचल्याने दात पिवळे होतात. याशिवाय, त्यामुळे हिरड्यांचे आजार आणि तोंडाची दुर्गंधी देखील येऊ शकते
• टॅनिन: कॉफी, चहा आणि तंबाखूसारख्या पदार्थांमध्ये टॅनिन नावाचे रसायन आढळते. हे टॅनिन दातांच्या बाहेरील थराला चिकटून हळूहळू डाग निर्माण करते. कालांतराने हे डाग गडद होतात, ज्यामुळे दात पिवळे दिसतात. दातांची नियमित आणि योग्य स्वच्छता न झाल्यामुळे प्लेक आणि डाग सहजपणे जमा होतात

Yellow Teeth Home Remedies: पिवळे दात ठरतायत लाजेचं कारण, टूथपेस्टच्या ठिकाणी वापरा 4 देशी जुगाड, मनसोक्त हसा

दात सफेद करण्यासाठी घरगुती उपाय 

• बेकिंग सोडाः पिवळे दात उजळवण्यासाठी बेकिंग सोडा खूप फायदेशीर आहे. बेकिंग सोडा Plaque काढून टाकतो. तोंडातील pH संतुलित करण्यास मदत करतो आणि दात पांढरे करण्यास खूप मदत करतो. थोड्या नारळात चिमूटभर हळद, टूथपेस्ट, अर्धा चमचा लिंबाचा रस आणि अर्धा चमचा बेकिंग सोडा मिसळा आणि त्या पावडरने दात स्वच्छ करा
• संत्र्याची सालः संत्र्याच्या सालीमुळे पिवळे दातही दूर होतात. संत्र्याची साल वाळवून त्याची पावडर बनवा. आता त्या पावडरने दात स्वच्छ करा. असे केल्याने तुमचे पिवळे दात दुधासारखे पांढरे होतील आणि तोंडातून दुर्गंधी येणार नाही
• पेरू आणि कडुलिंबाची पाने: पेरू आणि कडुलिंबाची पाने पिवळे दात पांढरे करतात आणि तोंडातील घाण देखील काढून टाकतात. ताजी पेरूची पाने चावणे किंवा उकडलेल्या पेरूच्या पानांपासून बनवलेले माउथवॉश वापरणे दात पांढरे करण्यास मदत करू शकते

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.